San Lucas 18:7 - Zapoteco de Aloápam

⁷ Anáguaba Tata Do Iyyabaaha, ¿si bittuba unie elha uxtisi gue ca benni chi becuee anca guee rinne rulisacane rela resába? ¿Si isá lhaba aca atti ecabie guele?

San Lucas 18:7 Iomraidhean Croise

San Mateo 24:22

Gansi Tata Do Iyyabaaha bittuba odatsie ca sá atti uyúxxatta benni elha disaha, ni ttu benni bittu dhana lhána lo elhuttiha. Ttiaca lo niꞌa gue de runrube lha ca benni chi becuee anca guee, nuarca odatsie ca sáha.

San Mateo 24:24

Cumu ixe ca benni iría innácana dequi labacana nua anca Cristu, iría ca nu inná dequi ancacana profeta gue Tata Do Iyyabaaha lhe. Lacana nna uncana ixeru ca milagru, unguabacana ilen benni ca nu uni ebanin ca benni lhe. Leni ca unnuha nna dhi yiecana ca benni. Axtaba ca benni chi becuee Tata Do Iyyabaaha, un ca nua dhi yiecana.

San Mateo 7:11

Inqui lebiꞌi ancalale nu lä du tsee leni nna gua rutebale nu tsee len ca xiꞌinle-na, adíla Tata gueri do iyyabaaha, guteba Ben-na nu tsee len ca benni innábacana nu reasaquinna lenie.

San Lucas 11:13

Inqui lebiꞌi ancalale nu lä du tsee leni nna gua rutebale nu tsee len ca xiꞌinle-na, adíla Tata gueri do iyyabaaha, gutebe Espíritu guee len ca benni innábacana Benniha len Ben-na.

San Lucas 2:37

Lania chi anquinbi tta yuꞌu ttapa (84) ida. Labi nna satíaba ridobi lheꞌeliꞌa gue yotuha. Rela resába rixuubi lo sina gue Tata Do Iyyabaaha, rinnebi len Benniha lhe riguꞌu bina lheꞌebi lhe.

San Lucas 21:28

Gansi chi udulo aca ca nu ria-ni nna gualelhidha iquile, tsitsi gualseꞌe lhe cumu lania nna chi deoba lhále.

Romanos 8:33

¿Nú eyaxinna innábana aca elha uxtisi gue ca benni chi becuee Tata Do Iyyabaaha anca guee? Inqui cuinaba Tata Do Iyyabaaha chi re, riꞌi chi ancari benni bitturu tulha gueni te.

Colosenses 3:12

Tata Do Iyyabaaha racanie guele. Benniha becuee le qui acale benni seꞌe riesi lheꞌe nu lä anca tsee. Larcala nna gualaca benni ratúa leni, nu du tsee leni lhe nu du siꞌi leni lhe nu bittu runi gue nu ra xxeni leni lhe nu rapa pasensi gue ca benni lhe.

1 Tesalonicenses 3:10

Rela resába rinnabatu len Tata Do Iyyabaaha, runtu duelha qui aca lanie riꞌitu ilentu le attu libe. Laníha nna uleꞌentu le adí qui edeꞌenle ria lele Jesús.

2 Tesalonicenses 1:6

Tata Do Iyyabaaha runie nu anca tsee; lee nna ute elha disa gue ca nu runcana ruyúle elha disa.

1 Timoteo 5:5

Nuila nu gualíga ancabi bidabi chi beꞌana atturbabi nna xenba le biꞌiniha aca len Tata Do Iyyabaaha bi, labi nna satíaba rinnababi nu reasinbi lo Ben-na, rela resába rinnebi leni Ben-na lhe.

2 Timoteo 1:3

Rutea xquixaru len Tata Do Iyyabaaha, Benni runia sina guee itú iqui itú lasia cumu bittu bixa te ruquiꞌana quia loe. Ca benniola quia useꞌe axta atti níali aníaguaba bencabi. Rela resába atti rinnea len Tata Do Iyyabaaha nna satíaba rexxa lasia lu.

2 Timoteo 2:10

Lo niꞌa gue unnua nna gua ruchíaba lo iyába nu ratea de runia qui salía tseena ca benni chi becuee Tata Do Iyyabaaha, qui anáchu nna lhácabi bittu tsia nnitticabi. Aná nna gatta elha nabani gaꞌana tsee guecabi ttu dia lii, de chi ancacabi benni re cuenta leni Jesús Benni anque Cristu.

Tito 1:1

Neti Pablo anca benni bodú Tata Do Iyyabaaha ixuunie, anca apóstol benni chi gaꞌanani Jesucristu iche ca tisa guee lhe. Lee udhelhe neti qui uleꞌetia ca benni chi becuee tsia lecanie, qui un biacana nu anca gualí nu uni qui uncana nu reꞌo le Tata Do Iyyabaaha,

1 Pedro 1:1

Neti Pedro anca apóstol gue Jesucristu, ridhelha sitsi-ni guele lebiꞌi ca benni chi becuee Tata Do Iyyabaaha chi biría lo yies gueni seꞌe-na niba lheꞌe ca yies dittu lo yu gue Ponto, gue Galacia lhe Capadocia lhe Asia lhe Bitinia lhe.

2 Pedro 3:9

Läga rutsá Tata Do Iyyabaaha unie nu chi re unie, attiba rulaba le ttu chupa benni, sinuqui de rapaba Ben-na pasensi gueri, cumu läga raca le Ben-na tsia nitti ni ttu benni, iyába benni raca le Ben-na oduxiyyancana udaxxucana neda guee.

Apocalipsis 18:20

Gualedacani gueni, lebiꞌi ca nu seꞌe iyyabaaha, gualedacani lebiꞌi ca nu seꞌe riesi anca gue Tata Do Iyyabaaha lhe lebiꞌi ca benni bedheti nu beleꞌe Jesús lhe ca profeta gue Tata Do Iyyabaaha lhe cumu chi beni Tata Do Iyyabaaha elha uxtisi gueni qui cuꞌu quixana gue iyá nu bedhacana lebiꞌi.

Apocalipsis 6:10

Ca biꞌiniha nna ribesiꞌacabi idisa rácabi: ―Tata Do Iyyabaaha benni ra xxeni lee, lu ancalu Benni nari do riesi lhe ancalu Benni gualí runi nu rinnelu lhe. ¿Núcala unlu elha uxtisi gue ca nu betticana riꞌitu seꞌe yies lo yu-na, qui quixacana gue elhutti guetu?

Apocalipsis 7:15

Denuala nna seꞌecana lo Tata Do Iyyabaaha atta doe rinnabie. Rela resába rixuuni Ben-na cana lheꞌe yotu guee-na. Benni doe lo xxila-naba due lencana. Labe rape cana.