San Lucas 21:8 - Zapoteco de Aloápam

⁸ Jesús becabie re: —Tsitsi gualdo cuidadu qui bittu dhielhale ixú yiele. Cumu ixe ca nu isía uncana dequi ancacana neti, nianna innácana: “Neti nua Cristu.” Innáguabacana: “Chi bisía sá atti lhuxa yies lo yu-ni.” Ttiaca lebiꞌi nna bittu tsia lele guecani.

San Lucas 21:8 Iomraidhean Croise

San Mateo 24:11

Ixe ca güenlasi isía innácana dequi ancacana profeta gue Tata Do Iyyabaaha, ixeru benni dhacana dhi yiecana.

San Mateo 3:2

Labi nna rábi: —¡Gualodú xiyyanle, gualodaxxutte neda gue Tata Do Iyyabaaha, cumu chi daa ribiga isía sá innabia Ben-na!

San Mateo 4:17

Desdeba lania nna udulo Jesús utixxiꞌenie ca benni seꞌe nía re cana: —Gualodú xiyyanle, gualodaxxutte neda gue Tata Do Iyyabaaha, cumu chi daa ribiga isía sá innabia Benniha.

San Lucas 17:23

Ca benni nna gácan le: “Nie du-ni”, o “na doe.” Masquiba gácan le anía, bittu tsiale sagüiale, nigua lä sanalhale cana lhe.

San Lucas 21:7

Laniala nna unnaba tisacana Jesús rácane: —Maestro, ¿núca aca nu ralha? ¿Bi aca qui uleꞌe lo dequi chi deoba aca aná?

San Lucas 21:9

Atti unale ritilha len loesi ca yiesi lhe ca benni seꞌe lheꞌe la ttuba yiesi lhe bittu gasinle, cumu labíaba loxaba unní aca, ttiaca läga chi bisía sá lhuxa yies lo yu-ni.

San Juan 5:43

Neti daya cuenta gue Tata quia, lebiꞌi nna bittu raca uyúle neti. Lala ttirca attu nuxa dana cuenta gue la labana nna unnuha liba raca ruyúle.

San Juan 8:24

Denuala nna ria le, gattibale de runle nu lä anca tsee, cumu gansi bittuba ria lele ria neti anca benni chi rpea le anca nna lebiꞌi nna gattibale de runle nu lä anca tsee.

San Juan 8:28

Lee nna re cana: —Gansi chi ulhidhale neti Benni unbiyuu daa iyyabaaha lo crusi nna lania liba ttedeenle neti nua anca nu chi ria le anca, bittuguaba runia nu anca quia lhe. Nu beleꞌebani tata quia neti, unnuhaba rinnea.

1 Corintios 6:9

Lebiꞌi nna gua yubale nna ca nu runi nu lä anca tsee-na lägabi elha ralhacana dhicana nu tsee dhi ca benni rinnabia Tata Do Iyyabaaha. ¡Bittu dhielhale ixú yiele! Ni ca nu requi manni-na lhe ni ca nu rudú xibicani lo ca nu bittu gualí anca diosi-na lhe ni ca nu risá nu bittu anca latselacani lhe niguaba ca unbiyuu risácana la loesi unbiyuuba cana lhe

Efesios 5:6

Tsa bittu ugüelhale dhi yiecana le leni ca tisa lä dica ixuu, cumu lo niꞌa gue unná nna utee Tata Do Iyyabaaha elha disa gue ca nu lä rudo tisa guee.

2 Tesalonicenses 2:3

Tsa bittu ugüelhale nuxa dhi yienle, cumu antisla isía sá atti esía Benniha nna iría ixeru benni eseꞌe disacana lo Tata Do Iyyabaaha, acaxxeguaba unbiyuu ancana nu runi tagaꞌa nu anca satsa lhe nu chi gaꞌana tsaba tsia nittina.

2 Timoteo 3:13

Ttiaca ca benni lä du ta lequinna lhe ca nu requi uxí yiena lhe ttu diaba ca unná runcana adí nu bittu anca tsee, ridí yiecana benni lhe rixú yiecana runcana aná lhe.

1 Juan 4:1

Ca benni ria le Jesús, racatia guele, bittu tsia lele gue iyá ca nu rácana dequi rixxiꞌacana ca tisa rute Espíritu gue Tata Do Iyyabaaha len lacana. Primer xa gualuni qui ttedeenle gansi gualí quin ca unnuha Espíritu gue Benniha nua yuꞌu lheꞌe lastoocani, cumu ixeru ca nu run lecani chi requi yies lo yu-ni rácana dequi ancacana profeta gue Tata Do Iyyabaaha.

2 Juan 1:7

Cumu ixeru ca güen lasi chi requi yies lo yu-ni, bittu ria lecani uca Jesús Benni anque Cristu ttu benni attiba riꞌi atti bite yies lo yu-ni. Ca nu rinne aná nna nu güen lasiba anca ca unná, nu lä raca uyú Cristuhaba ancacana.

Apocalipsis 1:3

Carbáru ca benni rulabacabi ca tisa dia lo sitsi-ni, ca tisa rixxiꞌa gue nu chi daa aca. Carbáru ca benni rudo nagacabi Ben-ni lhe rudocabi tisa gue nu dia lo sitsi-ni lhe cumu chi daa ribiga aca nu rá loe.

Apocalipsis 12:9

Larcala nna uleaque nimala xxegüiha nía. Unnuha nua anca belha do axta ttuali, nu teeguaba láni nu xxegüi lhe Satanás lhe nu ridí yie iyába ca benni seꞌe yies lo yu. Lana lenna ca ingeli gueniha nna biruꞌunabacana yies lo yu.