San Juan 6:51 - Zapoteco de Aloápam

⁵¹ Neti nua anca ttaxtila rute elha nabani guadi iyyabaaha. Benni gona ben-ni nna aca banna ttu dia liiba iyyabaaha. Ttaxtila utea-ni nna anque cuinaga cuerpu quia, utea na qui ca benni seꞌe yies lo yu-ni nna gatta elha nabani guecani ttu dia lii.

San Juan 6:51 Iomraidhean Croise

San Mateo 20:28

Attiba neti, Benni unbiyuu daa iyyabaaha, läga delha yies lo yu-ni qui udá ná ca benni loa, sinuqui delhaba qui udá náya lo ca benni, gattia utea elha nabani quia qui lhá ixeru ca benni qui bittu tsia nitticana lhe.

San Lucas 22:19

Laniala nna bedaxxue ttaxtilaha. Dequide begüee xquixaru Tata Do Iyyabaaha, ulhaꞌattebe lheꞌe ttaxtilaha begüee ca biꞌini rudheti ca tisa ruleꞌe, nianna re ca biꞌiniha: —Taxtila-ni anque cuerpu quia. Cuerpu quia-ni utea na qui gattina cuenta guele. Aní unle qui exxa lele neti.

San Juan 1:14

La tisaba Benniha beaque benni, udoe len riꞌi. De nu guate Benniha, besiꞌin Tata Do Iyyabaaha ri, ruleꞌenie ri nu gualí lhe. Begüiari elha ra xxen le guee bete Tata Do Iyyabaaha de tturba Benniha anque xiꞌinie.

San Juan 1:29

Betteyú sá nna biláni Juan Jesús dee atta dubiha, nianna rábi: —¡Gualgüiarga! Ni benni anque carneꞌe udhelha Tata Do Iyyabaaha qui cue ca tulha gue ca benni seꞌe yies lo yu-ni.

San Juan 11:26

Iyába ca benni anca bani ria lecani neti nna läga gatti ca nua ttu tsa. ¿Si gua ria lelu nu ria-ni?

San Juan 3:13

’Tsa läganu benni chi gopi iyyabaaha sunruba neti Benni unbiyuu daa iyyabaaha goadia bisíaya nii.

San Juan 3:14

Attiba beni Moisés lo yu bisiha, ulhidhabi ttu yaga xua ttu belha ancana leni bronce loni, anáguaba neti Benni unbiyuu daa iyyabaaha raca duelha ilhidhacana neti güetsaa,

San Juan 3:16

’Tata Do Iyyabaaha nna raca juisianie gue ca benni, denuala nna udhelhe yies lo yu-ni neti Xiꞌinie Benni tturba donie, qui anáchu nna iyába ca benni tsia lecani neti nna bittu tsia nitticana, sinuqui gatta elha nabani guecani ttu dia liiba iyyabaaha.

San Juan 3:36

Nu ria leni gue Xiꞌinie-na gua teba elha nabani ttu dia lii gueni, nu bittuba tsia leni Ben-na nna lägabi elha nabani gue nua te ttu dia lii. Unnuha nna elha disa la yuꞌubia ute Tata Do Iyyabaahaba ralha nua dhína.

San Juan 5:24

’Neti nna gualíbatia ria, benni rudo nagani gue nu ria nna riaguaba leni benni udhelhe neti, unnuha nna guateba elha nabani gueni ttu dia lii, läga tsia nittina. Benni yattiba uca nua lo Tata Do Iyyabaaha, nnanna nna yuꞌu elha nabani gueni lo Ben-na.

San Juan 6:33

Cumu netiba nua goadia iyyabaaha anca ttaxtila gue Tata Do Iyyabaaha rutea elha nabani gue ca benni seꞌe yies lo yu-ni.

San Juan 6:35

Jesús re cana: —Neti anca ttaxtila rute elha nabani ttu dia lii. Benni itana len neti nna tsa lärgabi ttun nua, nu tsia leni neti nna tsa lärgabi ebis nua.

San Juan 6:41

Lo niꞌa gue nua nna udulo ca benni Israel unnecana gue Jesús, de rá Benniha: “Neti anca ttaxtila daa iyyabaaha.”

San Juan 6:47

Neti nna gualíbatia rpea le, benni ria leni neti nna gua teba elha nabani gue nua ttu dia lii.

San Juan 6:48

Neti anca ttaxtila rute elha nabani ttu dia lii gue ca benni.

San Juan 6:50

Neti nna rinnea gue ttaxtila daa iyyabaaha. Benni gona ttaxtila-ni nna tsa läga gatti nua lo Tata Do Iyyabaaha.

San Juan 7:38

Attiba rá lo ca sitsi gue Tata Do Iyyabaaha: “Lheꞌe lastoo benni tsia leni neti nna satíaba dha inda rute elha nabani ttu dia lii.”

2 Corintios 5:19

Delába Tata Do Iyyabaaha bixuunie Cristu qui benie eyaca tsee ca benni len lee. Lee nna uxíe elha xen lasi gue ca tulha guecani. Len riꞌitu nna bocaꞌane quixxiꞌentu ca benni gaxasná eyaca tseecana lenie.

2 Corintios 5:21

Cristu nna lägabi ben Benniha ni ttu nu lä anca tsee. De lo niꞌa guebari nna bejúa Tata Do Iyyabaaha Benniha yua lo niꞌa gue ca tulha gueri, qui de nu guate Benniha nna beoni Tata Do Iyyabaaha ri benni tsee loe.

Efesios 5:2

Gualtseꞌe gualaquin gue iyába benni attiba ucani Jesús gueri. Benniha nna ucaba lee bete elha nabani guee qui uttie lo niꞌa gueri. Lee nna uque attiba ttu úna nu rure xixxi lo Tata Do Iyyabaaha.

Efesios 5:25

Lebiꞌi nna ca unbiyuu, aquinle gue ca nuila guele-na, attiba racani Cristuha gue ca benni ria lecanie, de unnuha nna nuarca bete elha nabani guee qui uttie cuenta gueri,

Tito 2:14

Lee nna uxielhabe betticane qui utixe gue ca tulha gueri. Anía liba nna lhári lo iyá nu lä anca tsee benri, qui acari benni chi anca nari anca guee lhe nu tsaba udona leni uni nu anca tsee lhe.

Hebreos 10:20

Lo neda cubiha neda rute elha nabaniha, nía nua tsiari. Nedaha nua udhali Jesucristuha atti bireda rulha gue lari daa salhe lheꞌe yotuha qui bisíne Atta Ancaru Leꞌaha. Unnua nua benie atti bete elha naban guee qui uttie lo ya crusiha lo niꞌa gueri.

1 Pedro 2:4

Larcala nna gualibiga gaxxa taa len Jesús, Ben-na anque attiba ttu iyya bani. Ca benni seꞌe yies lo yu-ni nna uluꞌu niꞌacani Ben-na, ttiaca len Tata Do Iyyabaaha, Ben-na anque attiba ttu iyya becuee texxatta lidhacani gaꞌana tsee.

1 Juan 2:2

Lee nna berú iqui berú lee uttie, cumu leni elhutti gue Benniha liba nna bebe nu risaꞌani Tata Do Iyyabaaha, anía liba nna dhie elha xen lasi gue ca tulha gueri. Bittu sunru riꞌi dhie elha xen lasi gueri, anáguaba dhie elha xen lhasi gue ca tulha gue ca benni seꞌe yies lo yu lhe.

1 Juan 4:10

Leni unní beleꞌe lo Tata Do Iyyabaaha racanie gueri. Läga riꞌi udulori uquinri gue Tata Do Iyyabaaha, sinuqui Ben-naba ucanie gueri primero. Denuala nna udhelhe Xiꞌinie yies lo yu-ni qui uttie cuenta gueri, anía liba nna bebe nu risaꞌani Tata Do Iyyabaaha qui ridíe elha xen lasi gue ca tulha gueri.

1 Juan 4:14

Riꞌitu nna begüiaga lotu, larcala nna rixxiꞌatu, Tata gueri do iyyabaaha udhelhe Xiꞌinie yies lo yu-ni qui odile ca benni seꞌe-ni, bittu tsia nitticana.