San Lucas 12:1 - Zapoteco de Aloápam

¹ La laniaguaba nua nna balhala mili benni bitupa atta do Jesús. De yarba de ixe ca benni chi raca, nuarca risinxxatta lheꞌe loescani. Jesús unnee belise primerba ca biꞌini rudheti ca tisa ruleꞌe re cabi: —Gualdo cuidadu len levadura gue ca fariseo-na. Diatia ria, lacana ancacana nu ni lo ni tisaba runcana dequi ancacana nu runi nu anca tsee.

San Lucas 12:1 Iomraidhean Croise

San Lucas 11:44

’¡Carusiꞌirule xa fariseo, anáguaba ca nu ruleꞌe nu rá lo ca ley bocaꞌana Moisés lhe ca nu ni lo ni tisaba runle dequi ancale benni runi nu anca tsee! Cumu lebiꞌi ancale attiba ttu baa nu bittu ruleꞌe gansi nía tena. Denuala nna ca benni rite lo nua nna läga yucana bixa yuꞌu lhiꞌu gue atta ruleacanaha.

San Lucas 12:56

¡Lebiꞌi ca nu nilo ni tisa runle dequi ancale nu runi nu anca tsee! Gua ritedaabinle gue nu raca lo bea-na lhe nu raca yies lo yu-ni lhe. ¿Biacala nna bittu ritedeenle gue nu rilenle raca tiempu seꞌele-ni?

San Lucas 5:1

Ttu libe do Jesús roꞌo indattoo te láni Genesaret. Ca benni seꞌe nía nna ruquílhabacane de rdacacana iyienquinna ca tisa gue Tata Do Iyyabaaha rinne Benniha.

San Lucas 5:15

Ttiaca adíla dia runa ca benni gue nu runi Jesús. Ixe tsitsia benni ritupa qui iyienquinna ca tisa rinne Benniha, qui eyonie cana cue ca isagüe guecani lhe,

San Lucas 6:17

Atti beadi Jesús lo lhilhiha lenie ca biꞌiniha nna. Níaba ulede lo ttu latsi lenie ca benni rudheti ca tisa ruleꞌe. Ixeru ca benni deno Benniha seꞌe nía, ca benni seꞌe lheꞌe yiesi Jerusalén lhe ca benni seꞌe itúba lo yu gue Judea lhe ca benni seꞌe lheꞌesi lá Sidón lhe lheꞌesi lá Tiro lhe ca nu seꞌe roꞌo indattooha. Ca benni-ni nna bisíncana nía qui iyienquinna nu ruleꞌe Jesús, qui eyonie ca nu raniha lhe.

Hechos 21:20

Atti bienini ca biꞌiniha nu rá Pablo nna ráttebacabi: “¡Xxeni ra le Tata Do Iyyabaaha!” Nianna rácabi Pablo: —Biyúrga, xa betsito, gua yuxeabalu ixeru mil ca benni Israel chi ria lecani Jesús. Ca unná nna runcana duelha dhoru tisa gue ca ley bocaꞌana Tata Do Iyyabaaha leni Moisés.

1 Corintios 15:3

Neti nna lola nu racaru duelha unale utixxiꞌatia le attiba beleꞌequinna neti, delába Cristu uttie lo niꞌa gue ca tulha runri attiba gaꞌana lo ca sitsi gue Tata Do Iyyabaaha.

Hebreos 12:22

Lebiꞌi nna ubigabale iqui iꞌiya te láni Sión atta re yiesi gue Tata Do Iyyabaaha Benni do bani-na. Yiesi-na nua Jerusalén re iyyabaaha, atta seꞌe ixeru mil ingeli runcabi laní gue Tata Do Iyyabaaha.

Santiago 3:17

Cumu ca benni te elha rieni rute Tata Do Iyyabaaha guecani nna ancacana nu runi ttagaꞌa nu tsee, nu do tsee leni iyába benni lhe nu siꞌi le lhe nu rudequini gue nu rá benni lhe nu du tsee leni lhe nu ratúa leni adí benni lhe nu satíaba runi nu anca tsee lhe nu ttuba runna leni iyába benni lhe nu bittu ni lo ni tisaba runna ttu bixa lhe.

1 Pedro 2:1

Larcala nna gualcua iyáxea nu lä anca tsee runle-na, nu run lele-na lhe nu ridiyiele-na lhe nu rapale malisi-na lhe nu rinne güee gue loesle-na lhe.