San Lucas 22:8 - Zapoteco de Aloápam

⁸ Jesús udhelhe Pedro lenbi Juan, nianna re ca biꞌiniha: —Gualtsia gualseni rseri qui gori gue laní Pascua-ni.

San Lucas 22:8 Iomraidhean Croise

San Mateo 3:15

Jesús becabie re: —Uxielha nnanna cumu tseeba salíanri udori tisa gue nu chi gaꞌanani Tata Do Iyyabaaha unri. Anía liba uca nna uxielha Juan begadibi Jesús inda.

San Lucas 1:6

Irupabacabi ancacabi benni runi nu anca tsee lo Tata Do Iyyabaaha, seꞌeguabacabi rudocabi tisa gue iyá nu runi Benniha mandadu uncabi lhe. Larcala läganu te inne güeena guecabi.

San Lucas 22:9

Lacabi nna unnaba tisacabi rácabi Benniha: —¿Gonni raca lelu tsiatu sentu nu go rseri?

Hechos 3:1

Ttu sá nna dia Pedro lenbi Juan atta do yotuha attiba tu retin tsunna ulha cumu uraha anca rinne ca benni len Tata Do Iyyabaaha.

Hechos 3:11

Nu xi chi beacaha nna tsaba bitturu rulhána Pedro lenbi Juan. Nianna iyába ca benni seꞌe nía rebanquinna atti diattebacana atta seꞌe ca biꞌiniha lheꞌe corredori daa roꞌo yotuha nu te láni Corredori gue Salomón.

Hechos 3:3

Atti biláni benni anca xiha Pedro lenbi Juan chi diacabi gaꞌacabi lheꞌeliꞌa gue yotuha nna unnettebana rinnabana ca biꞌiniha belhi.

Hechos 4:13

Atti biláni ca nu rinnabiaha bittu rasini Pedro lenbi Juan atti rinnecabi nna bebanbaquinna guecabi, cumu yuxeabacana läga raca gue ca biꞌiniha sitsi, niguaba lä bedheticabi lhe. Laniala nna boquinna iquicani gualíba anca ca biꞌiniha benni güequi leni Jesús.

Hechos 4:19

Ttiaca Pedro lenbi Juan, becabilacabi rácabi cana: —Lebiꞌitteba attiba seꞌele-na, gualnna sanga, ¿si tseerla anca lo Tata Do Iyyabaaha udotu tisa guele attichula gue Benniha?

Hechos 8:14

Atti bina ca biꞌini bedheti ca tisa beleꞌe Jesús seꞌe Jerusalén dequi chi bedaxxu ca benni seꞌe Samaria tisa gue Tata Do Iyyabaaha nna laniala udhelhacabi Pedro lenbi Juan qui güiacabi nía.

Gálatas 2:9

Lania nna Jacobo lhe Cefas lhe Juan lhe ca biꞌini anca nu lo gue ca benni ria le Jesús, atti boquinna iquicabi gualíba Tata Do Iyyabaahaba bedaa lee bete elha tsee-ni len neti, bedaxxuttebacabi náya lenia Bernabé-ni. Anía bencabi qui uleꞌe lo gua seꞌebacabi len riꞌitu qui tsiatu satixxiꞌatu ca tisa gue Jesús atta seꞌe ca benni dittu-na, laca lacabi nna rixxiꞌencabi ca benni Israel-na ca tisa-na.