San Lucas 16:11 - Zapoteco de Aloápam

¹¹ Larcala gansi bittuba ruyú tseele elha tsee anca gue yies lo yu-ni nna tsa läganu uxxen leni le len nu gualíga anca elha tsee te iyyabaaha.

San Lucas 16:11 Iomraidhean Croise

San Mateo 6:24

’Läganu benni te aca gueni unna sina gue chupa ca nu banquinna na, cumu ttu nua aquinna gueni, attu nua nna utía di leni, o si udona tisa gue ttu nua, attu nua nna cuꞌu niꞌani. Larcala nna läga aca ixuule lo sina gue Tata Do Iyyabaaha nianna udogualele gattaxxatta guele.

San Lucas 12:33

Gualtoꞌo bixa te guele. Nu unnacana gue unnuha nna gualute na len ca benni bittu te gueni. Anía nna rigúa tseele nu te guele iyyabaaha, atta bittu lhuxana. Nía nua gatta ttu dia liiba elha tsee guele atta bittu aca gaꞌa ubana lhanana nua, bittuguaba aca gaꞌa tsu unna tsuꞌuba nua lhe.

San Lucas 16:12

Cumu gansi bittuba biyú tseele nu bittu anca guele, nurquinle uxxen len le utena len lebiꞌi nu ralhale dhíle.

San Lucas 16:9

’Neti nna rpea le, gualixuuni nu te guele yies lo yu-ni qui tseꞌe benni tseꞌe tsee lenle, qui atti isía sá eyya nu te gueleha nna chi seꞌe nu edínle lheꞌe ca yoꞌo sia ttu dia liiba iyyabaaha.

San Lucas 18:22

Bienbani Jesús nu rá nua nna ráttebe: —Reasa attu nu unlu: Bettoꞌo iyá bixa te guelu. Belhiha nna betena len ca nu bittu te gueni. Anía liba nna gatta elha tsee guelu iyyabaaha. Lania nna utátte betteno neti.

Efesios 3:8

Delo iyá ca benni seꞌe riesi anca gue Tata Do Iyyabaaha nna netiba anca nu xubana bittu daca, ttiaca lee nna betee elha tsee-ni len neti qui quixxiꞌatia ca benni bittu anca benni Israel ca tisa guee-ni, rixxiꞌatia cana gue nu gaꞌana tsee bittu lhuxa te gueri len Cristuha.

Santiago 2:5

Ca benni ria le Jesús racatia gueni, gualdo nagale nu upeale-ni: Tata Do Iyyabaaha chiba becuee benniha ca benni bittu te gueni seꞌe yies lo yu-ni qui acacabi benni ria tsitsi le cabi Ben-na, acacabi benni innabia Ben-na lhe. Unná nua anca interés chi begüee tisa ugüe ca benni racani guee.

Apocalipsis 3:18

Larcala nna neti rpea le, gualtá len neti gualgoꞌo oro nu chi beoni gui tagaꞌa nu tsee, qui acale nu gualíga te gueni. Anáguaba gualtá len neti gualgoꞌo xo sitsi guele ucule qui eyaya lo nu rettuinle de ancale nu ttunttu. Len neti gualtá gualgoꞌo ramedi caꞌa lole qui ilenle lhe.