San Juan 6:54 - Zapoteco de Aloápam

⁵⁴ Nu gona bela quia-ni lhe iꞌiyana reni quia-ni lhe gua teba elha nabani gueni ttu dia lii. Neti nna gunba eyaquinna attu libe ca sá daa lhuxa.

San Juan 6:54 Iomraidhean Croise

San Juan 4:14

Ttiaca benni iꞌiya inda utea-ni nna tsa lärgaga ebis nua attu libe. Cumu inda utea iꞌiyanaha aque lhiꞌu lheꞌeni attiba ttu roꞌo dina riría inda. Benniha nna utee elha nabani gatta ttu dia lii gueni.

San Juan 6:27

Bittu udoxxatta lele quilale elha go nu bittu ruchía isá yies lo yu-ni. Nu unlale nna gualuni duelha gualeguila elha go nu ute elha nabani ttu dia lii guele. Elha go-ni nua utea len lebiꞌi, neti Benni unbiyuu daa iyyabaaha. Denua nna Tata quia do iyyabaaha chi bodúe neti.

San Juan 6:47

Neti nna gualíbatia rpea le, benni ria leni neti nna gua teba elha nabani gue nua ttu dia lii.

San Juan 6:55

Cumu bela quia-ni nna ancana nu gualíga anca elha go, reni quia-ni nna ancana nu gualíga anca iꞌiya ca benni.

San Juan 6:63

Espíritu gue Tata Do Iyyabaaha rute elha nabani guele ttu dia lii, läga bela gue cuerpu guele-na unná rute elha nabani guele. Ca tisa rinnea-ni nna ancaque gue Espíritu gue Tata Do Iyyabaaha rute elha nabani gue ca benni ttu dia lii.

Gálatas 2:20

Attisiba leni Cristuhaba nua chi utáya lo ya crusi. Larcala attisiba lärganu neti do, Cristuhaba doe lheꞌe lastooa. Doa anca bania nnanna de ria lasia Xiꞌini Tata Do Iyyabaaha. Lee nna de ucanie quia nuarca bete cuerpu guee qui uttie lo niꞌa quia.