San Juan 9:18 - Zapoteco de Aloápam

¹⁸ Ttiaca ca nu lo gue ca benni Israel nna tsa läga ria lecani dequi gualí uca nua ttu nu xua loni, nnanna nna chi ancana nu riláni, axta qui uxcana tata nan gue nua.

San Juan 9:18 Iomraidhean Croise

San Lucas 16:31

Ttiaca Abraham nna rábi na: “Gansi bittuba raca lecani udo nagacani gue ca tisa gue Moisés, nigua gue ca tisa ben ca benni uca profeta lhe bittuguaba tsia le ca nua masquiba eyacani ttu nu chi utti uleꞌe loni len lacana.”

San Juan 1:19

Aní becabi Juan gue ca bixxudi lhe gue ca benni datía Leví runcana sina gue yotu udhelha ca nu lo gue ca benni Israel. Cunní nna lheꞌe yiesi Jerusalén li udácana diacana güennaba tisa Juan rácan bi: —Lu nna ¿núnna ancalu?

San Juan 5:44

Gaga nua tsia lele quia, cumu la lebiꞌiba rá loesle dequi ancale nu ra xxeni leni, läga runle qui Tata Do Iyyabaaha Benni tturbe do anque Dios innee ancale nu ra xxeni leni.

San Juan 9:19

Nianna, unnaba tisacana ca unnuha rácan cana: —¿Si xiꞌinle nu du-ni, nu rále anába xua loni ulna? ¿Ttiluca nna riláni unná nnanna?

San Juan 9:22

Aníaba rá ca tata nan gue nua de rasbaquinna ca nu lo gue ca benni Israel, cumu ca unnuha nna chi unnecana rácana, ttu tsaba ebeacana lheꞌe yoꞌo atta rudheticana ca tisa gue Tata Do Iyyabaaha nuxa innána Jesús anque Cristu Benni chi gaꞌanani Tata Do Iyyabaaha odile ca benni.

Hebreos 4:11

Riꞌi nna unlari duelha tseꞌeri atta edí leri, qui bittu sate ni tturi attiba guate ca nu lä bedo tisaha.