San Lucas 23:5 - Zapoteco de Aloápam

⁵ Ttiaca adíla duelha bencana rácana: —Lana requina rutsatsana iyába ca benni gue Judea-ni leni nu ruleꞌena. Udulona Galilea-na, nnanna nna requina nii.

San Lucas 23:5 Iomraidhean Croise

San Mateo 11:1

Dequide ulhuxa utixxiꞌen Jesús ca biꞌini tsiꞌinu rudheti ca tisa ruleꞌe gue bixa uncabi, bedáttebe nía die lheꞌe adí ca lheꞌesi seꞌe itúba nía qui quixxiꞌe lhe uleꞌenie lhe ca benni ca tisa gue Tata Do Iyyabaaha.

San Mateo 2:1

Atti rinnabia Herodes, lania nua uli Jesús lheꞌesi lá Belén nu re lo yu te láni Judea. Lania nna bisína ttulhe ca benni te elha rieni guecani lheꞌe yiesi Jerusalén, ca unnuha nna dacana daca atta riria tatubisa-na.

San Mateo 27:24

Atti utedeen Pilato tsa läga rdana lo ca nua, cumu adílaba de risatsa ca nua, unnabattebana inda qui utí náni aníba lo iyába ca benni seꞌe nía. Nianna rána: —Neti nna läga uxxúa cueꞌa elhutti gue unbiyuu-ni. Nadi gualyú.

San Mateo 4:23

Itúba Galilea güequi Jesús ruleꞌenie ca benni lheꞌe ca yoꞌo atta rudheti ca benni Israel ca tisa gue Tata Do Iyyabaaha, rixxiꞌanie ca benni ca tisa tsee gue gaxasná rinnabia Tata Do Iyyabaaha lhe reonie ca benni yuꞌu iyáloba isagüe cuerpu guecani lhe.

San Marcos 1:14

Dequide chi utixxacana Juan lisiyya, diatteba Jesús lo yu nu te láni Galilea güettixxiꞌen ca benni seꞌe nía ca tisa tsee gue gaxasná rinnabia Tata Do Iyyabaaha.

San Lucas 11:53

Atti bería Jesús lheꞌe yoꞌo gue benni fariseo, ca nu ruleꞌe nu rá lo ley bocaꞌana Moisés lhe ca fariseo lhe bisaꞌaxxattaquinna lo niꞌa gue nu unne Jesús. Denua nna desdeba lania udulottebacana betsitsiquinne lhe rinnaba tisaxxattacane lhe.

San Lucas 23:23

Ttiaca lacana nna adílaba uresiꞌacana, rinnabacana utá Pilato Jesús lo ya crusi. De ribesiꞌaxxattabacana lencana ca nu lo gue ca bixxudiha, udábacana uca nu raca lecani.

San Lucas 23:6

Atti bienini Pilato rudetti ca nua Galilea nna unnaba tisattebana gansi nía baba Benniha.

San Juan 1:43

Betteyú sá nna bebequi le Jesús tsie daca lo yu gue Galilea. Nía nua guattiꞌe Felipe, atti ráttebe biꞌiniha: —Utá betteno neti.

San Juan 19:15

Ttiaca lacana nna uresiꞌattebacana rácana: —¡Betti unná! ¡Betti unná! ¡Betá unná lo ya crusi! Pilato nna unnaba tisan cana rán cana: —¿Si utáya nu rinnabia guele-ni lo ya crusi? Ca nu lo gue ca bixxudiha nna becabicana rácana: —Riꞌitu nna suna Césarba anca nu rinnabia guetu.

San Juan 2:11

Unníba primer milagru beni Jesús lheꞌesi Caná nu re lo yu gue Galilea. Anía liba nna beleꞌe loe anque benni ra xxeni leni. Ca biꞌini rudheti ca tisa ruleꞌe nna güia lecabi guee.

San Juan 7:41

Adícana nna rácana: —Benniba nua Cristuha. Ttiaca adícana nna rácana: —Dica, läga Galilea-na iría Cristuha.

San Juan 7:52

Ca unnuha nna becabicana rácan na: —Lu nna ¿si nu Galileoguabalu? Beguilarga lo ca sitsi gue Tata Do Iyyabaaha, tsa lägabi rixxiꞌa dequi chi biría ttu profeta Galilea-na.

Hechos 10:37

Lebiꞌi nna gua yuxeabale gue nu uca itúba lo yu gue Judea udulona daca lo yu gue Galilea, dequide atti chi utixxiꞌani Juan ca benni dequi raca duelha gadicana inda.

Hechos 23:10

Ttiaca ca benni seꞌe nía nna adílaba biyiyyacana. Larcala nna nu lo gue ca soldadoha nna usittebinna qui lä uduyacana Pablo de ugüebacan bi. Laniala nna uxina ttu chupa ca soldadoha qui ebeacana Pablo lo ná ca nu seꞌe nía eche dacabacan bi lheꞌe atta ruꞌu ca soldadoha.

Hechos 5:33

Atti bienquinna nu rá ca biꞌiniha nna bisaꞌattebaquinna nianna uxacattebacana utticana ca biꞌiniha.

Hechos 7:54

Atti chi bina ca benni seꞌe nía iyába nu rá Esteban nna bisaꞌalhabaquinna roni lo layacani de riláxxattaquinna.

Hechos 7:57

Ttiaca lacana nna bettola nagacani, atti uresiꞌacana idisa, nianna bebiꞌa notteba iyábacana biꞌiniha.