San Lucas 18:1 - Zapoteco de Aloápam

¹ Jesús utixxiꞌattebanie ca biꞌini rudheti ca tisa guee ttu ejemplu nu uleꞌenna cabi satía innecabi len Tata Do Iyyabaaha, bittu edíl recabi.

San Lucas 18:1 Iomraidhean Croise

San Lucas 11:10

Cumu iyába ca benni rinnaba, gua ridíba ca nua nu rinnabacana, ca nu reguilaha nna gua reselbaquin nua nu reguilacana, ca nu rinne roꞌo puertaha nna gua ridhalbacana gue ca nua.”

San Lucas 21:36

Gualeseꞌe tsee, satía gualnne len Tata Do Iyyabaaha qui dhale lhále lo iyába nu chi daa aca, anáguaba qui aca utsá dule loa gansi chi besíaya neti Benni unbiyuu daa iyyabaaha.

Romanos 12:12

Gualedaca lele gue nu chi xen lele utee Tata Do Iyyabaaha len lebiꞌi, gualutto gualuchía atti ratele ruyúle elha disa lhe. Tsa bittu udú sile innele len Tata Do Iyyabaaha.

2 Corintios 4:1

Denua nna nuarca bittu redil retu cumu Tata Do Iyyabaaha besiꞌinie riꞌitu betee sina-ni len riꞌitu, tsequitu quixxiꞌatu ca tisa guee-ni.

Gálatas 6:9

Larcala nna bittu saxxaquinri unri nu anca tsee, cumu gansi bittuba edílreri nna guasiaba sá dhíri nu tsee gue nu runri.

Efesios 6:18

Larcala nna satía gualtseꞌe gualnne len Tata Do Iyyabaaha, Espíritu gue Ben-na aca lanie le atti seꞌe ditile rinnabale lo Ben-na nu raca lele, gue nu reasa lhe. Satía gualtseꞌe tenná, bittu saxxaquinle, gualnnaba aca lani Tata Do Iyyabaaha ca benni seꞌe riesi chi anca gue Ben-na.

Filipenses 4:6

Bittu ichacha iquile gue ttu bixa. Nu unlale nna gualocaꞌan iyá las ná Tata Do Iyyabaaha gansi chi rinne len lee. Gualinnaba loe nu reasinle lhe anáguaba gualgási Ben-na xquixarue lhe.

Colosenses 4:12

Anáguaba Epafras-ni ridhelhaguabi ttu padiuxi guele. Biꞌin-ni ancabi ttu benni guele, runbi sina gue Jesús Benni anque Cristu. Labi nna satíaba rinnababi guele lo Tata Do Iyyabaaha qui acale nu seꞌe tsitsi lo neda gue Ben-na, nu runi itú iqui itú leni iyá nu raca le Ben-na aca lhe.

Colosenses 4:2

Satía gualudo lele gualinnaba leni Tata Do Iyyabaaha, bittu tseꞌe xulhale, gualugüe Benniha ixquixaru.

1 Tesalonicenses 5:17

Satía gualnne len Tata Do Iyyabaaha.