San Lucas 15:8 - Zapoteco de Aloápam

⁸ ’O si ttu nuila denna tsii ca belhi, nianna udelhana ttu nua, ¿läba ganna ugalhattebana ttu gui lhe ulhubana lheꞌe yoꞌo gueniha eguila te suna axta qui eselinna nua?

San Lucas 15:8 Iomraidhean Croise

San Mateo 5:15

Nuttuguaba nu benni te rugalhana ttu gui, nianna uttodhina ttu lmoti iqui nua. Sinuqui udolana unnuha ttu atta yadha qui udani nua gue iyába ca benni seꞌe lheꞌe yoꞌoha.

San Lucas 15:7

Neti rpea le, anáguaba adílaba güedaca le te iyyabaaha gue ttu benni te tulha gueni atti rodú xiyyan na rodaxxuna neda gue Tata Do Iyyabaaha attichula gue ca nu tta yuꞌu chennia (99) bitturu reasa odú xiyyancana lo Tata Do Iyyabaaha.

San Lucas 15:9

Atti sattiꞌana unnuha nna salisattebana ca nu seꞌe tsee lennaha lhe adí ca nuila ca nu seꞌe gaxxa atta do yoꞌo gueniha lhe nianna innána: “Gualedacani len neti, cumu chi beseltia belhi bedelhaha.”

San Lucas 19:10

Cumu neti Benni unbiyuu daa iyyabaaha nna delha eguila ca benni chi dia nitti qui odiláya cana.

San Juan 10:16

Seꞌe guabatia adí ca carneꞌe bittu babacana len ca nu seꞌe-ni. Lacana lhe saxía, ca unnuha nna güiyienbaquinna quia. Lania nna ttuba eyaca iyábacana, ttu guaba benni gape cana lhe.

San Juan 11:52

Bittuguaba sunru qui lhá ca benni Israel, anáguaba gatti guabe qui ottupe iyárecha ca xiꞌini Tata Do Iyyabaaha seꞌe gatti laduba.

Hechos 19:19

Anáguaba ixe ca nu beni gue güesaa uchecana ca libro ca nu dia locani gue nu bedheticanaha qui bettecana ca nua lo gui aníba lo iyába ca benni seꞌe nía. Atti bebeacana lidhaca ca libro biteha nna gualíana attiba medi gayua (50) mili belhi plata.

Efesios 2:17

Cristuha bite utixxiꞌanie iyába benni ca tisa guee-na. Ca tisa gue Ben-na runi reseꞌe tseeri, utixxiꞌe ca tisa-na leni ca benni Israel lhe leni ca benni dittu lhe.