Biblia Todo Logo
Bìoball air-loidhne

- Sanasan -




San Lucas 15:6 - Zapoteco de Aloápam

6 Gansi chi besinna lheꞌe yoꞌo gueniha nna saxxíttebana ca benni seꞌe tsee lenna ca nu seꞌe gaxxa atta do yoꞌo gueniha lhe nianna innána: “Gualedacani len neti, cumu chi guattiꞌaya carneꞌe bigannaha.”

Faic an caibideil Dèan lethbhreac




San Lucas 15:6
19 Iomraidhean Croise  

Atti bina ca benni seꞌe gaxxa atta dobiha lhe ca benni datíabiha lhe gue ya de xxeni anca elha tsee bete Tata Do Iyyabaaha len biꞌiniha nna bedaca lecani lenbi.


Neti ria le, anáguaba redaca le ca ingeli gue Tata Do Iyyabaaha gansi chi rodú xiyyan ttu benni te tulha gueni qui rodaxxuna neda gue Tata Do Iyyabaaha.


Cumu neti nna ucatia chiba utti xiꞌinia-ni, ttiaca besía banrubana, tsaba chi unitti lona lhe nianna beselarbana attu libe.” Atti udulottebacana bencana laní.


Gansi chi beselinna nua nna eyoꞌo tsitsia leni, atti odaxxuna nua oxxúa xiquini.


Neti rpea le, anáguaba adílaba güedaca le te iyyabaaha gue ttu benni te tulha gueni atti rodú xiyyan na rodaxxuna neda gue Tata Do Iyyabaaha attichula gue ca nu tta yuꞌu chennia (99) bitturu reasa odú xiyyancana lo Tata Do Iyyabaaha.


Lebiꞌi ancale ca benni seꞌe tsee lania gansi udole tisa unle nu chi rpea le unle.


Attiba ttu atta rutsá nácani, unbiyuu utsá nániha liba nua dhína nuila. Unbiyuu raca ruyú tsee loesni leni unbiyuu utsá nániha du gaxxaba nía nna reꞌo juisia leni rieninna rinne nua. Denuala nna neti nna reꞌo juisia lasia cumu neti anca nu ruyú tsee loesni leni Jesús.


Atti chi bisínbi nía nna biláttebinbi tseeba anca nu run Tata Do Iyyabaaha len ca biꞌiniha. Laniala nna bedaca lebi de reꞌoba lebi gue ca biꞌiniha. Lenla nna belisabi iyába ca biꞌiniha rábi cabi: “Ttu tsa oquinna iquicabi itú iqui itú lecabi tsia lecabi Jesús.”


Dequide chi udhelha ca benni ria le Jesús seꞌe lheꞌe yiesi Antioquía ca biꞌiniha nna utettebacabi deca lo yu te láni Fenicia, lo yu te láni Samaria lhe lacabi nna utixxiꞌattebaquinbi ca benni seꞌe nía dequi ca benni dittu lhe chiguaba bedaxxucana neda gue Tata Do Iyyabaaha. Laniala nna iyáxeaba ca benni ria le Jesús seꞌe nía beꞌolhaba lecabi de binacabi nua.


Satíaba gansi chi rinne lanie nna rinnaba aca lanie iyábale. Neti nna reꞌoba lasia runia aná,


Masqui utticana neti, elhutti quia nna acana ttu úna utea len Tata Do Iyyabaaha itupa leni nu tsee runle lo Ben-na de ria lele, cumu unná ancana úna rutele len Ben-na. Neti nna attulade eyoꞌo lasia gansi anía aca, unguaba qui edaca lee iyábale len neti lhe.


Larcala nna lebiꞌi ca benni ria le Jesús attiba neti, ca nu raca xxattatia gueni. Neti nna rdaca lhaba ilátia le, cumu lebiꞌi ancale nu runi redaca lasia lhe nu runi ruleꞌe lo te lidhaca sina runia gue Tata Do Iyyabaaha lhe. Gualusigui gualtseꞌe tsitsi lo neda gue Tata Do Iyyabaaha de chi babale len Benni bananie ri-na.


Cumu, ¿núla nua raquinle anca nu unna qui dhítu nu xen letu lhe nú unna edaca letu lhe nú unna cue xentu lo Jesús Benni bananie ri gan läba lebiꞌi nua atti utsá dule lo Benniha gansi chi besíe?


Lebiꞌi ca tu ttua nna läga ancale benni lo yiesi gue Tata Do Iyyabaaha, ttiaca nnanna chi ancale benni lo yies gue Ben-na. Ca tu ttuha nna tsa läganu ratúa len le, ttiaca nnanna nna Tata Do Iyyabaaha ratúa lee le.


Cumu lebiꞌi nna requibale ttua attiba requi carneꞌe biganna ttiaca nnanna nna chiba besíale len Cristuha, Benniha ruyúe le attiba ttu benni re lo carneꞌe, qui bittu bi dhacale.


Lean sinn:

Sanasan


Sanasan