San Lucas 12:4 - Zapoteco de Aloápam

⁴ ’Lebiꞌi, ca benni seꞌe tsee len neti, neti nna upea le: “Bittu gasinle lo ca nu uttican cuerpu guele-na, cumu dequila nna tsa lärga birua dhacana udhacaquinna le.”

San Lucas 12:4 Iomraidhean Croise

San Mateo 10:28

Bittu gasinle ca nu utticana lebiꞌi yies lo yu-ni, cumu ca unná sunruba cuerpu guele-na dhacana utticana, ttiaca läga aca utticana alma guele-na. Gualgásini Benni aca guee utseꞌe loe cuerpu guele-na lhe alma guele-na lhe atta lexúaha.

San Juan 15:13

Tsa läga nu benni te racaruinna gue ca benni seꞌe tsee lenna atti ttu benni dhielhana uttican na qui lhá ca benni seꞌe tsee lenna.

Hechos 20:24

Ttiaca neti nna tsa lägabi racatia cadirba bi satea, nigua lä runia cua tseea elha nabani quia-ni qui bittu gattia lhe. Nu runla nna duelhaba runia ruttipa lasia qui eꞌeyua ulhuxa sina betee Jesús Benni Bananie ri-na len neti, delába quixxiꞌaya ca tisa tsee gue nu redá le Tata Do Iyyabaaha rute len riꞌi.

Hechos 4:13

Atti biláni ca nu rinnabiaha bittu rasini Pedro lenbi Juan atti rinnecabi nna bebanbaquinna guecabi, cumu yuxeabacana läga raca gue ca biꞌiniha sitsi, niguaba lä bedheticabi lhe. Laniala nna boquinna iquicani gualíba anca ca biꞌiniha benni güequi leni Jesús.

Filipenses 1:28

Tsa bittu gasinle lo ca nu lä raca uyúcan le-na. Nu run ca unná ancana nu ruleꞌe lo lacana nna dia nittibacana. Unnáguaba ancana nu ruleꞌe lo lebiꞌi nna gua labale läga tsia nittile. Unní ancana nu uni Tata Do Iyyabaaha.

Santiago 2:23

Anía uca nna guaxxína uca attiba rába lo ca sitsi gue Tata Do Iyyabaaha atta rá: “De güia le Abraham gue Tata Do Iyyabaaha, nuarca ulequie biꞌiniha balaꞌana ancabi benni runi nu anca tsee.” Anioca nna utta lábi benni do tsee len Tata Do Iyyabaaha.

1 Pedro 3:14

Ttiaca carbárule gansi bixa ratele de seꞌele runle nu anca tsee. Larcala tsa nuttu nu gasinle, lä rixidiguale lhe.

Apocalipsis 2:10

Bittu gasinle lo nu satele, cumu nu xxegüiha nna unna udelhacana ttu chupale lisiyya quini tsuꞌubia le, delo tsii (10) ubisa satele uyúle elha disa. Lebiꞌi nna tsitsi gualtseꞌe, masquiba uttican le, neti nna guteba elha nabani gatta ttu dia lii guele, Benniha anque corona utea guele.