San Lucas 17:2 - Zapoteco de Aloápam

² Tseerla salían na uxxicacan ttu iyya gue ttu mulinu xeni yienni atti udelhacan na lheꞌe indattoo, attichula unna uni ttu ca benni bittu chi seꞌe tsitsi lo neda gue Tata Do Iyyabaaha ttu nu lä anca tsee.

San Lucas 17:2 Iomraidhean Croise

San Mateo 17:27

Ttiaca qui bittu unri isaꞌaquinna lu nna güia roꞌo indattoo-na, bedelha nu rudaxxu belha-na lheꞌe inda-na. Primerba belha nu udaxxuluha nna ixxálu roꞌoni. Nía sattiꞌalu ttu belhi roꞌo nua. Lu nna udaxxulu nua qui tsialu satixalu nu anca quia lhe nu anca guelu lhe.

San Mateo 18:10

’Gualdo cuidadu, bittu cuꞌu niꞌale nuxa ttu ca benni bittu ra xxeni leni seꞌe-ni. Cumu neti rpea le, ca ingeli gue ca unní nna satíaba seꞌecabi lo Tata quia do iyyabaaha rinnabacabi aca len Benna ca unní.

San Mateo 18:14

Anáguaba Tata gueri do iyyabaaha, bittuguaba raca lee tsia nitti ni ttu ca benni bittu ra xxeni leni seꞌe-ni.

San Mateo 26:24

Neti Benni unbiyuu daa iyyabaaha nna labíaba satea iyába nu chi gaꞌana lo ca sitsi gue Tata Do Iyyabaaha. Ttiaca, ¡carusiꞌiru nu utena neti las ná ca nu utticana neti! Tseerla salíana nua ttirca bittuba ulina.

San Marcos 9:42

’Ttiaca gansi nuxa benni unna ixúyie ttu ca benni ria leni neti bittu chi seꞌe tsitsi lo neda gue Tata Do Iyyabaaha unna ttu nu lä anca tsee, tseerla salíana nua uxxicacana ttu iyya gue mulinu xeni yienni atti udelhacan na lheꞌe indattoo.

San Juan 21:15

Dequide chi uluxa utoxtiltu nna, rátteba Jesús Simón biꞌini láguaba Pedro: —Simóni xiꞌini Jonás, ¿si racaruinlu quia atti ca biꞌini seꞌe ni? Pedro becabibi rábi: —Bila. Lu nna gua yuxeabalu, xa Benni bananie neti, gua racabatia guelu. Jesús re biꞌiniha: —Biyú ca carneꞌe quia-na ganna.

1 Corintios 9:15

Ttiaca neti nna tsa lägabi chi rpea le utele len neti, lä runguaba nu ria-ni lo sitsi-ni qui utele nu ralha dhia. Cumu tseerla anca len neti gattia attichula itúa nu runi do tseea de rixxiꞌaya ca tisa-ni bittubi ridía.

1 Corintios 9:22

Atti doa len ca benni bittu chi seꞌe tsitsi lo neda gue Jesús, benguaba anca attiba lacana qui udáya useꞌetsitsicana. Benba anca attiba anca iyábacana qui chibuca udáya ulá ttu chupacana.