San Juan 7:4 - Zapoteco de Aloápam

⁴ Cumu ttu benni rdacana tsanni lona gue nu runna nna läga tsequi nua unna nua atta gatsi. Nu runlu-na benna aní lo iyá benni quini iláquinna.

San Juan 7:4 Iomraidhean Croise

San Mateo 23:5

Iyába nu runcana, runbacan nua qui ilen ca benni. Lacana nna atsacaba rodixxencana lo ca yieti ca nu ruxxicacana ca caja chicaꞌa rutá lo xeacani, ca nu ruxxica lo xiquicani lhe lheꞌe ca unnuha yuꞌu ca sitsi dia ttulhe ca tisa gue Tata Do Iyyabaaha locani. Reꞌoguaba lecani rudelhacana ca flecu bata roꞌo ca xalhoocaniha lhe.

San Mateo 4:6

Nianna rána Benniha: —Gansi gualí ancalu xiꞌini Tata Do Iyyabaaha, binna sanga axta lireeha, cumu lo ca sitsi gue Tata Do Iyyabaaha gaꞌana rá: Tata Do Iyyabaaha idhelhe ca ingeli guee qui uyúcabi lu. Ca ingeliha nna güilhenbacabi lu qui bittu icheculu len ca iyya-na.

San Mateo 6:16

’Lebiꞌi nna gansi chi rutte ubina lheꞌele, bittu unle qui tsanni lo nu runle, attiba run ca nu ni lo ni tisaba runcana dequi ancacana nu runi nu anca tsee. Lacana nna runcana aná qui ttedaani benni dequi rutte ubina lheꞌecani. Neti ria le nna unnuhaba anca nu tsee ralhacana dhicana.

San Mateo 6:5

’Lebiꞌi nna gansi chi rinnele len Tata Do Iyyabaaha, bittu unle atti runi ca nu ni lo ni tisaba runcana rinnecana len Ben-na. Lacana nna atti rinnecana len Tata Do Iyyabaaha, tsitsiba nu runcana riseꞌe ranicana lheꞌe ca yoꞌo atta rudhetiri ca tisa gue Ben-na lhe ca xitsi neda-na lhe qui iláni benni nu runcana. Neti ria le nna unnuhaba anca nu tsee ralhacana dhicana.

San Lucas 6:45

Benni du lhatsiru leniha nna tseeba rinnena, cumu rinnebana nu tsee re lheꞌe lastooni. Benni lä du tsee leniha nna nu bittu anca tseeguaba rinnena, rinneba nua nu bittu anca tsee re lheꞌe lastooni. Cumu nu re lheꞌe lastooba benni riría roꞌoni.

San Juan 18:20

Jesús becabie gueni re na: —Neti nna aní lo iyába benni unnea, satíaba udúa beleꞌetia ca benni Israel-na atta ritupari lheꞌeliꞌa gue yotu-na lhe lheꞌe ca yoꞌo atta rudhetiri ca tisa gue Tata Do Iyyabaaha lhe. Larcala nna lägabi unne neti ttu bixa atta gatsi.

San Juan 7:3

Ca betsi Jesús rácane: —Biría nii güia daca Judea, qui anáchu iláguani ca biꞌini rudheti ca tisa ruleꞌelu seꞌe nía ca milagru runlu-na.

San Juan 7:5

Aníaba rá ca betsi Benniha, cumu ni ca unnuha bittu ria lecanie.