San Juan 8:9 - Zapoteco de Aloápam

⁹ Atti bienquinna nu rá Benniha nna udulottebacana ttuttu ttuttubacana deyyacana. Primero ca nu yaxxuha udulo güequi, lenla nna güequi ca uncuitiha, axta liba beacana. Atturba Jesús beꞌane nía lenie nuila bedúcana salheha.

San Juan 8:9 Iomraidhean Croise

San Lucas 13:17

Atti rá Jesús anía nna ca nu bittu raca uyúcana Benniha nna bettuxxattaquinna, ttiaca adí ca benni seꞌe nía nna tsitsiba ruꞌu lecani rilaquinna ca milagru run Benniha.

San Juan 8:10

Bededulítteba Jesús, unnaba tise nuilaha re na: —Xa nuila, ¿nala ca nua? ¿Si niba ttu ca nua bittu bedelha iyyacana lu gattilu?

San Juan 8:12

Jesús bedulottebe unnee attu libe re ca benni seꞌe nía: —Neti anca xieni gue ca benni seꞌe yies lo yu. Benni etenalhana neti nna läga tsequi nua atta chulha, cumu gattaba xieni rute elha nabani ttu dia lii gue nua.

San Juan 8:2

Betteyú dila nna besinttebe lheꞌeliꞌa gue yotuha attu libe. Iyába ca benni bedesincana atta due. Lee nna udottebe beleꞌenie cana.

San Juan 8:3

Ca nu ruleꞌe nu rá lo ca ley bocaꞌana Moisés lencana ca fariseo, uchecana ttu nuila beyaxxuquinna leni ttu unbiyuu bittu anca latselani bedúcan-na salhe gue ca nu seꞌe nía.

San Juan 8:8

Bedeyachuttebe attu libe, bededulo dacabe redeonie letra lo yu.

Romanos 2:15

Lacana nna len nu runcana ruleꞌe locana chi yuꞌu nu rá lo ca ley-na lheꞌe lastoocani. Cumu elha rieni guequinnaba rixxiꞌenna cana, unní nna ancana nu gualí. La nu rulaba lequinnaba rudelha iyyan cana guadú, a guadú nna rán cana tseeba anca nu runcana.

Romanos 2:22

Lu nu ridúlu rálu bittu dica isá ttu benni nu bittu anca latselani, nianna ¿biacala lu nna risálu nu bittu anca latselalu? Lu nu bittu raca uyúlu ca nu bittu gualí anca dios, nianna ¿biacala ribanalu nu te lheꞌe ca yotu gue ca unná ganna?

1 Juan 3:20

masquiba lastoori-na rudelha iyyan ri dequi bittu run tseeri, ttiaca Tata Do Iyyabaaha la anque Benni ra xxeni ru lee atti lastoori-ni, Benniha anque benni yu iyárechatte.