San Juan 7:17 - Zapoteco de Aloápam

¹⁷ Ca benni raca lecani uncana nu raca le Tata Do Iyyabaaha nna guate daabaquinna gansi guanca nu ruleꞌa-ni gue Tata Do Iyyabaaha, si nu anca quiba rinnea aca.

San Juan 7:17 Iomraidhean Croise

San Mateo 6:22

’Ca iyya lolha ancacana xiani rudani gue itúba cuerpu guelu. Gansi ca iyya lolha ancacana tsee, lania nna itúba cuerpu guelha duna lheꞌe xieni.

San Lucas 8:15

Ttiaca ca xua binna lo yu tseeha nna ancaque ca benni nu itú iqui itú lecani rienquinna ca tisa-na, rigúa tseecana nu rá benna lheꞌe lastoocani lhe. Denua nna riseꞌetsitsicana lhe satíaba seꞌecana runcana nu anca tsee lhe.

San Juan 3:21

Ttiaca benni runi nu anca gualí rá Tata Do Iyyabaaha, gua ribigaba ca nua atta yuꞌu xieniha qui ilá lacana nna runbacana nu radi le Tata Do Iyyabaaha.

San Juan 8:43

¿Biacala bittu ritedeenle gue nu rpeale-ni? Lebiꞌi nna bittu ritedeenle cumu läga raca lele udo nagale gue nu ria.

San Juan 8:44

Lebiꞌi nna nu xxegüihaba anca xxudile. Nu ruꞌu le tata guelehaba reꞌo lele runle. Lana nna atti uduloli ure yies lo yu-ni ancana nu runi elhutti, läga runna nu anca gualí cumu läga rinnena nu gualí. Gansi chi rinnena run leni nna rinnebana nu ancabana, cumu ancana nu run leni lhe xxudi ca nu run lecani lhe.

San Juan 8:47

Benni anca gue Tata Do Iyyabaaha nna ca tisa gue Bennihaba rudo naga nua, ttiaca lebiꞌi nna läga ancale gue Tata Do Iyyabaaha, nuarca bittu raca lele udo nagale ca tisa gue Benniha.

Hechos 17:11

Ca benni Israel seꞌe lheꞌe yiesi Berea nna ancacana benni radúru lecani atti ca benni seꞌe lheꞌe yiesi Tesalónica. Larcala itú iqui itú lecani güia lecani ca tisa gue Jesús. Nianna ttu ttu sába riseꞌecana rulabacana lo ca sitsi gue Tata Do Iyyabaaha qui ttedaaquinna gansi gualí nu riguixxiꞌen Pablo cana.