San Lucas 13:1 - Zapoteco de Aloápam

¹ Laniaguaba nua bisína ttu chupa ca benni atta du Jesús. Lacana nna utixxiꞌaquinna Benniha, Pilato benna mandadu betticana ttulhe ca unbiyuu daa lo yu gue Galilea laca seꞌecana rutticana ca nimala qui utecana úna gue Tata Do Iyyabaaha. Reni gue ca nimalaha nna biselana len reni guecani.

San Lucas 13:1 Iomraidhean Croise

San Mateo 27:1

Atti chi goaniha nna bitupatteba iyába ca nu lo gue ca bixxudiha lhe ca nu teru elha rieni gueni gue ca benni Israel lhe qui boquinna iquicani utticana Jesús.

San Mateo 27:2

Nianna bexxicattebacana Benniha, atti chettebacane guadúcane lo nu rinnabia lá Poncio Pilato.

Hechos 1:11

Nianna rácabi ca benni seꞌe rugüiaha: —Lebiꞌi, xa benni gue Galilea, ¿biaca seꞌele rugüiale iyyabaaha? ¿Läba gua yubale Jesús benni güequie len lebiꞌihaba Ben-na belhidha Tata Do Iyyabaaha? La Ben-naba Benniha, Benni esía attu sá. Attiba bilenle beopie deyye iyyabaaha, anáguaba esíe attu libe.

Hechos 2:7

Nianna rugüiaba lo loescani, rebanbaquinna lhe atti rinnaba tisa loescani rácana: —¿Lä nu Galileaba iyába ca nu seꞌe rinne-ni nna?

Hechos 5:37

Dequila lania nna bedería Judas, benni Galilea, atti ulhidhacana censuha. Unnuha nna udáguabana guano ixeru ca benni na. Ttiaca atti bedeotticana unnuha nna iyába ca nu guanalhacana nua gatti laduba bedaxxucana.