San Juan 8:14 - Zapoteco de Aloápam

¹⁴ Jesús becabie guecani re: —Nu ria-ni nna gua daca bunni, masquiba la netiba rixxiꞌaya nu anca quia, cumu gua yuba ga biríaya daya lhe ga ladu diaya lhe ttiaca lebiꞌi nna läga yule ga biríaya lhe ga ladu diaya lhe.

San Juan 8:14 Iomraidhean Croise

San Juan 10:15

Attiba tata quia anca bienie neti, anáguaba neti anca biaguatie. Neti utea elha nabani quia qui odiláya ca benni, attiba ttu benni re lo ca carneꞌe rerú iqui rerú leni elha nabani gueni rutena cuenta gue ca carneꞌeha.

San Juan 10:36

¿Biacala neti Benni chi riesinie udhelhe yies lo yu-ni rále dequi rinne güea gue Tata Do Iyyabaaha de ria: “Neti anca Xiꞌini Tata Do Iyyabaaha”?

San Juan 13:3

Jesús yube, iyába chi bete Tata gueha las nee, atta do Bennihaba biríe dee yies lo yu-ni lhe níaguaba esíne lhe.

San Juan 14:10

¿Si läba gua ria lelu, neti nna ttuba Benni anca lenia Tataha, Tataha nna ttuba Benni anca Benniha lenie neti? Ca tisa rinnea-ni nna läganu anca quionni rinnea, nu anca gue Tata Do Iyyabaaha Benni yuꞌu lheꞌe lastooa-niba Ben-ni rinnea. Labe runie ca milagru runia.

San Juan 16:28

Atta do Tataha biríaya delha yies lo yu-ni. Nnanna nna odhaꞌana yies lo yu-ni qui eyyaꞌaya atta do Tataha.

San Juan 17:8

cumu utixxiꞌabatia cana ca tisa betelu len neti, lacana nna bedoba nagacani gue nu rá ca tisa guelha. Chiba yucana atta dolhaba biríaya daya, chiguaba güia lecani luba udhelhalu neti lhe.

San Juan 18:37

Laniala nna rá Pilato Benniha: —¿Anla lu ancalu nu rinnabia ganna? Jesús becabie re: —Luba chi rálu, neti anca nu rinnabia. Denuala nna ulia, delha yies lo yu-ni qui quixxiꞌaya nu anca gualí. Iyába ca nu runi nu anca gualí nna, rudo nagacani gue nu ria.

San Juan 5:31

Cumu gansi la netiba rixxiꞌaya gue nuxa anca nna nu rixxiꞌaya nna lägabi daca nua.

San Juan 8:42

Jesús re cana: —Gansi gualíga ancale xiꞌini Tata Do Iyyabaaha nna gua racabinle quia cumu neti nna atta do Benniha biríaya delha dua-ni, läga titú neti delha, labe udhelhe neti.

2 Corintios 11:31

Benni anca Dios lhe Tata lhe gue Jesús Benni bananie ri, lee ralhe cuequi xenri lee ttu dia liiba. Gua yuxeabe läga run lasia.

2 Corintios 12:11

Lebiꞌi nna chi benle duelha quia runia attiba runi ttu nu raca iquini. Cumu lebiꞌi liba anca nu dica inne tsee gue nu runia. Neti nna läga anca nu ra güexxaru leni lo ca benni rá dequi ancacana apóstol ra xxeni lequinna masquiba anca ttu nu bittu daca.

2 Corintios 12:19

Lebiꞌi nna ¿si raquinle dequi runbatu qui exútu lole? Ttiaca läga anía anca. Delába unnuha nna rinnebatu aní lo Tata Do Iyyabaaha de ancatu benni baba len Cristu. Iyába nu runtu-ni nna ancana nu uni tseꞌe tsitsile lo neda gue Tata Do Iyyabaaha, lebiꞌi ca benni raquintu gueni.

Apocalipsis 1:5

Anáguaba uni Jesús Benni anque Cristu len lebiꞌi. Lee anque benni rixxiꞌa nu anca gualí, anque Benni primerba beadhe lheꞌe baa atta yuꞌu ca nu yatti-na lhe anque Benni rinnabia ra xxeni lee gue de lo iyá ca nu rinnabia seꞌe yies lo yu-ni lhe. Lee nna racanie gueri. Leni reni guee bilali atti utee lo ya crusiha nna bodile ri lo ca tulha gueriha.

Apocalipsis 3:14

’Benguaba lo sitsi-ni udhelha gue ingeli rapa ca benni ria lecani neti seꞌe lheꞌe yiesi Laodicea, gus cana: “Aní rá Jesús Benni lá Amén. Benni rixxiꞌa nu anca gualí gue Tata Do Iyyabaaha, Benni rinnee nu anca gualí lhe. Benni beni leni Tata Do Iyyabaaha iyáxeaba nu seꞌe yies lo yu-ni lhe iyyabaaha lhe.