San Lucas 3:10 - Zapoteco de Aloápam

¹⁰ Denua nna iyába ca benni seꞌe nía rinnaba tisacana rácana Juan: —¿Bila anca nu untu?

San Lucas 3:10 Iomraidhean Croise

San Lucas 3:12

Bisíngua ttulhe ca güequixa seꞌe ridí belhi deyya Roma qui gadicana inda. Lacana nna unnaba tisacana Juan rácan bi: —Maestro, ¿bila anca nu untu?

San Lucas 3:14

Anáguaba ttulhe ca soldado unnaba tisacana rácana: —Riꞌitu nna ¿bila anca nu untu? Juan becabibi rábi cana: —Bittu xalhaba unniasinle benni sunruba qui aca utecana belhi len lebiꞌi, lä uteguale parti guecani gue nu bittu gualí bencana lhe. Gualaca xen lele len nu naxale.

San Lucas 3:8

Gualuni nu anca lhatsiru qui uleꞌe lo gualí chi bodú xiyyanle bodaxxule neda gue Tata Do Iyyabaaha. Bittu aquinle ulaba lele innále: “Gualába riꞌitu de ancatu benni datía Abraham.” Cumu neti nna gualíbatia ria, axta ca iyya seꞌe-ni guacaba eyon Tata Do Iyyabaaha cana benni datía Abraham.

Hechos 16:30

laniala bebeana ca biꞌiniha, nianna unnaba tisattebana rán cabi: —Xa tata, ¿bila anca nu unia qui lháya bittu tsia nittia?

Hechos 2:37

Atti bienini ca nu seꞌe nía nu rá Pedro, lania nna siꞌirurba runcana cumu de guadú lecani nu rá biꞌiniha cana. Nianna unnaba tisattebacana biꞌiniha, adí ca biꞌini bedheti ca tisa beleꞌe Jesús lhe rácan cabi: —Xa betsito, ¿bila anca nu untu ganna?

Hechos 2:38

Pedro nna becabittebabi guecani rábi cana: —Gualodú xiyyanle nna gualodaxxutte neda gue Tata Do Iyyabaaha. Nianna atti cua ttu ttubale gadile inda udettile lá Jesucristuha, qui anáchu dhi Tata Do Iyyabaaha elha xen lasi gue ca tulha chi benle-na. Lania nna utee Espíritu guee-na len lebiꞌi.

Hechos 9:6

Lana nna [tu rixidibana de rasbinna unnena] rána: —Tata, ¿bi raca lelu unia? Jesús ráttebe na: —Nnanna nna guadha, güia lheꞌe yies-na. Na quixxiꞌaquinna lu bixa anca nu unlu.