San Juan 8:32 - Zapoteco de Aloápam

³² Anía liba nna un biale nu anca gualí, nu anca gualíha nna unie lhále.

San Juan 8:32 Iomraidhean Croise

San Mateo 11:29

Gualoquinna iquile udole tisa gue nu runia mandadu unle, gualudheti unle atti runia lhe cumu neti anca Benni pasensi, nu bittu runi ttaba. Lania nna guasaxxacabale elha xen lasi reasani lastoole na.

San Juan 1:14

La tisaba Benniha beaque benni, udoe len riꞌi. De nu guate Benniha, besiꞌin Tata Do Iyyabaaha ri, ruleꞌenie ri nu gualí lhe. Begüiari elha ra xxen le guee bete Tata Do Iyyabaaha de tturba Benniha anque xiꞌinie.

San Juan 1:17

Cumu ca ley gue Tata Do Iyyabaaha nna Moisésba betebi Benniha len riꞌi. Ttiaca elha siꞌi le gue Tata Do Iyyabaaha lhe nu anca gualí lhe, Jesús Benni anque Cristu beleꞌe loe Ben-na len riꞌi.

San Juan 14:6

Jesús becabie re: —Netiba nua anca neda dia atta do Tata Do Iyyabaaha. Anca nu ruleꞌe nu anca gualí lhe anca nu rute elha nabani ttu dia lii lhe. Ni ttu benni bittu aca gueni isínna len Tata quia gansi läba neti unia qui isínna len Benniha.

San Juan 16:13

Gansi chi bisía Espíritu gue Tata Do Iyyabaaha benni rixxiꞌa nu gualí, Benniha uleꞌenie le iyá nu anca gualí, cumu läganu anca gue Benniha innee, nu iyienbani Benniha inná Tata Do Iyyabaaha innee, quixxiꞌenie le iyába nu chi daa aca lhe.

San Juan 17:17

Beleꞌequinna nu gualí rixxiꞌa ca tisa guelha qui iriescana acacana guelu, cumu ca tisa guelha ancaque nu gualí.

San Juan 6:45

Lo ca sitsi bocaꞌa ca profeta nna rá: “Tata Do Iyyabaaha uleꞌenie iyába ca benni.” Larcala nna iyába ca nu bienquinna gue Tataha lhe bideticana guee lhe dacana len neti.

San Juan 7:17

Ca benni raca lecani uncana nu raca le Tata Do Iyyabaaha nna guate daabaquinna gansi guanca nu ruleꞌa-ni gue Tata Do Iyyabaaha, si nu anca quiba rinnea aca.

San Juan 8:36

Larcala nna gansi neti xiꞌini Tata Do Iyyabaaha odiláya le nna lania liba acale nu gualíga seꞌe lále.

Romanos 6:22

Ttiaca nnanna lebiꞌi nna lärga ancale attiba nu ttoꞌo lo sina lo nu bittu anca tsee-na, nu rixuu lo sina gue Tata Do Iyyabaahaba chi ancale. Nu tsee ridíle gue unní nna ancana: chi ulequiesi Tata Do Iyyabaaha le qui acale benni guee, acale nu gatta elha nabani gueni ttu dia lii lhe.

Romanos 8:15

Cumu lebiꞌi nna läga uxíle Espíritu gue Tata Do Iyyabaaha qui edeseꞌele edeacale nu ttoꞌo lo sina gue elha rasi-na, sinuqui uxíle Espíritu-na qui acale xiꞌini Tata Do Iyyabaaha, cumu Espíritu gue Ben-na runie rinneri rári: “¡Tata xisto quia!”

Romanos 8:2

Cumu Espíritu gue Tata Do Iyyabaaha Benni rute elha nabani gueri de chi ancari benni gue Jesucristuha, Ben-na chi bodile neti lo ca tulha quia lhe lo elhuttiha lhe ca unná nna lärga rinnabiacana neti.

1 Corintios 7:22

Benni ancana nu ttoꞌo lo sina atti biaxina güia leni Benni bananie ri-na, benni requi laba chi ancana de babana len Ben-na. Anáguaba benni bittu ancana nu ttoꞌo lo sina atti biaxna, benni ttoꞌo lo sinaba chi ancana gue Cristu nnanna.

Gálatas 5:1

Cristuha chi bodile ri qui tsequi lári. Denuala nna tsitsi gualtseꞌe, bittu dhielhale edeacale attiba nu ttoꞌo lo sina gue ca ley bocaꞌana Moisés.

Gálatas 5:13

Lebiꞌi, ca benni ria le Jesús, uxiba Tata Do Iyyabaaha le qui tseꞌe lále, qui bitturu innabia ca ley bocaꞌana Moisés-na le. Ttiaca bittu aquinle de chi seꞌe lále-na guacaba unle nu racaba lele. Nu unlale nna gualuni nu anca tsee len loesle de raquin gue loesle,

2 Timoteo 3:7

Ca unná guabunna satíaba diacana rudheticana attu nu subi, ttiaca tsa läga rdacana ttedaaquinna gaxa te nu anca gualí.

Santiago 1:25

Ttiaca benni rulaba tsitsi leni gue nu dia lo ca ley gue Tata Do Iyyabaaha, nianna rudobi tisa runbi nu rá lo ca Ben-na, tseeba salíana nua cumu ca tisana ancaque idaꞌa lhe dhaque odiláque benni lhe.

Santiago 2:12

Larcala nna lhatsiru gualudú lele lhe lhatsiru gualnne lhe gualuni atti runi benni uni Tata Do Iyyabaaha elha uxtisi gueni leni ca ley rixuunie rodile ri.

1 Pedro 2:16

Lebiꞌi nna gualtseꞌeba gualuni atti runi benni nu nuttu nu rinnabian na, ttiaca bittu aquinle de ancale nu nuttu nu rinnabiana le nna guacaba unle nu racaba lele. Nu unlale nna gualtseꞌe gualuni nu anca tsee de ancale benni rixuu lo sina gue Tata Do Iyyabaaha.

2 Juan 1:1

Neti, Juan biꞌini chi anca benniola, ridhelha sitsi-ni guelu xa nuila chi becuee Tata Do Iyyabaaha acalu guee lenlu ca xiꞌinlu-na. Neti nna gualíga racatia guele. Läga sunru neti racatia guele, anáguaba raquin iyába ca benni guele, ca biꞌini chi yu ca tisa gue Tata Do Iyyabaaha rixxiꞌa nu anca gualí.