San Lucas 13:16 - Zapoteco de Aloápam

¹⁶ Nuila du-ni nna ancana nu datía Abraham. Chinca sixunu [18] ida yuꞌuni nu xxegüiha na isagüe, nianna ¿si bittuba dica eyaca nuila-ni sá redí leri-ni?

San Lucas 13:16 Iomraidhean Croise

San Mateo 4:10

Jesús becabie re na: —Unreha güia, nu xxegüi, cumu lo ca yitsi gue Tata Do Iyyabaaha rá: “Suntteba lo Tata Do Iyyabaaha Benni bananie lu udú xibilu, suntteba Ben-na ixuuri lo sina guee lhe.”

San Marcos 2:27

Ráguaba Jesús cana: —Sá redí leri-ni, bocaꞌanaba Tata Do Iyyabaaha na lo niꞌa gue ca benni qui edí baacan-na. Läga benie tseꞌe ca benni lo niꞌa gue sá redí leri-ni.

San Lucas 16:24

Laniala nna uresiꞌana rána: “¡Tata Abraham, guatúachi lelu neti! Gusichi Lázaro-na odibidha lo xbináni, atti itana ettedibidhana lo lhusa-ni, cumu ya de ratea yuꞌa lo gui-ni.”

San Lucas 19:9

Jesús re Zaqueo: —Nasá nna bisíaba sá odilá Tata Do Iyyabaaha ca benni seꞌe lheꞌe yoꞌo-ni, cumu unbiyuu du-ni nna ancaguabana benni datía Abraham.

San Lucas 3:8

Gualuni nu anca lhatsiru qui uleꞌe lo gualí chi bodú xiyyanle bodaxxule neda gue Tata Do Iyyabaaha. Bittu aquinle ulaba lele innále: “Gualába riꞌitu de ancatu benni datía Abraham.” Cumu neti nna gualíbatia ria, axta ca iyya seꞌe-ni guacaba eyon Tata Do Iyyabaaha cana benni datía Abraham.

San Juan 8:44

Lebiꞌi nna nu xxegüihaba anca xxudile. Nu ruꞌu le tata guelehaba reꞌo lele runle. Lana nna atti uduloli ure yies lo yu-ni ancana nu runi elhutti, läga runna nu anca gualí cumu läga rinnena nu gualí. Gansi chi rinnena run leni nna rinnebana nu ancabana, cumu ancana nu run leni lhe xxudi ca nu run lecani lhe.

Hechos 13:26

’Lebiꞌi, xa betsito, ca benni datíale Abraham, lebiꞌi ca benni dittu atta gua rudole tisa gue Tata Do Iyyabaaha lhe gue iyábari anca ca tisa udhelha Ben-na ca ben-na rixxiꞌacanie ri gaxasná odilá Tata Do Iyyabaaha ri qui bittu tsia nittiri.

2 Timoteo 2:26

Lania nna ttedaaquinna qui uxunnicana lo ná nu xxegüiha. Cumu unnuhaba denna cana anquinna cana attiba ttu nu te lisiyya qui runcana nu racaba le nua.