San Lucas 17:6 - Zapoteco de Aloápam

⁶ Jesús becabie re cabi: —Gansi lebiꞌi ria lele ladiba saroꞌoto attiba ttu besi gue coana murtasa ancana nu chicaꞌato, lania nna guacaba gále yaga du-ni: “Bilupi atta yadalha nna güia beyada lo indattoo-na.” Yagaha nna gudobana tisa guele.

San Lucas 17:6 Iomraidhean Croise

San Mateo 14:29

Benniha nna re Pedro: —Utá ganna. Laniala nna guadi Pedro lo barcoha udábi lo indaha diabi atta du Jesús.

San Mateo 17:20

Jesús becabie re: —Cumu lebiꞌi nna läga chi ria tsitsi lele. Gualíbatia ria, ttirca ria lele ladiba saroꞌoto attiba ttu besi gue coana murtasa, lania nna tsa lägabi tee ttu bixa nu bittu aca guele unle. Guacaba guele gále iꞌiya do-na: “Bitúa-ni nna güia guadho attu ladu-na.” Iꞌiya-na nna tsia bunna sadhona nía.

San Mateo 21:21

Jesús becabie re: —Neti nna gualíbatia rpea le, gansi lebiꞌi ria tsitsi lele Tata Do Iyyabaaha, bittu rudú chupan lele, lania nna läga sunru aca guele unle loesi nu bedhaca ya igu-ni, sinuqui guacaguaba guele gále iꞌiya do-na: “Ubietta atta dolha nna güiatte bixudi lheꞌe indattoo-na.” Lania nna acaba nu chi ráleha.

San Marcos 4:31

Gue gaxasná rinnabia Tata Do Iyyabaaha ca benni raxxína anque attiba ttu besi gue coana murtasa riyyada lo ttu yu. Besiha nna masquiba ancana nu chicaꞌaru gue delo iyá besi te yies lo yu-ni,

San Marcos 9:23

Jesús ráttebe na: —¿Gasná nua rálu: “Gansi gua dalu”? Bixaba raca le ttu benni aca, ladiba ria leni nna guacaba nua.

San Lucas 13:19

Atti rinnabia Tata Do Iyyabaaha ca benni ancana attiba ttu besi coana murtasa uda ttu unbiyuu lo yu gueniha. Unnuha nna bixenna ucana attiba ttu ya gaꞌa, ca binni-na nna runi xcuadi guecani lo ca xiquini.

San Lucas 17:7

’Gansi nux ttule do ttu nu ttoꞌo lo sina guele, riana güelhaꞌa lo yu gueleha o riana lo ca carneꞌe gueleha, gansi chi besía nua dequide urenna sina, ¿si guale nua: “Bete tte qui golu etta”?

San Lucas 19:4

De unnuha nna nuarca bigaana uneruna, atti gopittebana lo ttu yaga lá sicómoro du gaxxaba atta tte Jesús qui ilenna Benniha.

San Lucas 7:13

Atti biláni Jesús nuilaha nna guatúatteba lee nua, nianna re na: —Bittu cueslu.

San Lucas 7:19

nianna udhelhabi ca biꞌiniha sannaba tisa tseecabi Jesús gácabi Benniha gansi cuine nua benni chi gaꞌanani Tata Do Iyyabaaha isía, si cuedabacabi attu benni subi, aca.

1 Corintios 13:2

Gansi neti bete Tata Do Iyyabaaha elha tsee quia qui quixxiꞌaya ca tisa rute len neti, ritedaatia gue iyá nu te gatsinie bittu yu benni gueni lhe anca nu te elha rieni gueni yu iyáxeaba lhe anca nu ria tsitsi leni atti innea upea ca iꞌiya-na tsiacana satsiacana attu re nna guacaba nua, ttiaca gansi bittuba racatia gue ca benni, neti nna tsa lägabi daca lania.