San Juan 5:34 - Zapoteco de Aloápam

³⁴ Neti lägabi reasatia nuxa benni quixxiꞌana quia, suna rorexxaba lele gue nu rá Juan qui lhále, bittu tsia nittile.

San Juan 5:34 Iomraidhean Croise

San Lucas 13:34

’¡Atturu gueni xa benni seꞌe Jerusalén! Lebiꞌi nna ruttile ca biꞌini anca profeta, rusíale iyya ca benni ridhelha Tata Do Iyyabaaha atta seꞌele lhe. ¡Balhala libe benia oseꞌale ttu reba attiba run ttu bera reaxina ca xiꞌinni reguꞌu lheꞌe xxilani qui uyúncana, ttiaca bittu uca lele!

San Lucas 19:10

Cumu neti Benni unbiyuu daa iyyabaaha nna delha eguila ca benni chi dia nitti qui odiláya cana.

San Lucas 24:47

Lebiꞌi nna tsiale cuenta quia lheꞌe iyába ca yiesi seꞌe itúba yies lo yu-ni qui quixxiꞌenle ca benni, gále cana: “Guadiba Tata Do Iyyabaaha elha xen lasi guele gansi odú xiyyanle gue nu lä anca tsee runle, eyequile odaxxule neda gue Ben-na lhe. Lheꞌe yiesi Jerusalén-ni dhulole quixxiꞌale ca tisa-na.

San Juan 20:31

Ca ben-ni nna ucaque lo sitsi qui anáchu lebiꞌi nna tsia lele Jesús anque Cristu Benni chi gaꞌanani Tata Do Iyyabaaha odile ca benni, anque Xiꞌini Tata Do Iyyabaaha lhe. De tsia lele gue Ben-na nna gatta elha nabani guele iyyabaaha ttu dia lii.

San Juan 5:32

Attu benni subi liba rixxiꞌe nu anca quia, neti nna yua nna nu re nna ancana nu gualí.

San Juan 5:41

’Neti nna lägabi reasatia nuxa innána dequi neti anca Benni ra xxeni leni,

San Juan 8:54

Jesús becabie re: —Gansi la netiba unia anca nu ra xxeni leni nna tsa lägabi daca nua. Ttiaca tata quia benni rále anca Tata Do Iyyabaaha guele-na runie anca nu ra xxeni leni.

Romanos 10:1

Ca benni ria le Jesús, neti nna nu racaruni lastooa-ni lhe nu rinnaba lo Tata Do Iyyabaaha lhe ancana odile ca benni quia anca benni Israel.

Romanos 10:21

Rixxiꞌaguaba Isaías gue ca benni Israel-na rábi, aní rá Tata Do Iyyabaaha: “Betú sába daa náya raxia ca nu diti bittu rienini, lä rudo tisa quia.”

Romanos 12:21

Bittu dhielhalu ixúyielu unlu nu lä anca tsee, sinuqui benla nu anca tsee, qui dhalu udú niꞌalu iqui nu lä anca tsee-na.

Romanos 3:3

Nianna gansi ttulhe ca nu Israel-na bitturu udocana tisa gue nu rá ca tisa gue Tata Do Iyyabaaha bodhaꞌane las nácani, ¿si de unnuha nna bitturu un Ben-na nu chi re unie?

1 Corintios 9:22

Atti doa len ca benni bittu chi seꞌe tsitsi lo neda gue Jesús, benguaba anca attiba lacana qui udáya useꞌetsitsicana. Benba anca attiba anca iyábacana qui chibuca udáya ulá ttu chupacana.

1 Timoteo 4:16

Lhatsiru bedú lelu, lhatsiru beleꞌen ca benni lhe. Tsitsi udú beni nu chi rialu unlu. Cumu aná liba nna lhálu bittu tsia nittilu, lháguaba ca benni udo nagacani guelu lhe.

1 Juan 5:9

Riꞌi nna gua rutebari lidhaca nu rá ca benni seꞌe yies lo yu-ni, ttiaca dacaru nu rá Tata Do Iyyabaaha, cumu de cuinaga lee utixxiꞌe gue Xiꞌinie.