San Lucas 12:9 - Zapoteco de Aloápam

⁹ Ttiaca benni bittu dhi roꞌoni aní lo benni gualíba ria leni neti nna anáguaba neti bittuguaba dhi roꞌa gualí ria leni neti lo ca ingeli gue Tata Do Iyyabaaha.

San Lucas 12:9 Iomraidhean Croise

San Mateo 10:33

Ttiaca benni bittu dhi roꞌoni aní lo benni gualíba ria leni neti nna anáguaba neti bittuguaba dhi roꞌa gualí ria leni neti lo Tata quia do iyyabaaha.

San Mateo 25:12

Ttiaca biꞌiniha nna becabibi gue ca nua, rábi: “Bittu, cumu läga ancabiatia le.”

San Mateo 25:31

’Gansi chi besíaya neti Benni unbiyuu daa iyyabaaha, dedaaya deyuꞌa lheꞌe xieni gaꞌana tsee quia, lenia iyáxea ca ingeli quia-na, qui dhoa lo xxila gaꞌana tsee quia innabiaya.

San Mateo 25:41

’Nianna upea ca nu sia deca ná rabesa quia: “¡Lebiꞌi, ca nu ralha tsiale atta quixa guele! ¡Gualbietta atta dua-ni! Gualtsia lo gui nu ttu dia liiba ritena, atta chi anca tsia nu xxegüiha lenna ca ingeli gueniha.

San Mateo 7:23

Ttiaca neti nna lixxaba ecabia guecani upea cana: “Tsa läganu le ancabiatia. ¡Gualbiꞌetta atta dua ni, lebiꞌi, ca nu runi nu lä anca tsee!”

San Marcos 8:38

Cumu gansi ttu benni ettuinna quia lhe ettuinna gue ca tisa quia-ni lhe lo ca benni runi nu lä anca tsee seꞌe nnanna ca nu rudhá iquicani Tata Do Iyyabaaha, anáguaba neti Benni unbiyuu daa iyyabaaha ettúguabatia gueni gansi chi dedaaya lheꞌe xieni gaꞌana tsee gue Tata quia do iyyabaaha lenia ca ingeli gue Ben-na.

San Lucas 15:10

Neti ria le, anáguaba redaca le ca ingeli gue Tata Do Iyyabaaha gansi chi rodú xiyyan ttu benni te tulha gueni qui rodaxxuna neda gue Tata Do Iyyabaaha.

San Lucas 22:57

Ttiaca Pedro nna bittu uxí roꞌobi. Unnettebabi rábi: —Xa nuila, läga anca biatia unná.

San Lucas 9:26

Cumu nu ettuinna quia lhe gue ca tisa quia-ni lhe neti Benni unbiyuu daa iyyabaaha, ettúguatia gueni atti esíaya dedaaya lheꞌe xieni gaꞌana tsee quia lhe lheꞌe xieni gaꞌana tsee gue Tata quia do iyyabaaha lhe lheꞌe xieni gaꞌana tsee gue ca ingeli gue Ben-na lhe.

2 Timoteo 2:12

Gansi dhari uchíari lo elha disa ruyúri nna anáguaba innabiaguabari leni Ben-na. Gansi innári dequi bittu anca bienrie nna anáguaba lee innáguabe lo Tata Do Iyyabaaha dequi bittuguaba anca bienie ri.

1 Juan 2:23

Iyába ca nu riguꞌu niꞌacani Xiꞌini Tata Do Iyyabaaha, läga seꞌe ca nua len Tata Do Iyyabaaha. Nu ridí roꞌoni anca bienna Xiꞌini Tata Do Iyyabaaha nna duguaba nua leni Tata Do Iyyabaaha.

1 Juan 2:28

Nnanna nna lebiꞌi ancale attiba xiꞌinto quia, gualtseꞌe len Cristuha, qui gansi chi beacaxxe Benniha nna riꞌi nna xen su lee seꞌeri lania, qui bittu ettuinri atti utsá duri lo Benniha gansi chi besíe.

Apocalipsis 3:8

Neti nna yuxeaba gue iyába nu runle. Gualgüiarga, neti nna chi udhalia puerta guele nu nuttu nu te dhana odheana. Masquiba bittu runle tsitsi de bittu raca ixele, ttiaca bedobale tisa gue nu rpeale, bittuguaba chi bedhea lele lä dhi roꞌole ancabienle neti lhe.