San Lucas 14:13 - Zapoteco de Aloápam

¹³ Lu nna atti unlu ttu laní, tseerla gaxlu ca nu bittu te guecani, ca benni recu niꞌa nácani lhe ca benni xi lhe ca nu xua locani lhe.

San Lucas 14:13 Iomraidhean Croise

San Mateo 15:30

Ixeru ca benni bisína atta do Benniha. Ca unnuha nna checana ca benni xi lhe ca nu xua locani lhe ca biría lhe ca nu bittu ttu lhaꞌa niꞌacan o ttu lhaꞌa nácani te lhe adírba ca nu rani lhe. Iyába ca unnuha beseꞌecana lo Jesús. Lee nna beonttebe ca nua.

San Mateo 22:10

Ca nu riben sina gueniha nna biríattebacana lo ca nedaha, uxttebacana iyáloba benni guattiꞌacana, ca nu du tsee leni lhe ca nu bittu du tsee leni lhe. Lheꞌe yoꞌo atta raca laníha nna bisatina benni.

San Lucas 11:41

Itú iqui itú lele gualute nu te guele len ca benni bittu te gueni, anía liba nna aca nari itúbale.

San Lucas 14:12

Ráguaba Jesús unbiyuu nu uxne lheꞌe yoꞌo gueniha: —Atti aquinlu ugolu xue o si rse, bittu gaxlu ca nu seꞌe tsee lenlu, niguaba ca betsiluha lhe niguaba ca nu datíaluha lhe niguaba ca nu te gueni seꞌe lenlu gaxxa lhe cumu ca unnuha nna gaxguaba ca nua lu, lania nna chiba beguixa ca nua guelu.

San Lucas 14:14

Lania nna carbárulu. Cumu ca unní nna bittu aca eguixacana guelu, ttiaca lu nna dhílu elha tsee atti isía sá eyadha ca benni beni nu anca tsee lheꞌe ca baa-na.

San Lucas 14:21

Benni run sinaha nna bequina guattixxiꞌenna benni baninna naha iyába nu rá ca unnuha. Nianna benni beaca guebi yoꞌoha nna bisaꞌattebinbi, atti rábi benni run sina guebiha: “Güia dhuti lo ca neda xen-na lhe atta seꞌe ca neda güexxa seꞌe lheꞌe yies-ni lhe guaxxí ca nu bittu te guequinna ca nu recu nácani o niꞌacani lhe ca nu xua loquinna lhe ca nu xi lhe.”

Hechos 9:39

Pedro nna diatteba lenbi ca nua. Bisínba lencan biꞌiniha nna belhopittebacan bi lheꞌe yoꞌo do güetsaa atta te benni yattiha. Ca nuila bidabi seꞌe nía nna bebiꞌattebacan bi, ribesicana atti ruleꞌecana ca xalhoocani beni Tabita atti do banbi len lacana.

1 Timoteo 3:2

Larcala nna benni anca nu lo gue ca benni ria le Jesús riquina acabi: ttu nu bittu bi teni ca benni bixa gácan bi, nu suntteba ttu nuila dho lenbi lhe nu ridá rinnabia elha rieni gueni lhe nu rulaba tsee leni gue nu unna lhe nu runi nu anca lhatsiru qui gapa benni bi respeto lhe nu rute ganna lisni qui eyaꞌan ganna benni lhe ttu nu guaca gueni uleꞌenna adí benni lhe

1 Timoteo 5:10

Ancacabi benni daa tisa guecabi bencabi nu anca tsee, benni bodixen tsee xiꞌinni lhe bete ganna liscabi beꞌan benni lhe ucacabi benni utí niꞌa ca benni chi seꞌe riesi anca gue Tata Do Iyyabaaha lhe bencabi yuda ca benni biyú elha disa lhe satíaba bencabi iyába nu dica ixuu lhe.

Tito 1:8

Delaba unnuha nna acalabi benni ute gannabi lisbi qui eyaꞌan ganna benni, acabi benni ruꞌu lebi unbi nu anca tsee lhe acabi benni ridá rinnabiabi elha rieni guebi lhe acabi nu runi nu anca lhixxa lhe acabi nu do riesi anca gue Tata Do Iyyabaaha lhe acabi nu ridá rinnabia cuerpu guebi lhe

Filemón 1:7

Neti nna attulade reꞌo lasia lhe rebequi tsitsi lasia lhe de ancalu ttu benni racani gue ca benni, cumu lu xa benni ria lelu Jesucristuha attiba neti, rutelu elha xen lasi leni ca benni chi anca gue Tata Do Iyyabaaha.

Hebreos 13:2

Bittu ixulhinle lä ute ganna lisle tseꞌe ca benni dittu atti isíacana atta seꞌele, cumu ttulhe ca benni useꞌe atti nía de belabi lheꞌe liscabi ca benni nna ni lä ute daaquinbi chi betee liscabi beꞌana ingeli.