San Lucas 11:9 - Zapoteco de Aloápam

⁹ Larcala nna neti ria le: “Gualnnaba len Tata Do Iyyabaaha, Benniha nna gutebe nu reasinle. Gualeguila, lee nna gunbe eselinle nu reguilaleha. Gualnne roꞌo yoꞌo, lee nna gunbe idhalcana guele.

San Lucas 11:9 Iomraidhean Croise

San Mateo 21:22

Iyába nu innábale atti innele len Tata Do Iyyabaaha, guadíbale nua ladiba ria tsitsi lele Ben-na.

San Mateo 21:31

Laniala nna rá Jesús: —Delo irupa ca nua, ¿nú ca nua raquinle bencana nu raca le tata guecaniha? Ca bixxudiha nna becabicana rácana: —Nu xeniha. Jesús re cana: —Neti nna gualíbatia rpea le, ca güequixa-na lhe ca nuila requi manni-na lhe sattirla dhielhacana acacana benni rinnabia Tata Do Iyyabaaha atti lebiꞌi.

San Mateo 6:29

Ttiaca neti ria le, niba Salomón nu uca nu rinnabiaha, masquiba chi uttaxxatta gueni, tsa bittu udána ucu xo ruleꞌe tsee gueni qui uleꞌena atti ruleꞌe ca iyya-na.

San Marcos 11:24

Larcala nna rpeale, iyába bixa rinnabale gansi chi rinnele leni Tata Do Iyyabaaha guadíbale nua, ladiba ria tsitsi lele Ben-na.

San Marcos 13:37

Nu rpea lebiꞌi nna unnáguaba rpea iyába adí benni: “¡Gualeseꞌe tsee, tsitsi gualdo cuidadu!”

San Lucas 11:10

Cumu iyába ca benni rinnaba, gua ridíba ca nua nu rinnabacana, ca nu reguilaha nna gua reselbaquin nua nu reguilacana, ca nu rinne roꞌo puertaha nna gua ridhalbacana gue ca nua.”

San Juan 14:13

Iyába nu innábale len Tataha rudettile láya nna gunba nua, qui anáchu neti xiꞌin Tata Do Iyyabaaha, de nu runia-ni nna uleꞌe lo anca Benniha Benni ra xxeni leni.

San Juan 15:16

Läga lebiꞌi becueele neti, neti liba becueea le. Chi boseꞌa le qui tsiale unle nu anca tsee, nu anca tsee unleha nna uchíana, Tata quia nna gutebe iyá nu innábale lenie udettile neti.

San Juan 15:7

’Gansi gua seꞌele len neti lhe bittu ixulhinle nu rá ca tisa quia-ni lhe lania nna bixaba raca lele, gualnnaba nna guadíbale nua.

San Juan 4:10

Jesús becabie gueni re na: —Ganruba ttirca yulu gue nu tsee rute Tata Do Iyyabaaha, gue nú benni unní rinnabe lu inda lhe lu nna innábalu lenie, lee nna utee inda rute elha nabani iꞌiyalu.

Romanos 2:7

Lee nna utee elha nabani gatta ttu dia lii gue ca benni seꞌe ruchía runi nu anca tsee de ridá lecabi cuequi xen Tata Do Iyyabaaha cabi, cumu raca lecabi acacabi benni iyapa respeto lo Ben-na lhe benni aca bani ttu dia lii lhe.

2 Corintios 6:2

Cumu lo ca sitsi guee-na rinnee re: Neti nna bienbatia guelu la sá atti chi gaꞌanatia iyientia guelu, la sá gaꞌana lháluha nna ucaba lania lu. Gualuyurga, nnanna nua tiempu tsee. ¡Nasá nua anca sá lhá ca benni qui bittu tsia nitticana!

Hebreos 11:6

Ttiaca gansi bittuba ria leri gue Tata Do Iyyabaaha, tsa läga aca unri nu radi le Ben-na, cumu ca benni ribiga lo Tata Do Iyyabaaha, raca duelha tsia lecani gualíba do Ben-na, gutebe nu ralha ca nu rinnabacana yuda lo Ben-na lhe.

Hebreos 4:16

Larcala nna xen suba leri chi ibigari lo Tata Do Iyyabaaha, Benni racanie gueri. Qui anáchu esiꞌi le Ben-na ri, aca lanie ri lhe lagüi lo reasinrie.

Santiago 1:5

Gansi nux ttule reasinle elha rieni nna gualinnaba leni Tata Do Iyyabaaha. Benniha nna gutebe elha rieni guele, cumu lee nna rerú iqui rerú lee rute gue iyábari, tsa läga ritisin Ben-na ni ttule.

Santiago 5:15

Tata Do Iyyabaaha nna güeyonbe benni raniha, güelidhabe biꞌiniha ladiba ria tsitsi le ca benni innába eyon Tata Do Iyyabaaha benni raniha. Gansi biꞌiniha te tulha guebi nna guadíguabe elha xen lasi gue biꞌiniha.

1 Juan 3:22

Benniha nna gutebe iyába bixa innábari lenie gansi rudori tisa unri nu chi benie mandadu unri, gansi gua runri nu ruꞌu lee lhe.

Apocalipsis 2:24

Adíle ca benni seꞌe lheꞌe yiesi Tiatira-na, ca nu bittu rudo tisa gue nu ruleꞌe Jezabel-na, bittuguaba chi yule gue nu rá ca unná anca elha rieni gue nu xxegüiha lhe. Neti nna lärgabi rinnaba unle attu bixarua,