San Lucas 1:2 - Zapoteco de Aloápam

² Ucaba attiba chi utixxiꞌani ca benni begüiaga locabi gue nu uca desde primerohali, lacabi nna ucacabi benni utixxiꞌa ca tisa gue Tata Do Iyyabaaha.

San Lucas 1:2 Iomraidhean Croise

San Marcos 1:1

Ni ridulo ca tisa tsee rixxiꞌa gue Jesucristu benni anque xiꞌini Tata Do Iyyabaaha.

San Marcos 16:20

Ca biꞌini bedheti ca tisa beleꞌe Benniha nna, biríattebacabi diacabi riguixxiꞌacabi ca tisa gue Jesús itúba ca nía. Benni bananie ri-naba uca lenie cabi. Leni ca milagru run ca biꞌiniha nna ruleꞌe lo, nu rá cabiha nna ancana nu gualí. Amén.]

San Marcos 4:14

Benni rudelha xuxtilaha nna ancabi attiba ttu benni rixxiꞌa ca tisa gue Tata Do Iyyabaaha.

San Lucas 24:48

Lebiꞌi ancale ca benni biyú lole iyá nu ucaha.

San Juan 15:27

Anáguaba lebiꞌi lhe quixxiꞌaguabale quia, cumu atti udulolia beleꞌetia ca benni, lebiꞌi nna chi seꞌele len neti.

San Juan 16:4

Rixxiꞌatia le unní, qui gansi chi bisía sá satele aná nna lania nna exxa lele, neti nna chiba utixxiꞌatia le nu satele. ’Läga utixxiꞌatia le unní primeroha, cumu len lebiꞌiba doa.

Hechos 1:3

Dequide uttie nna beleꞌeguabani loe ca biꞌiniha ixe libe qui tsia lecabi dequi gualíba beacabanie. Attu chua (40) ubisa beacaxxe len lacabi, riguixxiꞌanie cabi gaxasná rinnabia Tata Do Iyyabaaha.

Hechos 1:8

Ttiaca gansi chi bisía Espíritu gue Tata Do Iyyabaaha itúba cuerpu guele, lania nna utee derechu guele qui iríale tsiale quixxiꞌenle ca benni seꞌe lheꞌe yiesi Jerusalén-ni quia, itúba lo yu te láni Judea lhe anáguaba lo yu te láni Samaria lhe itútteba yies lo yu-ni lhe.

Hechos 14:25

Dequide chi utixxiꞌacabi ca tisa gue Jesús lheꞌe yiesi Perge, utettebacabi diacabi daca lheꞌe yiesi Atalia.

Hechos 16:6

Ttiaca Espíritu gue Tata Do Iyyabaaha nna läga begüeele Pablo lenbi Timoteo quixxiꞌaquinbi ca benni seꞌe daca lo yu te láni Asia ca tisa gue Jesús. Larcala nna utettebacabi diacabi daca lo yu te láni Frigia lhe lo yu te láni Galacia lhe.

Hechos 17:11

Ca benni Israel seꞌe lheꞌe yiesi Berea nna ancacana benni radúru lecani atti ca benni seꞌe lheꞌe yiesi Tesalónica. Larcala itú iqui itú lecani güia lecani ca tisa gue Jesús. Nianna ttu ttu sába riseꞌecana rulabacana lo ca sitsi gue Tata Do Iyyabaaha qui ttedaaquinna gansi gualí nu riguixxiꞌen Pablo cana.

Hechos 26:16

¡Nnanna nna beadha udú ra! Denuala nna chi beleꞌe loa lenlu qui unlu sina quia, qui acalu benni quixxiꞌalu gue nu chi biyú lolu nnanna lhe gue nu chi daba uyú lolu unia lhe.

Hechos 4:20

Cumu riꞌitu nna läga aca udhantu quixxiꞌatu nu chi bienintu lhe nu chi bilentu lhe.

Hechos 8:4

Ttiaca ca benni bexunni biría lheꞌe yiesi Jerusalén, gaxaba diacabi riguixxiꞌacabi ca tisa gue Jesús.

Romanos 15:16

aca benni ixuu lo sina gue Jesucristuha atta seꞌe ca benni bittu anca benni Israel. Sina runia-ni nna ancana nu runi ttu bixxudi, neti nna rixxiꞌatia cana ca tisa gue Tata Do Iyyabaaha qui anáchu utsá dua ca benni bittu anca benni Israel-na lo Ben-na ancacabi attiba ttu úna radi le Ben-na ridíe baneda, benni chi seꞌe riesi-ni Espíritu gue Ben-na lhe.

1 Corintios 4:1

Larcala lebiꞌi nna raca duelha ulaba lele, riꞌitu nna sunruba benni rixuu lo sina gue Cristu ancatu, ancatu benni bodhaꞌana Tata Do Iyyabaaha lentu quixxiꞌatu gue nu te gatsinie ca tu atti nía.

Hebreos 2:3

gansi anía uca, riꞌi nna tsa läga lhári lo elha disa ute Tata Do Iyyabaaha gansi bittuba etábinri gue elha tsee xeni chi rá Ben-na unie len riꞌi de odile ri lo ca tulha gueri. Gue unní nna cuinaba Jesús Benni bananie ri-na utixxiꞌe ca tisa-na, lenla nna utixxiꞌaquin ca benni bina nu rá Ben-na ri, rácabi ri: “Gualíba nu rá Benniha.”

1 Pedro 5:1

Nnanna nna rulisa ca benni chi teru elha rieni guecabi anca nu lo gue ca benni ria le Cristu seꞌe len lebiꞌi. Cumu anáguaba neti ancaguaba nu lo gue ca benni ria le Cristu attiba lacabi. Neti anca benni begüia loa iyá nu guate Cristu, selaguaba len ca biꞌin-na edíbaaya nu ra xxen lee gaꞌana tsee gue Ben-na gansi chi besíe.

2 Pedro 1:16

Cumu nu beleꞌentu le gue edesia Jesucristu Benni bananie ri-na Benni ra xxeni lee-na, läga anca unná nu besiꞌinutu bexxe letu utixxiꞌentu le, sinuqui len cuinaga lotu begüiatu anca Benni bananie ri-na Benni ra xxeni lee.