San Lucas 22:57 - Zapoteco de Aloápam

⁵⁷ Ttiaca Pedro nna bittu uxí roꞌobi. Unnettebabi rábi: —Xa nuila, läga anca biatia unná.

San Lucas 22:57 Iomraidhean Croise

San Mateo 10:33

Ttiaca benni bittu dhi roꞌoni aní lo benni gualíba ria leni neti nna anáguaba neti bittuguaba dhi roꞌa gualí ria leni neti lo Tata quia do iyyabaaha.

San Mateo 26:70

Ttiaca Pedro nna läga uxí roꞌobi ancabienbi Benniha lo iyába ca nu seꞌe nía, tseꞌe lolabi rábi: —Läga yu neti gue bixunná rálu.

San Lucas 12:9

Ttiaca benni bittu dhi roꞌoni aní lo benni gualíba ria leni neti nna anáguaba neti bittuguaba dhi roꞌa gualí ria leni neti lo ca ingeli gue Tata Do Iyyabaaha.

San Lucas 22:56

Ttiaca ttu nuila ren sina nía, atti bilenna Pedro dobi atta re guiha, begüiattebana ttu líba lobi, nianna rána: —Anáguaba unbiyuu re-ni, len Jesús-naguaba du unná.

San Lucas 22:58

Sattigaba uca nna chi biláni attu nu subi Pedro, nianna rá nua: —Lu lhe ancalu benni baba len Jesús-na. Pedro nna becabibi rábi: —Dica, läga anca neti benni baba len unná.

San Juan 18:25

Pedro nna níaba sna dubabi roꞌo teha rotsaꞌabi. Ca nu seꞌe nía nna rácan bi: —¿Si läba lu lhe ancalu ttu ca nu rudheti ca tisa ruleꞌe unbiyuu-na? Labi nna läga uxí roꞌobi, rálabi: —Dica. Läga anca neti nu rudheti ca tisa ruleꞌe unná.

San Juan 18:27

Pedro nna bittu uxí roꞌobi attu libe gansi gualí anca bienbi Jesús. Snaba lania nna uresi berudiha.

Hechos 3:19

Larcala lebiꞌi nna gualodú xiyyanle, gualodaxxutte neda gue Tata Do Iyyabaaha qui cue ca tulha guele-na, lania nna uni Benni bananie ri-na salía tseenle.

1 Juan 1:9

Ttiaca gansi riꞌi ridí roꞌori lo Tata Do Iyyabaaha ancari nu runi nu lä anca tsee, lee nna guadíbe elha xen lasi gueri, guaguabe iyáxea nu lä anca tsee runriha lhe. Cumu anque Benni runie nu chi re, anque Benni runie ttagaꞌa nu anca tsee lhe.