San Lucas 16:2 - Zapoteco de Aloápam

² Nu beaca gueni sinaha nna uxna nua rán na: “¿Biunni rácana runlu? Nnanna tte raca lasia bote cuenta len neti gue sina runlu-na, cumu lärga aca usiguilu acalu nu banani sina quia-ni.”

San Lucas 16:2 Iomraidhean Croise

San Mateo 12:36

Ttiaca neti nna ria le, gansi chi bisía sá un Tata Do Iyyabaaha elha uxtisi gue ca benni, iyábacana utsá ducana qui quixxiꞌacana gue iyába ca tisa lä dica ixuu unnecana.

San Mateo 20:8

’Atti chi ulha sá nna unbiyuu beaca gueni lo yuha nna rána nu banani sina gueniha: “Beaxi ca benni ren sina-na, begüeecana lhiaxacani ralhacana dhicana. Lu nna udulo utixa ca benni bisía bitona, anála nna dialu len ca benni bisía dilatte baniha.”

San Lucas 12:20

Ttiaca Tata Do Iyyabaaha re na: “Nu diti lä rienini, nantte lo rela-niba gattilu, nianna nu tua tseenlu-na nna ¿núla gueonna?”

San Lucas 12:42

Nianna rá Jesús: —¿Nú nua ancana benni rudo tisa te elha rieni gueni bodú benni bananie na qui gapana ca benni riben sina lheꞌe yoꞌo guebiha, utena nu go ca nua ura guecani lhe?

San Lucas 16:1

Jesús utixxiꞌaguabanie ca biꞌini rudheti ca tisa ruleꞌe, re cabi: —Udo ttu unbiyuu texxatta gueni, lana nna udoguaba ttu unbiyuu banani sina gueniha. Ca benni nna güiacana guattixxiꞌaquinna nu texxatta gueniha, rácan na: “Nu banani sina guelha nna cuentaba runnitti lona nu te guelu”.

San Lucas 16:3

Nu banani sinaha nna belabatteba leni, nianna uquinna: “¿Bi unia nnanna? Benni renia sina guebi-ni cuababi sina quia. Neti nna bitturu guaca unia sina lo ca yu-na. Tsequia güennaba nu goa roꞌo lis benni nna ettúbatia.

Romanos 14:12

Larcala, coa ttutturi oteri cuenta lo Tata Do Iyyabaaha gue nu benri.

1 Corintios 1:11

Rpea le aná, lebiꞌi ca benni ria le Jesús, cumu chi utixxiꞌani ca benni seꞌe lisi Cloé-na neti, lebiꞌi nna seꞌe tilhaba len loesle,

1 Corintios 4:2

Attu nna: Ca benni bodhaꞌana Tata Do Iyyabaaha lencabi uleꞌequinbi ca benni, raca duelha uleꞌe locabi ancacabi benni runi nu daa locabi uncabi.

1 Corintios 4:5

Larcala nna nuttu nu unle elha uxtisi gueni antisla isía sá gaꞌana aca elha uxtisi. Gualcueda esía Benni bananie ri-na. Lee nna guabeabe lolia nu te gatsi lheꞌe atta anca chulha, quixxiꞌe nu raquin lhiꞌu lheꞌe lastoo ttuttu benni lhe. Lania nna uni Tata Do Iyyabaaha cue xen ca benni ralha cue xeni.

2 Corintios 5:10

Cumu raca duelha utsá du iyári lo atta do Cristu runie elha uxtisi, qui ttu tturi nna dhíri nu ralhari coa ancaba nu benri atti useꞌeri yies lo yu-ni, si ancana nu tsee o si nu bittu anca tsee lhe.

1 Timoteo 4:14

Bittu aquinlu lä ixuubinlu elha tsee chi bete Tata Do Iyyabaaha lenlu. Gue unnuha nua utixxiꞌa ca benni teru elha rieni guecabi atti bexxúa nácabi iquiluha.

1 Timoteo 5:24

Ttulhe ca benni runi nu lä anca tsee, rianni lo nu bencana ni la tti aca elha uxtisi guecani. A ttulhe ca benni nna axta liba aca elha uxtisi guecani, lania liba rianni lo nu runcana.

1 Pedro 4:10

Coa ttuttule gualun yuda loesle len coa ancaba elha tsee bete Tata Do Iyyabaaha lenle, qui acale benni rixuuni lhatsiru elha tsee betee Tata Do Iyyabaaha lenle.

1 Pedro 4:5

Ttiaca ca unná nna chi otecana cuenta lo Benni chi do tsee unie elha uxtisi gue ca benni seꞌe bani lhe ca nu yatti lhe.

Apocalipsis 20:12

Neti nna beleꞌetia ca nu yattiha, ca nu bittu ra xxeni lecani lhe ca nu ra xxeni lecani lhe seꞌecana lo Benni do lo xxilaha. Nianna bealitteba lo ca libro seꞌe atta do Benniha, bealiguaba lo attu libro lhe. Lo benniha nua dia lá ca benni gatta elha nabani guecani ttu dia lii. Ca nu yattiha nna ucaba elha uxtisi guecani attiba rába lo ca libroha, cua nu benbacana lhe.