San Lucas 18:9 - Zapoteco de Aloápam

⁹ Utixxiꞌaguaba Jesús attu ejemplu, belise ca nu racaquinna ancacana nu runi nu anca tsee, nianna riguꞌu niꞌacani adí ca benni. Le nna re cana:

San Lucas 18:9 Iomraidhean Croise

San Lucas 10:29

Ttiaca de rdaca nu ruleꞌe nu rá lo ley eyaꞌan tseena lo benni nna larcala nna bedennaba tisana Jesús rána Benniha: —Nianna, ¿nú nua anca benni acatia gueni?

San Lucas 15:2

Ca nu fariseo lencana ca nu ruleꞌe nu rá lo ley bocaꞌana Moisés, rinne güecana gue Jesús rácana: —Unbiyuu du-ni nna rulabina ca nu te tulha guecani lo Tata Do Iyyabaaha, roguaba lenna ca unná yetta lhe.

San Lucas 16:15

Benniha nna re cana: —Lebiꞌi bunna runle dequi ancale benni tsee lo adí ca benni, ttiaca Tata Do Iyyabaaha gua yube gaxasná anca lhiꞌu lheꞌe lastoole. Cumu nu racani ca benni seꞌe yies lo yu-ni ancana nu ra xxenru leni nna ttu tsaba riguꞌu niꞌa Tata Do Iyyabaaha nua.

San Lucas 18:11

Nu fariseo nna du ranina rinnena rulisana Tata Do Iyyabaaha rána Ben-na: “Xquixarulu, cumu bittu anca attiba adí benni, lacana ancacana ubana lhe nu bittu du ta leni lhe nu risá nu bittu anca latselani lhe. Anáguaba rutea xquixaru len cuinalu de bittu anca attiba güequixa du-na.

San Lucas 19:7

Atti bilácani ca benni dia denalha nu ucaha, nianna iyábacana unne güecana gue Jesús, de biaca die seꞌane lheꞌe yoꞌo gue ttu nu runi nu bittu anca tsee lo Tata Do Iyyabaaha.

San Lucas 7:39

Atti biláni fariseo nu uxna Jesús lheꞌe yoꞌo gueniha nna belabatteba leni rána: “Gansi gualíga anca unbiyuu-ni ttu profeta, lania nna guate daabinna nú nuila unná rudaxxuna ca niꞌani, gue bi runi unná lhe cumu unná nna nuila runi nu satsa bunna.”

San Juan 8:48

Ca nu Israel nna becabicana rácana Jesús: —Gualíbintu rátu lu, nu Samariaba lu, nu xxegüihaba yuꞌu lheꞌelu.

San Juan 9:28

Laniala nna bedhaca disacan nua rácan na: —Luba ancalu nu rudheti ca tisa ruleꞌe unná, riꞌitu nna nu rudheti nu beleꞌe Moisés liba anca riꞌitu.

San Juan 9:34

Lania nna ráttebacana nua: —Lu nna atti ulililu chi ancalu nu te tulha gueni. ¿Rdacalu uleꞌenlu riꞌitu nna? Bebequittebacan na ttu tsaba lheꞌe yoꞌo atta rudheticana ca tisa gue Tata Do Iyyabaaha.

Hechos 22:21

Ttiaca Benni Bananie ri-na re neti: “Güia, cumu neti idhelha lu lheꞌe ca yiesi seꞌe idittu atta seꞌe ca benni bittu anca benni Israel.”

Romanos 10:3

Cumu bittu raca lecani oquinna iquicani, sunruba Tata Do Iyyabaaha anque Benni runie aca ca benni nu bitturu tulha gueni te. Lacana nna la labacana reguila lecani uncana acacana nu bitturu tulha gueni te, läga rudo nagacani uncana nu runi Benniha mandadu aca qui unie cana nu bitturu tulha gueni te.

Romanos 14:10

Lu nna ¿biaca rinne güelu gue adí ca benni ria le Jesús? ¿Biaca ca unná riguꞌu niꞌalu? Guayúbalu nna iyábari utsá duri lo Cristuha qui unie elha uxtisi gueri.

Romanos 14:3

Benni ro iyáloba nu dica go benni, läga dica cuꞌu niꞌani benni bittu ro iyáloba, nu bittu ro iyáloba nu ro benni nna bittuguaba dica inne güena gue nu ro iyáloba nu dica go benni. Cumu chiba belabi Tata Do Iyyabaaha cana attiba ancabacana.

Romanos 7:9

Ttuha nna chi doa yuꞌu elha naban quia atti bittu chi yua nu rá lo ca ley-na, ttiaca atti chi yua gue bixa run ca ley-na mandadu aca, lania nna beacani nu bittu anca tsee-na, neti nna uca nu yatti lo Tata Do Iyyabaaha.