San Lucas 12:12 - Zapoteco de Aloápam

¹² Cumu atti isía inneleha nna Espíritu gue Tata Do Iyyabaahaba quixxiꞌenie le bixa innále.

San Lucas 12:12 Iomraidhean Croise

San Mateo 10:19

Ttiaca gansi chi bedaxxu ca benni le qui saseꞌecan le lo ca uxtisi-na, bittu ichacha iquile gue bixa innále lhe gue gaxasná ecabile lhe. Cumu gansi chi bisía ura innele nna guteba Tata Do Iyyabaaha tisa innele.

San Mateo 10:20

Cumu läga lebiꞌi nua innee, sinuqui Espíritu gue Tata guele do iyyabaaha, Benni yuꞌu lheꞌe lastoole-nba, Benniha innee cuenta guele.

San Lucas 12:13

Ttu ca nu sela len ca benni seꞌe nía nna unnena rána Jesús: —Maestro, gus betsia-na ilaꞌana interés-na qui unnana nu ralha dhia.

San Lucas 21:15

cumu neti guteba tisa len lebiꞌi, uteguaba elha rieni guele lhe qui ni ttu ca nu bittu raca uyúcan le nna bittu dhacana uchíacana lo nu innele, lä eselguabaquinna bixa innácana qui ecabicana guele lhe.

Hechos 4:8

Pedro nna cumu itúba lheꞌe cuerpu guebi yuꞌu Espíritu gue Tata Do Iyyabaaha, bequittebabi rábi cana: —Ca benni rinnabia gue Israel, anáguaba lebiꞌi ca benni teru elha rieni gueni gue lo yies-ni lhe

Hechos 6:10

Ttiaca läga ridacana lobi cumu rinnebi leni elha rieni rute Espíritu gue Tata Do Iyyabaaha.

Hechos 7:55

Ttiaca biꞌiniha nna yuꞌu itúba lheꞌe cuerpu guebi Espíritu gue Tata Do Iyyabaaha. Attiba ulhidha lobi begüiabi güetsaa, biláttebinbi xieni gue Tata Do Iyyabaaha, Jesús due daca lhuitta derechu gue Benniha lhe.