San Lucas 2:34 - Zapoteco de Aloápam

³⁴ Laniala nna unnaba Simeón aca len Tata Do Iyyabaaha ca biꞌiniha, atti rábi María nan gue Jesús: —Biyúrga, unto-ni nna anque Benni chi gaꞌana odile ixe tsitsia ca benni gueri anca benni Israel, unie qui tsia nitti ixeru cana lhe. Ben-na anque Benni ruleꞌe loe Tata Do Iyyabaaha, ttiaca ixe nu cuꞌu niꞌani Ben-na.

San Lucas 2:34 Iomraidhean Croise

San Mateo 11:19

Bisíaya neti Benni unbiyuu daa iyyabaaha, riꞌa roa nna lebiꞌi nna rálale: “Unbiyuu-ni nna ancana ttu nu riꞌa roxxatta, ttu nu do tsee len ca güequixa-na lhe ca nu te tulha guecani lhe.” Ttiaca atti rilenri gaxasná run ca xiꞌini Tata Do Iyyabaaha, lania nna ritedeenri, elha rieni rapa Tata Do Iyyabaahaba nua rapa ca biꞌiniha.

San Mateo 12:46

Sna duba Jesús rinne lanie ca benni seꞌe nía, atti chi bisína nan gue Benniha lenbi ca betsi Benniha. Níaba useꞌecabi lheꞌeliꞌa gue yoꞌoha. Lacabi nna raca lecabi inne lencabi Benniha.

San Mateo 21:44

Larcala nuxaba iyinnana iqui iyya-ni nna tsaba iyuyana. Gansi iyya-ni iyinnana iqui nuxa nna tsaba eyonna nua biste.

San Mateo 27:63

Nianna rácana nua: —Xa Tata, riꞌitu nna bexxa letu gue nu unnee nu güenlasi Jesús, atti sna requi banbana, lana nna rána: “Dequide tsunna ubisa nna eyacatia.”

San Lucas 2:35

Qui anía nna tsanni lo nu rulaba le ixeru benni. Ttiaca unní nna acana nu uni uyúlu elha disa, [attiba ttu espada gaꞌana lheꞌe lastoolu.]

San Juan 3:20

Iyába ca nu runi nu lä anca tsee bittu raca uyúcana xieniha, läga ribigacana atta ruꞌu xieniha qui bittu tsanni lo nu runcana nianna itisacana.

San Juan 5:18

Lo niꞌa gue unnuha nna ca nu lo gue ca benni Israel nna adíla bedona lecani utticane. Cumu läga sunru bittu rudoe tisa edí lee sá redí le ca nu Israel, ráguabe anque ttuba leni Tata Do Iyyabaaha de re raca tata guee Benniha.

Hechos 13:45

Ttiaca atti biláni ca benni Israel de yatterba de re ca benni bisína nía nna lacana nna upattebacana malisi, atti udulottebacana bitti rábacana recabicana gue Pablo, riguecana iquibi lhe.

Hechos 17:6

Ttiaca atti nuttu ca biꞌiniha guattiꞌacana nna la dula Jasón leni attu chupa ca benni chi ria le Jesús uchecana, naꞌayanicana ca biꞌiniha guaseꞌecan cabi lo ca nu rinnabia gue yiesiha, atti ribesiꞌanicana rácana: —¡Ca unbiyuu requi rucannacana iqui ca benni seꞌe itúba yies lo yu-ni nna chiguaba bisíacana nii!

Hechos 24:5

Riꞌitu nna chi guattiꞌatu unbiyuu du-ni rutsatsana ca benni, lana nna requina rilhaꞌana lheꞌe loesi ca nu Israel seꞌe itúba yies lo yu-ni. Laguabana rinneruna lo ttu xxia ca nu ria lecani ttu nu udo lheꞌe yiesi Nazaret.

Hechos 28:22

Ttiaca riꞌitu nna raca letu udo nagatu bixa innálu cumu lheꞌe iyába ca yiesi-na riguꞌu niꞌacani ca benni sela len lu chi bedaxxu neda gue Jesús.

Hechos 4:26

Ca nu rinnabia xeni gue yies lo yu-ni lhe ca nu anca nu lona lhe ttuba riacana reseꞌe disacana lo Tata Do Iyyabaaha, lo Cristu Benni udhelha Ben-na lhe.

Hechos 6:7

Ttu diaba runa adí benni ca tisa gue Tata Do Iyyabaaha, aníaguaba tsitsiba dia rani ca benni ria le Jesús lheꞌe yiesi Jerusalén lhe anáguaba ixeguaba ca bixxudiha güia lecani Jesús.

Romanos 9:32

Nianna ¿biaca lä udácana? Cumu läga bencana acacana nu bitturu tulha gueni te de tsia lecani Tata Do Iyyabaaha, sinuqui lacana güia lecani dequi de unbacana nu anca tsee nna acacana nu bitturu tulha gueni te lo Tata Do Iyyabaaha. Denua nna nuarca bichecucana leni “iyya nu re qui ichecucana”.

1 Corintios 1:23

Ttiaca riꞌitu nna rixxiꞌabatu gue Cristu benni utá lo ya crusiha. Unná runi rido dini ca nu Israel-na. Ca nu bittu anca benni Israel-na nna rácana dequi nu rixxiꞌatu ancana gue nu lä caa xieni gueni.

Hebreos 7:1

Melquisedec ucabi biꞌini rinnabia gue yiesi lá Salem, ucaguabi bixxudi gue Tata Do Iyyabaaha Benni anque Benni ra xxeni lee. Atti dedaa Abraham güiabi bitilhabi dequide udábi lo ca nu rinnabia gue ca yiesi seꞌe nía, Melquisedec biríabi guatsábi Abraham qui unnababi aca len Tata Do Iyyabaaha biꞌiniha.

Hebreos 7:7

Riꞌi nna gua yubari, benni ra xxeniru leniha liba nua rinnabana aca len Tata Do Iyyabaaha benni ra güexxaru leniha.

1 Pedro 4:14

Carbárule gansi usiale can le lo niꞌa gue de ria lele Cristu, cumu Espíritu gaꞌana tsee gue Tata Do Iyyabaaha satíaba doe len lebiꞌi. [Gualígala ca unná nna rinne güecana gue Ben-na, ttiaca lebiꞌi nna rapale Ben-na respeto.]