San Juan 8:51 - Zapoteco de Aloápam

⁵¹ Neti nna gualíbatia ria le, benni udona tisa gue nu ria nna tsa läga gatti nua.

San Juan 8:51 Iomraidhean Croise

San Mateo 16:28

Neti nna gualíbatia ria le, ttulhele ca nu seꞌe-ni nna läga gattixxile antisla ilenle neti Benni unbiyuu daa iyyabaaha dedaaya anca Benni rinnabia.

San Lucas 2:26

Benniha nna chi utixxiꞌanie bi, labi nna bittu gattibi axta qui ugüiabi Cristu Benni idhelha Tata Do Iyyabaaha.

San Juan 14:23

Jesús becabie re: —Benni raquinna quia nna udoba nua tisa gue ca tisa quia-ni. Tata quia nna guaca banie gueni. Tata quia lenie neti nna itatu tsuꞌutu lheꞌe lastooni.

San Juan 15:20

Gualorexxa lele gue nu chi rpea le: “Ni ttu benni ttoꞌo lo sina bittu ancana nu ra xxeniru leni atti Benni bananie na.” Gansi neti besía le ca unná, anáguaba lebiꞌi usiaguaba le ca unná le. Gansi bedo nagacani gue nu ria nna udoguaba nagacani guele.

San Juan 17:6

’Ca benni becueelu lheꞌe ca benni seꞌe yies lo yu-ni betelu len neti nna chiba utixxiꞌatia cana nuxa ancalu. Guebalu ancacana, lu nna betelu cana len neti, lacana nna guarudoba cana tisa gue ca tisa guelha.

San Juan 5:24

’Neti nna gualíbatia ria, benni rudo nagani gue nu ria nna riaguaba leni benni udhelhe neti, unnuha nna guateba elha nabani gueni ttu dia lii, läga tsia nittina. Benni yattiba uca nua lo Tata Do Iyyabaaha, nnanna nna yuꞌu elha nabani gueni lo Ben-na.

San Juan 6:50

Neti nna rinnea gue ttaxtila daa iyyabaaha. Benni gona ttaxtila-ni nna tsa läga gatti nua lo Tata Do Iyyabaaha.

San Juan 8:12

Jesús bedulottebe unnee attu libe re ca benni seꞌe nía: —Neti anca xieni gue ca benni seꞌe yies lo yu. Benni etenalhana neti nna läga tsequi nua atta chulha, cumu gattaba xieni rute elha nabani ttu dia lii gue nua.

San Juan 8:52

Ca nu Israel nna becabicana rácana: —Nannarguaba nna chi yu tseetu, lu nna nu xxegüihaba yuꞌu lheꞌelu. Abraham uttiba biꞌiniha, anáguaba ca biꞌini uca profeta lhe lu nna rálu: “Nu udona tisa gue nu ria nna tsa läga gatti nua.”

San Juan 8:55

Lebiꞌi nna läga anca bienle Benniha, netirguaba nna anca biatie. Gansi innía bittu anca biatie nna lania nna anca ttu nu run leni attiba lebiꞌi, ttiaca gualíba anca biatie lhe rudoa tisa gue nu re lhe.

Hebreos 11:5

Enoc, de güiaba lebi gue Tata Do Iyyabaaha, nuarca läga uttibi, deyya banbabi len Tata Do Iyyabaaha, larcala läganu biꞌiniha guattiꞌacana. Lo ca sitsi gue Ben-na riguixxiꞌa rá: “Atti deobali eche Ben-na bi chi daa tisa labi nna benbabi nu guadi le Ben-na.”

Hebreos 2:9

Ttiaca nnanna rilenri Jesús benni ulhidagaa Tata Do Iyyabaaha lee a saroꞌotte güexxa atti ca ingeli-na, nnanna nna anque benni ra xxeni lee lhe Benni rapari respeto lhe de nu guate lo ya crusiha. Aníaba beni Tata Do Iyyabaaha cumu besiꞌinie ri, nuarca udhele Benniha qui uttie cuenta gue iyáxeari.