San Juan 7:39 - Zapoteco de Aloápam

³⁹ Atti unne Jesús gue inda rute elha nabani ttu dia lii nna gue Espíritu gue Tata Do Iyyabaaha dhi ca benni tsia lecani Bennihaba nua rinnee. Lania nna lägabi chi uxí ca benni Espíritu cumu läga chi beopi Jesús iyyabaaha uleꞌe loe anque Benni ra xxeni lee.

San Juan 7:39 Iomraidhean Croise

San Mateo 16:14

Ca biꞌiniha nna becabicabi rácabi: —Ttulhe benni rácana lu ancalu Juan biꞌini begadi indaha. Adí benni nna rácana lu ancalu profeta Elías. Attu lhecana nna rácana profeta Jeremíasba lu, o nuxaba attu ca benni uca profeta gue Tata Do Iyyabaaha lhe.

San Mateo 21:11

Ca benni denoha nna rácana: —Jesús Benni anque profeta gue Tata Do Iyyabaahaba Ben-na, Benni beaca lasie lheꞌesi Nazaret nu re lo yu gue Galilea.

San Lucas 24:49

Neti nna güidhelhaba benni chi rá Tata quiaha utee len lebiꞌi. Larcala niba gualtseꞌe lheꞌe yiesi Jerusalén-ni axta qui dhíle elha raca len daa iyyabaaha, qui acale nu ra tsitsi leni.”

San Lucas 3:16

Ttiaca Juan ráttebabi iyábacana: —Gualíba neti rugadia benni inda, ttiaca chi dala Benni ugadie le inda leni Espíritu gue Tata Do Iyyabaaha, len gui lhe. Benniha nua raru xxeni lee atti neti. Neti nna niba läbi elha ralha idhasia lo guaracha guee.

San Lucas 7:16

Iyába ca nu seꞌe nía nna usixxattaquinna atti ulequi xencana Tata Do Iyyabaaha rácana: —Ucaxxeba ttu profeta ra xxeni leni len riꞌi. Ráguabacana: —Bisíaba Tata Do Iyyabaaha len riꞌi qui aca lanie ca benni guee-ni.

San Juan 1:21

Lacana nna bedennaba tisa dacabacana biꞌiniha redeácan bi: —¿Núla ancalu ganna? ¿Si luba nua profeta Elías? Juan becabibi rábi: —¡Dica! Nianna, redeácan bi: —¿Si luba nua profeta chi gaꞌana isía aca? Labi nna becabibi rábi: —¡Dica!

San Juan 1:25

Lacana nna unnaba tisattebacan bi rácanbi: —¿Biacala nna rugadilu benni inda gansi läba lu nua Cristuha, bittuguaba lu nua Elías lhe bittuguaba ancalu profeta lhe?

San Juan 1:33

Neti nna läga chi yua nuxa anque lania, ttiaca Benni udhelhe neti ugadia benni inda Benniha re neti: “Benni ilenlu chadi Espíritu quia dhoe iquie, Benniha nua ugadie ca benni inda leni Espíritu quiaha.”

San Juan 12:16

Ca biꞌini rudheti ca tisa ruleꞌe nna läga guadú lecabi gue nu raca lania. Dequide liba chi beopi Jesús iyyabaaha beleꞌe loe lee anque benni ra xxeni leni, lania liba guadú lecabi iyába nu bedhacacana Benniha nna chi dia lo ca sitsi gue Tata Do Iyyabaaha, aníaba guate.

San Juan 12:23

Benniha nna re cabi: —Bisíaba ura neti Benni unbiyuu daa iyyabaaha nna eyopia iyyabaaha qui uleꞌe lo neti anca Benni ra xxeni leni.

San Juan 14:13

Iyába nu innábale len Tataha rudettile láya nna gunba nua, qui anáchu neti xiꞌin Tata Do Iyyabaaha, de nu runia-ni nna uleꞌe lo anca Benniha Benni ra xxeni leni.

San Juan 14:26

Ttiaca Benni aca lanie leha, delába Espíritu idhelha Tataha cuenta quia, Benniha uleꞌenie le iyába, orexxe lele iyá nu chi rpea le lhe.

San Juan 16:14

Benniha nna unie uleꞌe lo anca Benni ra xxeni leni, cumu udaxxu niꞌe nu anca quia nna quixxiꞌenie le.

San Juan 16:7

Neti nna rpeba le nu anca gualí: Tseerla salíanale eyyaꞌaya, cumu gansi bittuba eyyaꞌaya nna läga isía Espíritu Benni aca lanie le. Ttiaca gansi eyyaꞌaya nna lania nna idhelha Benniha len lebiꞌi.

San Juan 17:1

Dequide unne Jesús iyába unní nna ulhidhatteba loe begüie iyyabaaha, nianna re: —Tata, nnanna nna chiba bisía ura. Beni qui uleꞌe lo neti xiꞌinlu-ni anca Benni ra xxeni leni, qui anáguaba neti nna unia uleꞌe lolu ancalu Benni ra xxeni leni.

San Juan 17:5

Nnanna nna Tata, beni qui eyaca Benni ra xxeni leni lolu attiba anca doa len cuinalu atti bittu yies lo yu-ni chi reha.

San Juan 20:22

Unnuhaba re nna belubittebe, nianna re: —Gualdhí Espíritu gue Tata Do Iyyabaaha.

San Juan 6:14

Atti biláni ca benni milagru beni Jesús, ráttebacana: —Gualíba Benniba nua profeta chi gaꞌana isía yies lo yu-ni.

San Juan 7:12

Anáguaba iyába ca benni requi nía rinnecana guee. Lhecana rácana: “Benni tsee bunna.” Adícana nna rácana: “Läga benni tseeonna, ridí yie bunna benni.”

San Juan 8:54

Jesús becabie re: —Gansi la netiba unia anca nu ra xxeni leni nna tsa lägabi daca nua. Ttiaca tata quia benni rále anca Tata Do Iyyabaaha guele-na runie anca nu ra xxeni leni.

Hechos 19:2

Labi nna unnaba tisattebabi ca biꞌiniha rábi cabi: —¿Si uxíle Espíritu gue Tata Do Iyyabaaha atti güia lele ca tisa gue Jesús? Ca biꞌiniha nna becabittebacabi rácabi: —¡Dica! Lägabi chi bienin riꞌitu innecana gue Espíritu gue Tata Do Iyyabaaha.

Hechos 2:17

Tata Do Iyyabaaha nna re: “Ca sá deoba lhuxa yies lo yu-ni nna unia gaꞌa Espíritu quia lheꞌe cuerpu gue iyá ca benni seꞌe yies lo yu-ni. Lania nna ca xiꞌin biyuule-na lhe ca xiꞌiniunnále-na lhe innecana ca tisa utea len lacana. Ca uncuiti gueleha nna uleꞌequinna ttu nu runna reban leri, ca benniolaha nna itsiaquinna yiela.

Hechos 2:33

Benniha nua beni Tata Do Iyyabaaha aque Benni ra xxeni leni, bodo daca lhuitta derechu gue Benniha lhe. Nianna uxíe Espíritu bete Tata Do Iyyabaaha lenie, benni chi becan yienie idhelhe len riꞌi. Benniha benni chi bieninle lhe chi bilenle lhe betee len ca benni seꞌe-ni.

Hechos 2:38

Pedro nna becabittebabi guecani rábi cana: —Gualodú xiyyanle nna gualodaxxutte neda gue Tata Do Iyyabaaha. Nianna atti cua ttu ttubale gadile inda udettile lá Jesucristuha, qui anáchu dhi Tata Do Iyyabaaha elha xen lasi gue ca tulha chi benle-na. Lania nna utee Espíritu guee-na len lebiꞌi.

Hechos 2:4

Lania nna iyábacabi utaꞌa Espíritu gue Tata Do Iyyabaaha lheꞌe itúba cuerpu guecabi. Nianna udulottebacabi unnecabi attu tisa subi, cua ruteba Espírituha rinnecabi.

Hechos 3:13

Tata Do Iyyabaa gue Abraham lhe gue Isaac lhe gue Jacob lhe Tata Do Iyyabaaha gue ca benniola gueriha chi benie cuequi xen iyáxea Benni Xiꞌinie Jesús Benni bedaxxule guatele las ná Pilatoha. Lebiꞌi nna bittu uxielhale olhána Benniha atti chi rána olháne.

Hechos 4:31

Uluxaba unnecabi leni Tata Do Iyyabaaha nna attirba chi bixú atta seꞌecabiha. Lania nna utaꞌatteba Espíritu gue Tata Do Iyyabaaha lheꞌe itúba cuerpu guecabi, atti udulottebacabi utixxiꞌacabi itú iqui itú lecabi ca tisa gue Tata Do Iyyabaaha.

Romanos 8:9

Ttiaca lebiꞌi nna lärga seꞌele runle nu ridá le cuerpu guele-na, sinuqui nu rába Espíritu gue Tata Do Iyyabaaha runle, gansi gua do Espíritu gue Ben-na lheꞌe lastoole. Nu bittuba do Espíritu gue Tata Do Iyyabaaha lheꞌe lastooni, läga anca nua gue Cristuha.

2 Corintios 3:8

Gansi aníali de xxeni ra le ca ley uxí Moisés, ¿ttiliga xxeni ra le nu runi Espíritu gue Tata Do Iyyabaaha len riꞌi?

Efesios 4:30

Bittu unle dhu siꞌi le Espíritu gue Tata Do Iyyabaaha, cumu Espíritu-na runie ruleꞌe lo gualíba chi ancale benni gue Tata Do Iyyabaaha, axta liba gansi chi bisía sá odilá Ben-na ri ttu tsaba.