San Lucas 24:4 - Zapoteco de Aloápam

⁴ Níaba seꞌecabi raca guatequinbi, bittu rería niꞌelhaquinbi bixa uncabi, attirba elha ucaxxela chupa ca unbiyuu nucu xo racalaa guecabi useꞌecabi lhuittacabi.

San Lucas 24:4 Iomraidhean Croise

San Marcos 16:5

Atti utaꞌacabi lheꞌe belea atta uyuꞌu Jesús, biláttebaquinbi ttu uncuiti dobi daca ladu derechu nucu xo sitsi ttuni guebi. Ca nuilaha nna usttebaquinbi.

San Lucas 2:9

Attirba ttu lhaba ucaxxe ttu ingeli gue Tata Do Iyyabaaha atta seꞌecabiha. Sabiꞌabacabi uyuꞌu xieni racalaa gue Tata Do Iyyabaaha, lacabi nna usilhabaquinbi

San Lucas 24:5

De usbaquinbi nna bodeattatteba locabi lo yu. Ca unbiyuuha nna unnettebacabi rácabi: —¿Biaca reguilale Benni anca bani-na atta yuꞌu ca nu yatti-ni?

Hechos 1:10

Laca seꞌecabi rugüiacabi deyya Jesús iyyabaaha nna attirba chi ucaxxe chupa ca unbiyuu atta seꞌecabiha, nucu xo sitsi guecabi.

Hechos 12:7

Attirba chi ucaxxe ttu ingeli gue Tata Do Iyyabaaha, nianna tsaba betú lheꞌe lisiyyaha uyuꞌuchaba xieni. Ingeliha nna benipattebe lhuitta Pedro qui ebanbi, nianna re biꞌiniha: —¡Jerttexxirga guadha! Ca cadena xxica ná Pedro nna xeaba bitúatteba ca nua biyinnacana lo yu.

1 Timoteo 3:16

Gualíba, xxenba anca gue ca tisa gue Cristuha chi yuri nnanna nu bittu chi yu benni ca tu ttuha: Jesús bite yies lo yu-ni, uque benni attiba riꞌi. Espíritu gue Tata Do Iyyabaaha beleꞌe loe gualíba anca Jesús benni runi nu anca tsee. Biláni ca ingeli gue Tata Do Iyyabaaha Benniha lhe utixxiꞌacana gue Benniha leni ca nu bittu anca benni Israel-na lhe. Güia lee ca benni seꞌe yies lo yu-ni Benniha, bedí Tata Do Iyyabaaha Benniha qui besine attu libe iyyabaaha lhe.