San Juan 8:19 - Zapoteco de Aloápam

¹⁹ Lacana nna unnaba tisacana rácane: —¿Nala tata gueluha? Jesús becabie re cana: —Lebiꞌi nna läga anca bienle neti, niguaba tata quia. Ttirca anca bienle neti nna lania nna anca biaguabinle Tata quia.

San Juan 8:19 Iomraidhean Croise

San Mateo 11:25

Laniala nna unne Jesús re Tata Do Iyyabaaha: —Tata, cuinalu ancalu Benni banani iyyabaaha lhe yies lo yu-ni lhe. Neti ribequi xenia lu de bittu begüeelhalu ttedaani ca nu rá ancacana nu yu te elha rien guequinna gue nu ria-ni, lu nna benlu ttedaaquin ca benni bittu ra xxeni leni gue unní.

San Juan 1:10

Yies lo yu-niba chi doe. Len labe beni Tata Do Iyyabaaha yies lo yu-ni, ttiaca ca benni seꞌe yies lo yu-ni nna läga beon biacana Benniha.

San Juan 1:18

Tsa läganu chi bilenna Tata Do Iyyabaaha. Benni anque tturbe xiꞌinie, ancaguabe Dios, doe cuitta tata guee, Ben-na beleꞌe loe gaxasná anca Benniha len riꞌi.

San Juan 15:21

Iyá unní udhacacan le lo niꞌa quia de ria lele neti, cumu bittu anca biaquinna Benni udhelhe neti.

San Juan 16:3

Anía uncana, cumu bittu anca biaquinna Tataha, niguaba neti.

San Juan 17:3

Guattaba elha nabani ttu dia lii gue ca benni gansi un biacana lu, lu nna tturbalu dolu gualíga ancalu Dios, un bia guabacana neti, neti nua Jesús Benni anca Cristu udhelhaluha.

San Juan 7:28

Jesús níaba due ruleꞌenie ca benni lheꞌeliꞌa gue yotuha. Atti bieninie nu rá ca nua nna unnettebe idisa re: —¡Lebiꞌi nna guanca biabinle neti lhe gua yuguale ga beaca lasia lhe, ttiaca läga titú neti delha! Benni udhelhe neti nna anque Benni rinne nu anca gualí. Lebiꞌi nna läga anca bienle Benniha.

1 Corintios 15:34

Gualedoni nibisa, bitturu unle nu lä anca tsee. Qui ettúbinle nna ria: Ttulhele nna läga chi anca bienle Tata Do Iyyabaaha.

Gálatas 4:9

Nnanna nna de chi ancabienle Tata Do Iyyabaaha, o tseerla innía Ben-na chi ancabiene le. Nianna, ¿gasná nua nna rdaca dacabale eyequile odidole tisa gue ca nu bittu gualí anca diosi-na ca nu bittu lidhacani te qui edeacale nu ttoꞌo lo sina guecani?

Efesios 1:17

Rinnabaguaba lo Dios gue Jesucristu Benni bananie ri, Tata gueri ra xxeni lee do iyyabaaha qui utee Espíritu guee-na guele. Ben-na nna utee itú elha rieni reasinle, unie ttedaatseenle gue nu anca guee lhe qui anáchu nna unbiatseele Ben-na.

Colosenses 1:10

Análiba nna qui tseꞌele unle nu anca lhatsiru atti dica uni ttu benni chi anca gue Jesús Benni bananie ri-na, qui satía unle nu reꞌo lee lhe. Delaba unle iyáloba nu anca tsee, eꞌeyule unbia tseele Tata Do Iyyabaaha lhe.

Colosenses 1:15

Jesucristuha anque atti anca Tata Do Iyyabaaha, Benni bittu rilenrie. Cristu ancaguabe Benni ra xxeniru lee leni delo iyátte nu ben Tata Do Iyyabaaha. Lee nna chila doe atti ure yies lo yu-ni.

Hebreos 1:3

Xiꞌinie-ni ruleꞌe loe nu xxeni ra le Tata Do Iyyabaaha. Lee anque itúxeaba atti anca Tata Do Iyyabaaha. Anque Benni tsitsiba ra lee, de nua nna leni tisa guebe denie iyáxeaba nu seꞌe yies lo yu-ni. Benniha nna dequide uttie lo niꞌa gue ca tulha gueri qui eyacari nu nari lo Tata Do Iyyabaaha nna beopittebe iyyabaaha qui bedoe daca ladu derechu gue Tata Do Iyyabaaha Benni ra xxeni lee.

1 Juan 2:23

Iyába ca nu riguꞌu niꞌacani Xiꞌini Tata Do Iyyabaaha, läga seꞌe ca nua len Tata Do Iyyabaaha. Nu ridí roꞌoni anca bienna Xiꞌini Tata Do Iyyabaaha nna duguaba nua leni Tata Do Iyyabaaha.

1 Juan 5:20

Gua yuguabari nna Xiꞌini Tata Do Iyyabaaha bisíe yies lo yu-ni qui betee elha rieni gueri qui benbiari Benni gualíga anca Tata Do Iyyabaaha. Riꞌi nna seꞌeri leni Benni gualíga anca Tata Do Iyyabaaha cumu seꞌeri leni Xiꞌinie Jesús Benni anque Cristu. Lee anque Benni gualíga anca Dios, anque Benni rute elha nabani gatta ttu dia lii gueri lhe.

2 Juan 1:9

Nuxaba bittu ruleꞌena nu beleꞌe Cristu, lana nna attu nu subi la diana runna läganu Tata Do Iyyabaaha du len unnuha. Nu rusiguina ruleꞌena nu beleꞌe Cristuha liba nna du lenna Tata gueri do iyyabaaha, du lenna Xiꞌin Benniha lhe.