San Lucas 3:11 - Zapoteco de Aloápam

¹¹ Juan becabibi guecani rábi cana: —Nu seꞌe chupa cue xoni nna utena ttu cue nua leni nu bittu te gueni, nu te nu rona utena nu go nu bittu te gona.

San Lucas 3:11 Iomraidhean Croise

San Mateo 25:40

Neti benni rinnabia xeni nna ecabia innía: “Gualíbatia rpea le, atti benle yuda ttu ca benni raca betsi loesri-ni, masquiba ancacana nu bittu ra xxeni leni nna netiba nua benle yuda.”

San Lucas 11:41

Itú iqui itú lele gualute nu te guele len ca benni bittu te gueni, anía liba nna aca nari itúbale.

San Lucas 18:22

Bienbani Jesús nu rá nua nna ráttebe: —Reasa attu nu unlu: Bettoꞌo iyá bixa te guelu. Belhiha nna betena len ca nu bittu te gueni. Anía liba nna gatta elha tsee guelu iyyabaaha. Lania nna utátte betteno neti.

San Lucas 19:8

Ttiaca Zaqueo nna udulíttebana rána Jesús: —Benni bananie neti, begüiarga, neti utea len ca benni bittu te gueni rulha xea gue iyába nu te quia. Gansi ulana nuxa benni leni nu ben lasia nna, ttapa libe nu uxí sigáya gueni otea len lana.

San Juan 13:29

Judas galá denna beduti yuꞌu belhi, nuarcala ttulhecabi nna ucaquinbi ga rába Jesús nua tsiana sayoꞌona nu reasa gue laní o ugüena ca benni bittu te guecani ttu latti belhi.

Hechos 10:2

Lana lenna iyába ca benni seꞌe lheꞌe lisniha nna ancacana benni rudoru tisa gue Tata Do Iyyabaaha, tsitsiba ria lecani Benniha lhe. Cornelio nna satíaba rinnebi len Tata Do Iyyabaaha. Labi nna itú iqui itú lebi redá lebi rutebi nu reasani ca benni Israel bittu te guecani.

Hechos 10:31

Nianna re neti: “Cornelio, Tata Do Iyyabaaha chiba bieninie ca tisa rinnelha. Chiguaba uxieba neda nu redá lelu rutelu leni ca benni bittu te guequinna lhe.

Hechos 10:4

Cornelio nna siba bedobi, ttu lixxaba rugüiabi ingeliha. Itú rasbinbi unnaba tisabi rábi: —¿Bi raca lelu, tata? Ingeliha nna becabie re: —Tata Do Iyyabaaha chiba bieninie ca tisa rinnelu rulisa lue, chiguaba uxieba neda nu redá lelu rutelu leni ca benni bittu te guequinna lhe.

Efesios 4:28

Nu runi ubana nna bitturu lhanana, nu unlana nna cuenna ttu sina lhatsiru len niꞌa náni qui aníachu nna te nu utena len ca benni bittu te guecani.

1 Timoteo 6:17

Ca biꞌini ancacabi nu te gueni yies lo yu-ni nna belisa cabi qui bittu acacabi nu ttaba, bittuguaba uxxen lecabi gue nu te guecabi lhe cumu reabunna. Adíla tsee nna uxxen lecabi Tata Do Iyyabaaha. Benniha anque benni bani, rute iyá nu reasinri qui te xxeni nu edí baari.

1 Timoteo 6:18

Gus cabi uncabi nu anca lhatsiru, acacabi nu runi iyáloba nu tsee lhe. Itú iqui itú lecabi edá lecabi ugüecabi adí benni bixa te guecabi.

Hebreos 6:10

Cumu Benniha nna anque Benni runi nu anca tsee. Läga ixulhin Ben-na gue nu tsee chi benle, niguaba gue nu runle yuda adí ca benni chi anca gue Ben-na lhe. Atti runle aná nna ruleꞌe lole raquinle gue Tata Do Iyyabaaha, anába diabale runle axta nnanna lhe.

Santiago 1:27

Nu gualíga anca tsee radi le Tata gueri do iyyabaaha uni ttu benni ria leni Ben-na nna ancana: unri yuda ca unto bidabi-na lhe ca nuila bidabi-na lhe atti ruyúcana elha disa lo niꞌa gue bixa ratecana, bitturu unri nu lä anca tsee raca yies lo yu-ni lhe.

Santiago 2:14

Ca benni ria le Jesús, tsa lägabi te iría len ttu benni gansi rána ria leni Jesús, nianna bittu runna nu anca tsee. ¿Si gua rudhaca lele dequi careꞌaba rá nua chi ria leni Jesús gualábana bittu tsia nittina?

1 Juan 3:17

Ttiaca gansi nux ttu benni gua te lenba guebi nna nianna rilenbi ttu benni ria le Jesús risá lobi, labi nna bittu satúa lebi biꞌiniha utebi nu reasin biꞌiniha, biꞌiniha nna läga gualínbi raquinbi gue Tata Do Iyyabaaha atti raquin Benniha gueri.

1 Juan 4:20

Gansi nuxa benni rána: “Neti racatia gue Tata Do Iyyabaaha”, ttiaca rutía diba leni ca benni, unnuha nna nu güen lasiba nua. Cumu nu bittuba raquinna gue ca benni rilenna, ¿gasná aquin nua gue Tata Do Iyyabaaha benni bittu rilenna?