San Lucas 13:32 - Zapoteco de Aloápam

³² Jesús becabie re cana: —Gualtsia gualgás bedaha: “Neti nna nasá lhe uxxea lhe ebearba ca be xxegüi-na lhe eyonia ca benni rani-na lhe güisa nna uluxa sina quia-ni.”

San Lucas 13:32 Iomraidhean Croise

San Marcos 6:14

Herodes nu rinnabiaha binattebana gue nu runi Jesús, cumu lheꞌe iyába ca yiesi seꞌe nía chi bina benni gue nu run Benniha, ttu lhe benni nna rácana: —Juan biꞌinni begadi ca benni indahaba biꞌiniha beaquinbi attu libe, beríabi lheꞌe baa atta yuꞌu ca nu yatti-na. Nuarca ridábi runbi ca milagru-na.

San Juan 10:32

Jesús re cana: —Ixe ca milagru tsee bete tata quia unia chi benia aní lole. ¿Lo niꞌa gue nu ca nua rdacale usiale neti iyya?

San Juan 19:30

Dequide bennixxie nua nna ráttebe: —Ni uluxa iyá nu gaꞌana unia. Nianna, bedeattatteba iquie, atti uttittebe.

Hebreos 2:10

Iyába nu seꞌe Tata Do Iyyabaahaba benie qui seꞌe-na, guebe ancacana lhe. Larcala nna tseeba anca len Tata Do Iyyabaaha udhelhe Jesús yies lo yu-ni, Benniha nna guate biyúe elha disa. Cumu aníaliba nna belhuxe iyába nu chi gaꞌananie unie. Aníaba beni Tata Do Iyyabaaha qui bodilá Jesús ca benni anca xiꞌini Ben-na. Análiba nna ixeru benni edíbaacabi elha ra xxeni lee gue Tata Do Iyyabaaha.

Hebreos 5:9

dequide uluxani Jesús iyá nu anca unie, lania nna beꞌeyue uque benni utee elha nabani gatta ttu dia lii gue iyába ca benni rudo tisa guee,

Hebreos 7:28

Lo ca ley bocaꞌan Moisés nna rá: “Ca benni runi nu lä anca tseeba eseꞌe aca bixxudi xeni.” Ttiaca dequide bete Tata Do Iyyabaaha ca ley bocaꞌane len Moisés, lee nna bodhaꞌan tsitsie tisa guee, Xiꞌinie Jesúsba aque bixxudi xeni Benni do ttu dia lii bittu che tulha.