San Juan 8:44 - Zapoteco de Aloápam

⁴⁴ Lebiꞌi nna nu xxegüihaba anca xxudile. Nu ruꞌu le tata guelehaba reꞌo lele runle. Lana nna atti uduloli ure yies lo yu-ni ancana nu runi elhutti, läga runna nu anca gualí cumu läga rinnena nu gualí. Gansi chi rinnena run leni nna rinnebana nu ancabana, cumu ancana nu run leni lhe xxudi ca nu run lecani lhe.

San Juan 8:44 Iomraidhean Croise

San Mateo 12:34

¡Lebiꞌi, ca nu datía belha! ¿Tti modu aca innele nu anca tsee, lebiꞌi nna ancabale nu runi nu lä anca tsee? Cumu nu re lheꞌe lastoobale unnuhaba rinnele.

San Mateo 13:15

Cumu lastoo ca benni seꞌe-ni nna chi beacana tsitsi, Lacana nna chi bedhea nagacani lhe chi bexxúa locani lhe, qui bittu iyienquinna lhe bittu iláquinna lhe aná nna qui bittu eyequicana odaxxucana neda quia, neti nna eyonia cana.

San Mateo 13:38

Lo yu atta güia xuaha nna ancana yies lo yu-ni. Xuaha nna anque ca benni rinnabia Tata Do Iyyabaaha. Ixxi beꞌeyu lheꞌe xuaha nna ancana ca benni rudo tisa gue nu xxegüiha.

San Juan 6:70

Jesús becabie re: —Tsiꞌinule chi becueea, ttiaca ttule nna ancana ttu nu xxegüi.

San Juan 7:17

Ca benni raca lecani uncana nu raca le Tata Do Iyyabaaha nna guate daabaquinna gansi guanca nu ruleꞌa-ni gue Tata Do Iyyabaaha, si nu anca quiba rinnea aca.

San Juan 8:38

Neti nna rinneba nu bilátia atti doa len Tata quia, lebiꞌi nna runbale nu bienbinle rá tata gueleha.

San Juan 8:41

Lebiꞌi nna runbale loesi nu run tata gueleha. Lacana nna rácana: —Riꞌitu nna läga ancatu xiꞌini attu nu subi, ttuba tata guetu do. Xiꞌini Tata Do Iyyabaahaba riꞌitu.

San Juan 8:55

Lebiꞌi nna läga anca bienle Benniha, netirguaba nna anca biatie. Gansi innía bittu anca biatie nna lania nna anca ttu nu run leni attiba lebiꞌi, ttiaca gualíba anca biatie lhe rudoa tisa gue nu re lhe.

Hechos 13:10

atti rábi na: —¡Lu nna ancalu ttu nu güen lasi, nu runi nu satsa lhe xiꞌini nu xxegüi lhe nu bittu raca uyúna iyába nu anca tsee! ¿Núcala udú silu rutsiattalu ca benni lo neda gue Tata Do Iyyabaaha?

Hechos 24:9

Adí ca nu Israel seꞌe nía nna unnettebacana rácana dequi gualíba nu rá Tértulo.

Hechos 5:3

Ttiaca Pedro ráttebabi: —Ananías, ¿biaca begüeelhalu utaꞌa nu xxegüiha lheꞌelu ben lelu lo Espíritu gue Tata Do Iyyabaaha, lu nna bedátsibalu iqui belhi nu utixacana lo yuha?

2 Corintios 11:3

Ttiaca rastia cadirba ixú yiele satele attiba guate Eva uxielhana uxí yie belha na leni nu botsiꞌinu leni. Anáguaba lebiꞌi cadirba dhielhale ixú yiele lania nna iganna iquile bitturu udo lele itú iqui itú lele suntteba nu anca gue Cristu.

1 Pedro 5:8

Gualtseꞌe yanlee, satía gualseꞌe tsee cumu nu xxegüi bittu raca uyún le-na attiba requi besi rutuxxu requina reguilana nuxa gona.

2 Pedro 2:4

Cumu Tata Do Iyyabaaha tsa läga uxie elha xen lasi gue ca ingeli beni nu lä anca tsee, sinuqui bedelhale cana atta lexúa, lheꞌe atta anca chulha, nía guayacana qui ttua tseecana aca elha uxtisi guecani gansi chi bisía sá uni Tata Do Iyyabaaha elha uxtisi.

1 Juan 1:8

Gansi riꞌi innári dequi lägabi nu lä anca tsee runri, la riꞌiba nua rixú yieri. Lania nna läga ancari nu runi nu raxxína leni nu anca gualí.

1 Juan 2:21

Neti nna läga runia lo sitsi-ni guele de bittu anca bienle nu anca gualí, sinuqui runia lo sitsi-ni guele de chi yule gue nu anca gualí. Lebiꞌi nna gua yubale, tsa lägabi ttu nu bittu anca gualí riría lheꞌe tisa anca gualí.

1 Juan 2:4

Nu rána: “Neti anca biatia Benniha”, nianna bittu rudona tisa gue nu beni Benniha mandadu unna nu run lebani anca nua, läga anca nua nu runi nu anca gualí.

1 Juan 3:12

Bittu acale attiba benni utá lani Caín. Lana nna bettina betsiniha cumu Caín ucana gue nu xxegüiha. Nianna, ¿bi lo niꞌa gue bettina nua? Bettina nua cumu lana nna ucana nu runi nu lä anca tsee, betsiniha nna benna nu anca tsee.

1 Juan 3:15

Iyába ca benni rutía di lecani ca benni, nu runi elhuttiba anca ca nua. Lebiꞌi nna gua yubale, ni ttu nu runi elhutti bittu aca banna ttu dia lii lo Tata Do Iyyabaaha.

Judas 1:6

Aníaguaba guate ca ingeli ca nu bittu begüee lidhaca ladicani begüee Tata Do Iyyabaaha cana, sinuqui bedhala iquicani atta begüee Benniha cana tseꞌecana. Larca bedhea Tata Do Iyyabaaha cana ttu tsaba atta anca chulha, nía guayacana qui ttua tseecana aca elha uxtisi guecani gansi chi bisía sá uni Tata Do Iyyabaaha elha uxtisi gue ca benni seꞌe yies lo yu-ni.

Apocalipsis 12:9

Larcala nna uleaque nimala xxegüiha nía. Unnuha nua anca belha do axta ttuali, nu teeguaba láni nu xxegüi lhe Satanás lhe nu ridí yie iyába ca benni seꞌe yies lo yu. Lana lenna ca ingeli gueniha nna biruꞌunabacana yies lo yu.

Apocalipsis 13:14

Leni ca milagru begüeelha Tata Do Iyyabaaha na benna lo nimala biría lheꞌe indattooha nna uxí yiena ca benni seꞌe yies lo yu. Lana nna benna mandadu un ca nua ttu mentu anca atti anca nimala biría lheꞌe indattooha nu uca güee iquini leni espada, ttiaca beacabana.

Apocalipsis 2:10

Bittu gasinle lo nu satele, cumu nu xxegüiha nna unna udelhacana ttu chupale lisiyya quini tsuꞌubia le, delo tsii (10) ubisa satele uyúle elha disa. Lebiꞌi nna tsitsi gualtseꞌe, masquiba uttican le, neti nna guteba elha nabani gatta ttu dia lii guele, Benniha anque corona utea guele.

Apocalipsis 21:8

Ttiaca ca nu rasini bittu reaxani, ca nu bittu ria lecani neti lhe ca nu runi nu satsa rixxin ca benni lhe ca nu rutti benni lhe ca nu rutsá roꞌocani nutti nuttiba lhe ca nu runi gue güesaa lhe ca nu rudú xibicani lo ca nu bittu gualí anca diosi lhe iyába ca nu run lecani lhe ca unná nna ralhacana tsiacana lo gui xeni ralhaxxatta leni azufre. Lo gui atta tsiacanaha ancana elhutti berupa.

Apocalipsis 22:15

Ttiaca ca benni runi nu lä anca tsee-na lhe ca nu run gue güesaa-na lhe ca nu rutsá roꞌocani nutti nuttiba lhe ca nu rutti benni-na lhe ca nu rudú xibicani lo ca nu bittu gualí anca diosi-na lhe ca nu ridá lecani run lequinna lhe ca unnuha nna tsa bittu etaꞌacana lheꞌe yiesiha.

Apocalipsis 9:11

Ingeli banani belea anca chulha lheꞌeniha nna ancana nu rinnabia gue ca nu anca attiba uxxaruha. Unnuha nna te láni leni tisa hebreo Abadón, leni tisa griego nna te láni Apolión.