San Lucas 2:7 - Zapoteco de Aloápam

⁷ Nía uluꞌu xiꞌin primer gue María. Labi nna bottesttebabi untoha lari atti utixxattebabi Benniha lheꞌe atta ro ca uꞌuna bia cumu bitturu bisela atta eyaꞌancabi lheꞌe ca yoꞌo atta reꞌan adí benni.

San Lucas 2:7 Iomraidhean Croise

San Mateo 1:25

Ttiaca läga bisá loescabi, axta liba dequide chi uli untoha. Labi nna begüeebi lá untoha Jesús.

San Mateo 13:55

¿Si läba xiꞌini carpintero-naba unní nna? ¿Lä Maríaba lá nan gue unní lhe ca betsini nna lácana Jacobo lhe José lhe Simón lhe Judas lhe?

San Mateo 8:20

Jesús becabie re na: —Ca beda-na guasiaba liscani gaxa retaꞌacana, ca binni-na lhe gua siaba xcuadi guecani, ttiaca neti Benni unbiyuu daa iyyabaaha läga anca gaxa quixxa iquia.

San Lucas 10:34

Ubigattebana atta te nua, benttebana ramedi ca lo güee gue nua len seti lhe vinu lhe bettubina lari ca atta anca güee gue nua lhe. Lenla nna belhopin nua cuꞌe bia gueniha, qui uchen nua atta do ttu yoꞌo reꞌan ca benni. Nía upan nua.

San Lucas 2:6

Ttiaca guaxxína laca seꞌecabi lheꞌe yiesi Belén nna, bisía sá gali xiꞌinbi.

San Lucas 2:8

Gaxxaba roꞌo yiesi Belén seꞌe ca benni ruyú ca carneꞌe. Níaba reꞌancabi lo rela atta yuꞌu ca carneꞌeha qui rapacabi ca unnuha.

San Juan 1:14

La tisaba Benniha beaque benni, udoe len riꞌi. De nu guate Benniha, besiꞌin Tata Do Iyyabaaha ri, ruleꞌenie ri nu gualí lhe. Begüiari elha ra xxen le guee bete Tata Do Iyyabaaha de tturba Benniha anque xiꞌinie.

2 Corintios 8:9

Cumu lebiꞌi nna chiba yule ya de tsee run Jesucristu Benni bananie ri-na len ca benni. Lee nna anque Benni texxatta guee. De ucabanie guele nna uque Benni bittu te gueni atti bite yies lo yu-ni. Uca Benniha benni bittu te gueni qui anía liba nna ucale nu gatta gueni iyyabaaha.

Gálatas 4:4

Ttiaca atti chi bisía tiempu gaꞌanani Tata Do Iyyabaaha idhelhe Xiꞌinie Jesús yies lo yu-ni, laniala nna udhelhe Benniha. Benniha nna ttu nuilaba uluꞌune. Lee nna uque Benni bedo tisa gue ca ley bocaꞌana Moisés.