San Juan 7:19 - Zapoteco de Aloápam

¹⁹ ’¿Si läba Moisés bocaꞌanbi ca ley-na len lebiꞌi? Lebiꞌi nna bittu rudole tisa guee. ¿Biacala neti rdacale uttile ganna?

San Juan 7:19 Iomraidhean Croise

San Mateo 12:14

Ttiaca ca fariseo seꞌe nía, cuantusiba beríacana lheꞌe yoꞌoha, udulottebacana beguila lecani gaxasná uncana utticana Jesús.

San Mateo 21:38

Ttiaca atti bilen ca nu riben umpanía lo yuha xiꞌin biꞌiniha nna rátteba loescani: “Unní ancana nu eyaꞌanna lo yu-ni, udaxxuri na uttiri na qui eyaꞌan lenri lo yu-ni.”

San Marcos 11:18

Atti bienini ca bixxudi anca nu loha lencana ca benni ruleꞌe nu rá lo ca ley bocaꞌana Moisés nu rá benniha, lacana nna udulottebacana beguila lecani gaxasná uncana qui utticana Benniha de rasquinna loe, cumu iyába ca benni rebanquinna gue nu ruleꞌe Benniha.

San Marcos 3:4

Nianna unnaba tisattebe ca benni seꞌe nía re cana: —¿Bi gaꞌana un ca benni sá redí leri riꞌi ca benni Israel? ¿Si unri nu tsee, aca? ¿Si unri nu lä anca tsee, aca? ¿Si odilári ttu benni lo elhuttiha, aca? ¿Si ugüelhari nua gattina, aca? Ca unnuha nna tsa bittu becabicana, siba ucacana.

San Marcos 3:6

Ttiaca ca fariseo seꞌe nía, cuantusiba beríacana lheꞌe yoꞌoha, unnetteba lencana ca benni deno Herodes, gue gaxasná eguila lecani qui utticana Jesús.

San Juan 1:17

Cumu ca ley gue Tata Do Iyyabaaha nna Moisésba betebi Benniha len riꞌi. Ttiaca elha siꞌi le gue Tata Do Iyyabaaha lhe nu anca gualí lhe, Jesús Benni anque Cristu beleꞌe loe Ben-na len riꞌi.

San Juan 10:39

Bedeonttebacana odidaxxucane attu libe, ttiaca lee nna ulabe lo nácani.

San Juan 11:53

Larcala nna bedaa la sá nna boquinna iqui ca nu lo gue ca benni Israel utticana Jesús.

San Juan 5:16

Lo niꞌa gue unnuha nna besía le ca nu lo gue ca benni Israel Jesús de runie nua sá redí letu.

San Juan 5:18

Lo niꞌa gue unnuha nna ca nu lo gue ca benni Israel nna adíla bedona lecani utticane. Cumu läga sunru bittu rudoe tisa edí lee sá redí le ca nu Israel, ráguabe anque ttuba leni Tata Do Iyyabaaha de re raca tata guee Benniha.

San Juan 5:45

Bittu aquinle dequi netiba udienni loa le lo Tata quia do iyyabaaha, Moisés biꞌini xen lele gue nu unnebiha liba udienni lobi le.

San Juan 7:1

Dequide unnuha nna, daca Galileaba requi Jesús. Läga raca lee dhoe deca Judea, cumu ca nu lo gue ca benni Israel nna reguilacane quini utticane.

San Juan 7:25

Ttulhe ca nu seꞌe Jerusalén nna ráttebacana: —¿Si läba unní nua reguilacana utticana?

Hechos 7:38

Moisés guaba biꞌiniha udúbi lagüi gue ca benni Israel lo yu bisiha. La laguababi nua unne lenbi ingeli gue Tata Do Iyyabaaha iqui Iꞌiya Sinaí lhe. Lenla nna unnebi len ca benniola gueriha. La laguabi nua uxíbi ca tisa ca benni rute elha nabani ttu dia lii gueri lhe nianna betebi Benniha len riꞌi.

Gálatas 3:19

Gansi anía anca, ¿bila ixuu ca ley-na ganna? De lo niꞌa gue nu lä anca tsee runri naba bete Tata Do Iyyabaaha ca ley. Ca ley-na bixuuque bedaa axta atti bisía Benni datie Abraham. Benniha nua chi begüee Tata Do Iyyabaaha tisa idhelhe yies lo yu-ni. Ca ingeli gueehaba bixuunie qui betecabi ca ley-na leni Moisés. Moisés nna ucabi benni utixxiꞌa ca ley-na len ca benni.

Gálatas 6:13

Cumu ni ca nu yuꞌu senni, lä rudocana tisa gue nu rá lo ca ley bocaꞌana Moisés. Lacana nna sunruba raca lecani tsuꞌule senni, qui dhacana innácana dequi lebiꞌi uchúle saroꞌo yieti, delába senni, nu runcana leni ca unbiyuu Israel.