San Lucas 16:13 - Zapoteco de Aloápam

¹³ ’Ni ttu nu ren sina bittu aca gueni unna sina gue chupa ca benni banquinna na. Cumu ttu nua aquinna gueni, attu nua nna utía di leni, o si udona tisa gue ttu nua, attu nua nna cuꞌu niꞌani. Anáguaba lebiꞌi läga aca ixuule lo sina gue Tata Do Iyyabaaha, nianna udogualele gatta xxatta guele.

San Lucas 16:13 Iomraidhean Croise

San Mateo 4:10

Jesús becabie re na: —Unreha güia, nu xxegüi, cumu lo ca yitsi gue Tata Do Iyyabaaha rá: “Suntteba lo Tata Do Iyyabaaha Benni bananie lu udú xibilu, suntteba Ben-na ixuuri lo sina guee lhe.”

San Mateo 6:24

’Läganu benni te aca gueni unna sina gue chupa ca nu banquinna na, cumu ttu nua aquinna gueni, attu nua nna utía di leni, o si udona tisa gue ttu nua, attu nua nna cuꞌu niꞌani. Larcala nna läga aca ixuule lo sina gue Tata Do Iyyabaaha nianna udogualele gattaxxatta guele.

San Lucas 11:23

’Nu bittu du len neti nna läga raca uyú nua neti. Nu bittu runna neti yuda gaxtu adí benni qui udaxxucana neda gue Tata Do Iyyabaaha nna ruríalala nua ca benni.

San Lucas 14:26

—Nuxa benni raca leni acana benni udheti nu ruleꞌa nna gansi bittuba racaruinna quia atti gue tata gueniha lhe gue nan gueniha lhe gue nuila gueniha lhe gue ca xiꞌinniha lhe gue ca betsiniha lhe gue ca danniha lhe gue elha naban gueni lhe läga aca aca nua benni udheti nu ruleꞌa.

San Lucas 16:12

Cumu gansi bittuba biyú tseele nu bittu anca guele, nurquinle uxxen len le utena len lebiꞌi nu ralhale dhíle.

San Lucas 16:9

’Neti nna rpea le, gualixuuni nu te guele yies lo yu-ni qui tseꞌe benni tseꞌe tsee lenle, qui atti isía sá eyya nu te gueleha nna chi seꞌe nu edínle lheꞌe ca yoꞌo sia ttu dia liiba iyyabaaha.

San Lucas 9:50

Jesús re Juan: —Bittu usunale, cumu nu bittu redú disana lori nna len riꞌiba du nua.

Santiago 4:4

¡Lebiꞌi, ca benni dia rudhá iquile Tata Do Iyyabaaha! ¿Si bittuba yule dequi gansi racabinri gue nu lä anca tsee te yies lo yu-ni nna riguꞌuba niꞌari Tata Do Iyyabaaha? Larcala nuxaba benni raca leni aquinna gue nu lä anca tsee raca yies lo yu-ni nna racana nu bittu do tsee leni Tata Do Iyyabaaha.