San Juan 5:23 - Zapoteco de Aloápam

²³ Anáchu nna iyá ca benni rapacana Tataha respeto nna gapaguabacana neti Xiꞌinie-ni respeto. Nu bittuba rapana neti respeto nna bittuguaba rapa nua respeto Tata quia do iyyabaaha. Lee udhelhe neti benni anca Xiꞌinie-ni.

San Juan 5:23 Iomraidhean Croise

San Mateo 10:37

’Benni racaruinna gue tata nan gueni attichula neti nna lägabi elha ralha nua acana benni quia. Nu racaruinna gue xiꞌin biyuuniha o gue xiꞌiniunnániha attichula neti nna lägabi elha ralha nua acana benni quia.

San Mateo 11:27

’Tata quiaha nna iyába betee las náya. Tsa läganu yu gattigasná anca Xiꞌini Tata Do Iyyabaaha, sunruba lee yue nuxa anca Xiꞌinie. Nuttuguaba yu gattigasná anca Tataha lhe sunruba neti Xiꞌinie-ni yua nuxa anque, ca benni raca lasia quixxiꞌatia cana gue Benniharba nna yucana nuxa anque.

San Mateo 12:21

Lania nna iyáxeaba ca benni seꞌe yies lo yu-ni uxxen lecani Ben-na.

San Mateo 15:8

Ca benni seꞌe-ni nna cuentaba rinne ca unná rácana dequi ria lecani neti, ttiaca läga gualícani ca unná racaquinna quia itú iqui itú lecani.

San Mateo 28:19

Larcala nna gualtsia lheꞌe iyába ca yiesi seꞌe itúba yies lo yu-ni, gualuseꞌe ca benni udheti ca tisa quia-ni, gualugadicana inda lhe. Atti ugadile cana inda nna udettile lá Tata Do Iyyabaaha, lá Xiꞌini Benniha lhe lá Espíritu gue Benniha lhe.

San Lucas 10:16

’Nu udo nagani guele nna quiba nua rudo naga nua, nu cuꞌu niꞌani lebiꞌi nna netiba nua riguꞌu niꞌa nua. Nu riguꞌu niꞌani neti nna Benni udhelhe netihaba Benniha riguꞌu niꞌani.

San Juan 14:1

Jesús re ca biꞌini rudheti ca tisa ruleꞌe: —Bittu aca guatenle. Gualtsia lele Tata Do Iyyabaaha, gualtsiaguaba lele neti lhe.

San Juan 16:14

Benniha nna unie uleꞌe lo anca Benni ra xxeni leni, cumu udaxxu niꞌe nu anca quia nna quixxiꞌenie le.

San Juan 17:10

Iyába nu anca quia nna guebalu nua, nu anca guelu nna quiba nua. Ca unná runcana ruleꞌe lo anca Benni ra xxeni leni.

Romanos 1:7

Runia lo sitsi-ni ridhelha guele, iyábale ca benni racani Tata Do Iyyabaaha guele seꞌe lheꞌe yiesi Roma-na. Lebiꞌi nna chi uxie le acale benni seꞌe riesi chi anca guee. Cuina Tata gueri do iyyabaaha lenie Jesucristu Benni bananie ri edá leque aca lenque le, unque tseꞌele xen su lee lhe.

Romanos 15:12

Rinneguaba profeta Isaías attu re lo ca sitsi gue Tata Do Iyyabaaha rábi: Isía ttu Benni datía Isaí, Benniha innabie ca benni bittu anca benni Israel, lacana nna uxxen lecani Benniha.

Romanos 6:22

Ttiaca nnanna lebiꞌi nna lärga ancale attiba nu ttoꞌo lo sina lo nu bittu anca tsee-na, nu rixuu lo sina gue Tata Do Iyyabaahaba chi ancale. Nu tsee ridíle gue unní nna ancana: chi ulequiesi Tata Do Iyyabaaha le qui acale benni guee, acale nu gatta elha nabani gueni ttu dia lii lhe.

Romanos 8:9

Ttiaca lebiꞌi nna lärga seꞌele runle nu ridá le cuerpu guele-na, sinuqui nu rába Espíritu gue Tata Do Iyyabaaha runle, gansi gua do Espíritu gue Ben-na lheꞌe lastoole. Nu bittuba do Espíritu gue Tata Do Iyyabaaha lheꞌe lastooni, läga anca nua gue Cristuha.

1 Corintios 1:3

Cuina Tata gueri do iyyabaaha lenie Jesucristu Benni bananie ri aca lenque le, unque tseꞌele xen su lee lhe.

1 Corintios 10:31

Larcala atti role ttu bixa lhe atti iꞌiyale ttu bixa lhe atti runle ttu bixaba lhe gualun qui cuequi xen benni Tata Do Iyyabaaha.

1 Corintios 16:22

Tsia nittiba nu bittu raquinna gue Jesús Benni bananie ri-na. ¡Betaa, Benni bananie riꞌitu!

1 Corintios 6:19

Gua yuxeabale nna lebiꞌi ancale yotu atta do Espíritu gue Tata Do Iyyabaaha. Benniha unná doe lheꞌe lastoole. Tata Do Iyyabaaha betee Ben-na len lebiꞌi. Denua nna lebiꞌi lärga ancale nu banani lebiꞌi,

2 Corintios 1:9

Riꞌitu nna uquintu dequi tsaba chi boquinna iquicani gattitu. Ttiaca unnuha bixuuna len riꞌitu qui uxxen letu Tata Do Iyyabaaha benni runie reacani ca nu yatti-na, qui bitturu uxxen letu gue nu anca guetu.

2 Corintios 13:14

Jesucristu Benni bananie ri-na aca lanie le, anáguaba satíaba acani Tata Do Iyyabaaha guele lhe satíaba dho Espíritu guee len iyábale lhe. Amén.

2 Corintios 5:14

Cumu nu racani Cristuha gueri, rudo besina riꞌitu untu nu runtu-ni. Cumu chiba yuxeabatu Cristuha uttie lo niꞌa gue iyábari. De unnuha nna iyábari ancari benni uttiguaba lenie.

2 Corintios 5:19

Delába Tata Do Iyyabaaha bixuunie Cristu qui benie eyaca tsee ca benni len lee. Lee nna uxíe elha xen lasi gue ca tulha guecani. Len riꞌitu nna bocaꞌane quixxiꞌentu ca benni gaxasná eyaca tseecana lenie.

Efesios 6:24

Laque aca lenque iyába ca benni racani ttu dia liiba gue Jesucristu Benni bananie ri-na. Amén.

2 Timoteo 1:12

Lo niꞌa gue unnuha nna ratea iyába nu ratea-ni. Ttiaca tsa lägabi rettutia, cumu yuxeaba nuxa anca Benni ria lasia. Neti yua nna anque ttu Benni ra xxeni leni, lee nna guagua tseebe elha nabani quia-ni nu chi bodhaꞌana las nee axta atti isía sá utsá dua loe.

Hebreos 1:6

Unneguabe attu libe atti udhelhe yies lo yu-ni Xiꞌinie benni tturbe donie. Lee nna benie mandadu re: Iyáxeale, ca ingeli quia-na, gualudú xibile lo Xiꞌinia-na.

2 Pedro 1:1

Neti Simón Pedro benni rixuu lo sina gue Jesucristu, anca apóstol, nu chi gaꞌananie iche ca tisa guee. Ridhelha sitsi-ni guele lebiꞌi ca benni ria lele Jesús attiba riꞌitu, cumu Tata Dios gueri Jesucristu Benni bodile ri anque Benni ttu dia liiba runi nu anca tsee.

2 Pedro 3:18

Nu unlale nna gualunbia tsee chatti Jesús benni bodile ri-na lhe Benni bananie ri-na lhe gualuni tseꞌe tsitsi chattile adí len elha tsee betee Ben-na len lebiꞌi. ¡Benna cuequi xenrie nnanna lhe ttu dia liiba lhe! Amén.

1 Juan 2:23

Iyába ca nu riguꞌu niꞌacani Xiꞌini Tata Do Iyyabaaha, läga seꞌe ca nua len Tata Do Iyyabaaha. Nu ridí roꞌoni anca bienna Xiꞌini Tata Do Iyyabaaha nna duguaba nua leni Tata Do Iyyabaaha.

2 Juan 1:9

Nuxaba bittu ruleꞌena nu beleꞌe Cristu, lana nna attu nu subi la diana runna läganu Tata Do Iyyabaaha du len unnuha. Nu rusiguina ruleꞌena nu beleꞌe Cristuha liba nna du lenna Tata gueri do iyyabaaha, du lenna Xiꞌin Benniha lhe.