San Juan 8:34 - Zapoteco de Aloápam

³⁴ Jesús re cana: —Neti nna gualíbatia ria le, iyába ca nu runi nu lä anca tsee nna attiba nu ttoꞌo lo sinaba ancacana gue nu lä anca tsee runcana.

San Juan 8:34 Iomraidhean Croise

San Mateo 5:18

Neti nna gualíbatia ria le, laca sna rerba yies lo yu-ni lhe iyyabaaha lhe ni ttu tisa chicaꞌa lhe ni ttu letra lhe nu dia lo ca ley-na bittu ttua, axta qui saxxína aca iyá nu chi gaꞌana lo ca ley-na aca.

San Juan 3:3

Jesús becabie re: —Neti nna gualíbatia rpea lu, benni bittuba galina attu libe nna läga aca isela nua ca benni rinnabia Tata Do Iyyabaaha.

Hechos 8:23

Cumu neti nna rilátia rexxatta malisi lheꞌelu, tsaba xicalu lo nu lä anca tsee-na lhe.

Romanos 6:12

Larcala nna bittu ugüelhale usigui tulhana innabiana cuerpu guele-na nu riseꞌe lobana yies lo yu-ni, bitturu dhielhale unle nu ridále cuerpu guele-na.

Romanos 6:16

Lebiꞌi nna gua yubale, gansi lebiꞌi itoꞌole lo sina gue ttu benni qui tseꞌele udole tisa gueni, lania nna nu ttoꞌo lo sina gue nu rudole tisa guenihaba ancale. Anía bunni, gansi lebiꞌi seꞌele rudole tisa unle nu lä anca tsee-na, unná nna elhutti guebale cheena, gansi lebiꞌi seꞌele rudole tisa gue Tata Do Iyyabaaha, unnuha nna runi racale benni runi nu anca tsee.

Romanos 6:6

Riꞌi nna chiba yuri, nu ucari ttuha nna chiba utá nua lo ya crusiha len Cristuha, aníaliba nna bitúa nu ridá le cuerpu gueri-na unna qui bitturu acari attiba nu ttoꞌo lo sina runi nu rába nu lä anca tsee-na.

Romanos 7:14

Gua yubari, ca ley-na ancaque tisa gue Tata Do Iyyabaaha, ttiaca neti nna ancaba benni gue yies lo yu-ni, ancaba attiba ttu nu ttoꞌo lo sina lo nu lä anca tsee-na.

Romanos 7:25

Xquixaba Tata Do Iyyabaaha, lee nna godilábe neti de nu beni Jesucristu Benni bananie ri-na. Larcala neti nna raca lasia udoa tisa gue nu rá lo ca ley gue Tata Do Iyyabaaha, ttiaca cuerpu quia-ni nna nu lä anca tsee-na la runna.

Romanos 8:21

godilábe cana lo nu lä anca tsee runi rinitticana nu anquinna cana attiba nu ttoꞌo lo sina, qui anáchu galhacana tseꞌecana atta gaꞌana tsee tseꞌe ca xiꞌini Tata Do Iyyabaaha odile.

Efesios 2:2

Anába benle, güequile benle nu lä anca tsee runi ca nu seꞌe yies lo yu-ni. Useꞌebale benle nu rába nu xxegüi rinnabia ca be xxegüi requi lo be-na. Unnuonna rinnabia lheꞌe lastoo ca nu lä rudo tisa gue Tata Do Iyyabaaha.

Tito 3:3

Cumu riꞌi nna anáguaba benri ttuha: Ucari benni beni nu bittu ixuu, nu bittu bedo tisa lhe. Ucari benni iquiri ganna lhe ucari attiba nu ttoꞌo lo sina gue iyáloba nu satsa raca yies lo yu-ni lhe nu satíaba beni nu bittu anca tsee lhe nu upa malisi gue adí benni lhe nu bittu uca uyú loesni lhe nu betía dile loesni lhe.

2 Pedro 2:19

lacana nna rácana ca unna dequi gualábacana lo ca ley, ttiaca la labacana ancacana attiba nu ttoꞌo lo sina gue nu lä anca tsee seꞌecana runcana, cumu iyába benni nu bittu ridána udhanna nu lä anca tsee runna ancana attiba ttu nu ttoꞌo lo sina gue nua.