San Lucas 18:16 - Zapoteco de Aloápam

¹⁶ Laniala nna uxi Jesús ca biꞌiniha, nianna re cabi: —Gualgüelha ca unto-na itacana len neti, bittu usunale, cumu ca benni anca attiba ca unní liba ancacana benni rinnabia Tata Do Iyyabaaha.

San Lucas 18:16 Iomraidhean Croise

San Mateo 19:14

Laniala nna rá Jesús: —Gualgüelha ca unto-na itacana len neti, bittu usunale, cumu ca benni anca attiba ca unní liba ancacana benni rinnabia Tata Do Iyyabaaha.

San Lucas 18:15

Anáguaba richeguaba ca benni ca unto guecaniha raseꞌecana lo Jesús qui uxxúa nee iquicani innábe elha nabani guecani lo Tata Do Iyyabaaha. Ttiaca atti biláni ca biꞌini rudheti ca tisa ruleꞌe nna, bedhaca disattebacabi ca benni che ca untoha.

San Lucas 18:17

Neti nna gualíbatia rpea le, nu bittuba dhielhana innabia Tata Do Iyyabaaha-na attiba ttu unto, tsa läga aca isela nua ca benni rinnabia Tata Do Iyyabaaha.

Hechos 2:39

Cumu chiba begüee Tata Do Iyyabaaha tisa utee Espíritu-na len lebiꞌi, len ca xiꞌinle-na lhe anáguaba leni ca benni dittu lhe delába iyába ca benni raca le Tata gueri do iyyabaaha Benni bananie ri gaxie.

1 Corintios 14:20

Ca benni ria le Jesús, bitturu ulaba lele attiba rulaba le ca unto-na. Gualacaba attiba ttu unto bittu yu unná nu lä anca tsee, ttiaca gualulaba lele atti rulaba le benni xeni.

1 Corintios 7:14

Cumu unbiyuu bittu ria leni Jesús reacana nu nari lo Tata Do Iyyabaaha de anca nuila gueniha nu ria leni Jesús. Anáguaba nuila bittu ria leni Jesús reacana nu nari lo Tata Do Iyyabaaha de do lenna unbiyuu ria leni Jesús. Cumu gan biba nna ca xiꞌincaniha nna nu tsigaba anca ca unnuha lo Tata Do Iyyabaaha, laca nnanna nna guancaba ca unnuha nu seꞌe riesi chi anca gue Ben-na.

1 Pedro 2:2

Nu unlale nna gualuni attiba ttu unto chi ulba, reasinna gasná nu anca ttagaꞌa xisi, anía gualdhá lele ca tisa anca ttagaꞌa gue Tata Do Iyyabaaha, cumu ca tisa-na unque tseꞌe tsitsile lo neda gue Ben-na, anía liba nna lhále bittu tsia nittile,