San Lucas 17:1 - Zapoteco de Aloápam

¹ Jesús re ca biꞌini rudheti ca tisa ruleꞌe: —Labíaba tseꞌe nu unna ixú yie ca benni uncana nu bittu anca tsee lo Tata Do Iyyabaaha, ttiaca ¡carusiꞌiru benni unna un adí ca nua nu bittu anca tsee!

San Lucas 17:1 Iomraidhean Croise

San Mateo 16:23

Ttiaca Jesús bodequitteba loe begüie lo Pedro nianna re: —¡Ubietta atta dua-ni, nu xxegüi! Rdacabalu ichecua lo neda gue Tata Do Iyyabaaha, cumu lu nna läga rulaba lelu atti rulaba le Tata Do Iyyabaaha. Attiba rulaba le ca benni seꞌe yies lo yu-ni rulaba lelu.

San Mateo 18:7

’¡Gualichiaru le yies lo yu-ni! Satíaba tee nu runna un ca benni nu lä anca tsee, cumu anába te aca. ¡Ttiaca gualichiaru le benni unna ixúyie ca benni uncana nu lä anca tsee!

San Lucas 16:31

Ttiaca Abraham nna rábi na: “Gansi bittuba raca lecani udo nagacani gue ca tisa gue Moisés, nigua gue ca tisa ben ca benni uca profeta lhe bittuguaba tsia le ca nua masquiba eyacani ttu nu chi utti uleꞌe loni len lacana.”

Romanos 14:13

Larcala nna bitturu dica inne güe gue loesri. Lebiꞌi nna nu unlale nna gualuni duelha bittu unle ttu nu uni ichecu ttu benni ria le Jesús lo neda gue Tata Do Iyyabaaha, lo niꞌa gue unnuha nna eyequi nua unna nu lä anca tsee.

Romanos 16:17

Ca benni ria le Jesús, rinnaba len lebiꞌi udole cuidadu len ca benni requi-na, ca nu requi rilhaꞌa lheꞌe loes ca benni, lacana nna runcana rinittile lo neda gue Tata Do Iyyabaaha de ruleꞌequinna le nu bittu raxxína leni nu chi beleꞌentu le. Gualeriesi ca unná.

1 Corintios 10:32

Bittu unle ichecu ni ttu benni, ni ca benni Israel-na lhe ni ca benni bittu anca benni Israel-na lhe niguaba ca benni ria le Jesús lhe.

1 Corintios 11:19

Cumu labíaba ilaꞌa lheꞌe loesle, qui anáchu uleꞌe lo gaxa seꞌe nu gualíga runi nu rá Tata Do Iyyabaaha.

1 Corintios 8:13

Larcala, gansi de roa elha goha nna rinitti benni ria leni Jesús, tsala bitturu goa bela qui bittu unia un nua nu lä anca tsee.

1 Timoteo 4:1

Espíritu gue Tata Do Iyyabaaha nna lhixxa suba rixxiꞌe re, atti chi daa ribiga isía sá lhuxa yies lo yu-ni, ttulhe ca benni ria le Jesús bitturu tsia lecani Ben-na. Gue ca benni rixuuni ca be xxegüi ridí yiela udo nagacani, tsia lecani gue nu uleꞌe ca nua lhe.

Apocalipsis 2:14

Ttiaca seꞌe ttu chupa nu bittu radi lasia runle. Len lebiꞌi seꞌe ttu chupa ca nu bittu raca lecani odhaꞌancana nu beleꞌe Balaam. Lana nua uluꞌu tisana Balac. Unnuha nna benna beni ca benni Israel nu bittu anca tsee de utocana bela gue ca nimala betticana betecana úna lo ca nu bittu gualí anca diosi, uxí yiena ca nua betsá roꞌocani nutti nuttiba lhe.

Apocalipsis 2:20

Ttiaca te ttu nu bittu radi lasia runle. Lebiꞌi nna rugüelhabale sela nuila lá Jezabel nu rána dequi ancana profetisa gue Tata Do Iyyabaaha len lebiꞌi. Unná nna leni nu ruleꞌena ridí yiena ca benni runi sina quia-na utsá roꞌocani nutti nuttiba, gocana bela gue ca nimala rutticana riguꞌucana úna gue ca nu bittu gualí anca diosi-na lhe.