San Juan 5:44 - Zapoteco de Aloápam

⁴⁴ Gaga nua tsia lele quia, cumu la lebiꞌiba rá loesle dequi ancale nu ra xxeni leni, läga runle qui Tata Do Iyyabaaha Benni tturbe do anque Dios innee ancale nu ra xxeni leni.

San Juan 5:44 Iomraidhean Croise

San Mateo 23:5

Iyába nu runcana, runbacan nua qui ilen ca benni. Lacana nna atsacaba rodixxencana lo ca yieti ca nu ruxxicacana ca caja chicaꞌa rutá lo xeacani, ca nu ruxxica lo xiquicani lhe lheꞌe ca unnuha yuꞌu ca sitsi dia ttulhe ca tisa gue Tata Do Iyyabaaha locani. Reꞌoguaba lecani rudelhacana ca flecu bata roꞌo ca xalhoocaniha lhe.

San Lucas 19:17

Nu rinnabiaha nna rána: “Tseeba anca, lu ancalu ttu benni riben tsee sina. Cumu de tsitsiba biyúlu saroꞌo belhi betea len luha nna nnanna nna unia acalu nu innabia tsii ca yiesi.”

San Juan 12:43

Cumu radirla lecani eyaꞌan tseecana len benni, attichula len Tata Do Iyyabaaha.

San Juan 17:3

Guattaba elha nabani ttu dia lii gue ca benni gansi un biacana lu, lu nna tturbalu dolu gualíga ancalu Dios, un bia guabacana neti, neti nua Jesús Benni anca Cristu udhelhaluha.

San Juan 3:20

Iyába ca nu runi nu lä anca tsee bittu raca uyúcana xieniha, läga ribigacana atta ruꞌu xieniha qui bittu tsanni lo nu runcana nianna itisacana.

San Juan 5:41

’Neti nna lägabi reasatia nuxa innána dequi neti anca Benni ra xxeni leni,

San Juan 8:43

¿Biacala bittu ritedeenle gue nu rpeale-ni? Lebiꞌi nna bittu ritedeenle cumu läga raca lele udo nagale gue nu ria.

Romanos 2:10

Ttiaca iyába ca benni runi nu anca tsee-na, cuequi xen Tata Do Iyyabaaha cana, unie acacana benni iyapa respeto loe lhe utee elha xen lasi lencana lhe lola ca benni Israel-na daneru, anáguaba ca benni bittu anca benni Israel-na lhe.

Romanos 2:29

Benni gualíga ancana nu Israel, lana nna ancana nua lhiꞌu lheꞌeli lastooni. Anáguaba nu ren senni, nu runcana leni ca unbiyuu Israel, lhiꞌu lheꞌe lastooli-ni ribe senni. Espíritu gue Tata Do Iyyabaahaba runie nua, läga ca ley dia lo sitsi-na runi unná. Benni ancana aná, läga lo ca benni seꞌe yiesi lo yu-ni ribe xeni-na, lo Tata Do Iyyabaaha liba ribe xeni nua.

Romanos 2:7

Lee nna utee elha nabani gatta ttu dia lii gue ca benni seꞌe ruchía runi nu anca tsee de ridá lecabi cuequi xen Tata Do Iyyabaaha cabi, cumu raca lecabi acacabi benni iyapa respeto lo Ben-na lhe benni aca bani ttu dia lii lhe.

1 Corintios 4:5

Larcala nna nuttu nu unle elha uxtisi gueni antisla isía sá gaꞌana aca elha uxtisi. Gualcueda esía Benni bananie ri-na. Lee nna guabeabe lolia nu te gatsi lheꞌe atta anca chulha, quixxiꞌe nu raquin lhiꞌu lheꞌe lastoo ttuttu benni lhe. Lania nna uni Tata Do Iyyabaaha cue xen ca benni ralha cue xeni.

2 Corintios 10:18

Cumu läga benni rinne rána dequi lana ancana nu runi nu anca tsee reꞌan tseena lo Tata Do Iyyabaaha, benni inná Benni bananie ri-na ancabi benni runi nu anca tsee liba eyaꞌan tseebi lo Ben-na.

Filipenses 2:3

Tsa bittu unle ttaba atti bixa runle niguaba qui cue xenle lhe. Nu unlale nna: gualudá iquile gue nu rá benni, gualuni dequi yurla cana atti lebiꞌi.

1 Tesalonicenses 2:6

Bittuguaba runtu qui cuꞌu benni riꞌitu biba lhe niguaba lebiꞌi lhe niguaba nuxarua benni lhe masquiba nna guatebana innábatu unle nu raca letu, de ancatu apóstol gue Cristu.

1 Timoteo 1:17

Larcala nna satíaba rári: “Xxeni ra lelu, Tata Do Iyyabaa Benni rinnabia ttu dia lii. Lä gattiguabalu lhe lä riláguabani ca benni lu lhe. Tturbalu do ancalu Tata Do Iyyabaa, yulu iyárecha lhe.” Amén.

Hebreos 3:12

Ca benni ria le Jesús gualdo cuidadu qui bittu aca ni ttule nu lä re latti leni, nu bittu ria leni Tata Do Iyyabaaha benni doe banie lhe cumu unná uni iriesle Ben-na.

Santiago 2:1

Ca benni ria le Jesús racatia gueni, lebiꞌi ca benni chi ria lele Jesucristu Benni bananie ri-na, benni ra xxeni le na lhe bittu aquinle suntteba gue ttulhe ca benni, a ttulhecana nna bittu aca uyúle.

1 Pedro 1:7

Ca elha disa uyúle-na uncana uleꞌe lo gansi gualí ria tsitsi lele Tata Do Iyyabaaha. Attiba oro-na masquiba ancana nu riseꞌelo, ttiaca labíaba riana lo gui qui rería ttagaꞌa nu anca oro, larcala nna nu ria tsitsi leri Tata Do Iyyabaaha ancana nu tseerla atti oro, denua nna dequide chi betto bechíale lo nu satele, de ria tsitsi lele Tata Do Iyyabaaha nna ralhale cue xenle lhe dhi lidhacale lhe iyapale respeto lhe atti eyacaxxe Jesucristu esíe.

Judas 1:25

Tturba Ben-na do anque Dios te elha rieni guee. Lee bodile ri de nu guate Jesucristuha. Tata Do Iyyabaaha anque Benni ra xxeni lee, Benni ruꞌu xieni gaꞌana tsee guee lhe Benni ra tsitsi lee lhe Benni rinnabia lhe. Anába anque atti deobali cue yies lo yu-ni, anába anque nnanna lhe anába aque ttu dia liiba lhe. Amén.