San Lucas 14:7 - Zapoteco de Aloápam

⁷ Atti biláni Jesús ca benni biyaxi go etta rucuecana atta anca tseeru qui cuiacana, lee nna bedúttebe elha rieni iquicani re cana:

San Lucas 14:7 Iomraidhean Croise

San Mateo 13:34

Iyába unní utixxiꞌeni Jesús ca benni len ca ejemplu. Lee nna sunruba leni ca ejemplu ruleꞌenie ca benni.

San Mateo 23:6

Anáguaba runcana ca atta raca laní, tsitsiba ridá lecani cuiacana atta gaꞌanaru tsee. Aníaguaba runcana lheꞌe ca yoꞌo atta rudhetiri ca tisa gue Tata Do Iyyabaaha lhe tsitsiba ridá lecani cuiacana lo ca xxila gaꞌana tseeru atta ribía ca nu lo.

San Lucas 11:43

’¡Carusiꞌirule, xa fariseo! Lebiꞌi nna tsitsiba ridá lele cuiale lo ca xxila seꞌe gaxxa atta ribía ca benni anca nu lo lheꞌe ca yoꞌo atta rudhetiri ca tisa gue Tata Do Iyyabaaha, ridá lele gá benni le padiuxi len respeto lo ca neda seꞌe atta raca iꞌiya lhe.

San Lucas 20:46

—Gualudo cuidadu qui lä unle atti run ca nu ruleꞌe nu rá lo ca ley bocaꞌana Moisés, cumu ca unná nna reꞌo lecani tsequicana ucu xo tuni guecani qui uleꞌe dequi ancacana benni ra xxeni leni, radi lecani gá benni cana padiuxi len respeto lheꞌe atta raca ca iꞌiya-na lhe. Atti seꞌecana lheꞌe ca yoꞌo atta rudhetiri ca tisa gue Tata Do Iyyabaaha nna tsitsiba ridá lecani cuiacana lo ca xxila atta ribía ca nu ra xxeni lecani, aníaguaba runcana ca atta raca laní atti riacana go etta.

Filipenses 2:3

Tsa bittu unle ttaba atti bixa runle niguaba qui cue xenle lhe. Nu unlale nna: gualudá iquile gue nu rá benni, gualuni dequi yurla cana atti lebiꞌi.

3 Juan 1:9

Neti nna chi benia lo ttu sitsi udhelha gue ca benni ria le Jesús ritupa naa, ttiaca Diótrefes-na de rdacaxxattana acana nu lo qui innabiana, nuarca bittu rudo nagani guetu.