San Juan 5:19 - Zapoteco de Aloápam

¹⁹ Nianna becabi Jesús re cana: —Neti Xiꞌini Tata Do Iyyabaaha gualíbatia ria le: Läga aca quia unia ttu bixa suntteba neti. Nu rugüiaba runi Tataha nna runia. Iyába nu runi Tataha nna runia.

San Juan 5:19 Iomraidhean Croise

San Mateo 26:39

Nianna biriestteba Jesús ttu roꞌo, atti bedútteba xibie axta liba binna loe lo yu. Lee nna unnetteba lenie Tata Do Iyyabaaha re Benniha: —Tata quia, si bittuba dica betsiattachi neti lo elha disa daa uyúa-ni. Ttiaca läga ria aca nu raca lasia, sinuqui nu innába cuinalu, unnuhaba aca.

San Lucas 21:15

cumu neti guteba tisa len lebiꞌi, uteguaba elha rieni guele lhe qui ni ttu ca nu bittu raca uyúcan le nna bittu dhacana uchíacana lo nu innele, lä eselguabaquinna bixa innácana qui ecabicana guele lhe.

San Juan 10:18

Tsa läganu ettettuana elha nabani quia-ni, netiba rerú iqui rerú lasia na utea na. Neti nna anca nu ra xxeni leni. Denua nna raca quia utea elha nabani quia-ni lhe edía na attu libe lhe. Unní rá tata quia unia.

San Juan 12:49

Cumu neti nna läganu anca quia rinnea, Tata quia Benni udhelhe netiha Bennihaba re neti bixa innea lhe quixxiꞌaya lhe.

San Juan 12:50

Neti nna yua, nu rá Benniha un benni nna ancana nu uni gatta elha nabani guecani ttu dia lii. Larcala nna nu rpea le-ni nna rixxiꞌaba na attiba rá Tata quia neti innea.

San Juan 14:10

¿Si läba gua ria lelu, neti nna ttuba Benni anca lenia Tataha, Tataha nna ttuba Benni anca Benniha lenie neti? Ca tisa rinnea-ni nna läganu anca quionni rinnea, nu anca gue Tata Do Iyyabaaha Benni yuꞌu lheꞌe lastooa-niba Ben-ni rinnea. Labe runie ca milagru runia.

San Juan 2:19

Jesús becabie re cana: —Gualuttapa yotu-ni, neti nna lheꞌe tsunna ubisaba nna elhidha na attu libe.

San Juan 3:3

Jesús becabie re: —Neti nna gualíbatia rpea lu, benni bittuba galina attu libe nna läga aca isela nua ca benni rinnabia Tata Do Iyyabaaha.

San Juan 5:21

Cumu attiba Tataha runie reacani ca nu yatti-na rote elha nabani guecani, aníaguaba neti Xiꞌinie-ni rutea elha nabani gue ca benni raca lasia utea elha nabani guecani.

San Juan 6:38

Cumu neti nna läga guadia iyyabaaha qui unia nu raca lasia. Neti nna delha unia nu raca le Tata quia.

San Juan 8:28

Lee nna re cana: —Gansi chi ulhidhale neti Benni unbiyuu daa iyyabaaha lo crusi nna lania liba ttedeenle neti nua anca nu chi ria le anca, bittuguaba runia nu anca quia lhe. Nu beleꞌebani tata quia neti, unnuhaba rinnea.

San Juan 9:4

Laca anca resá nna unxxiri sina gue Benni udhelhe neti, cumu gua daa ribiga aca lo rela nna lania nna tsa lärga nuruha aca gueni cuenna sina.

Hechos 2:24

Ttiaca Tata Do Iyyabaaha nna bechidhabe Benniha lheꞌe baa atta yuꞌu ca nu yatti-na, bodilábe Benniha lo elha disa ruyú Benni gue elhuttiha. Cumu elhuttiha nna läga udána un gueni Benniha.

Romanos 6:4

Larcala atti udiri indaha attisiba uttibari, ttuba bigatsiri leni Cristuha lhe qui attiba belhidha Tata gueri do iyyabaaha Benniha lheꞌe baa atta yuꞌu ca nu yatti-na len elha ra xxeni lee guee, anáguaba unie len riꞌi qui eyacari benni cubi bitturu tseꞌeri unri nu benri ttuha.

Romanos 8:11

Gansi Espíritu gue Tata Do Iyyabaaha Benni belhidhe Jesucristuha lheꞌe baa atta yuꞌu ca nu yatti-na doe lheꞌe lastoole, Benni beni beacani Ben-na guaba utee elha nabani gue cuerpu guele-na, cuerpu nu ratti yies lo yu-ni. Unná unie len Espíritu guee do lheꞌe lastoole-na.

1 Corintios 15:12

Nianna gansi riꞌitu rixxiꞌatu rátu: “Cristuha beacabanie beríabe lheꞌe baa atta yuꞌu ca nu yatti-na”, ¿galasná nna rá ttulhele dequi bittu gualí reacani ca nu yatti-na?

2 Corintios 4:14

Riꞌitu nna yubatu, Tata Do Iyyabaaha Benni benie beacani Jesús Benni bananie ri, gunbe eyaquintu attiba benie beacani Jesús. Itupaba lentu le echee atta doe.

2 Corintios 5:10

Cumu raca duelha utsá du iyári lo atta do Cristu runie elha uxtisi, qui ttu tturi nna dhíri nu ralhari coa ancaba nu benri atti useꞌeri yies lo yu-ni, si ancana nu tsee o si nu bittu anca tsee lhe.

Efesios 2:5

Denuala nna atti ancari attiba nu yatti de seꞌeri runri nu bittu anca tsee, lee nna betee elha nabani gueri, itupa lenri Cristuha atti benie beaquin Benniha. Larcala nna de guatúaba le Tata Do Iyyabaaha le, nuarca bodile le.

Efesios 3:16

Rinnaba lo Tata Do Iyyabaaha qui unie cuequi tsitsi Espíritu guee-na lele leni elha ra xxeni lee gaꞌana tsee guee na.

Filipenses 3:21

Ben-na otsie ca cuerpu gueri-ni ca nu reaca yu, qui eyonie cana atti anca cuerpu gaꞌana tsee guee. Unní unie leni elha ra xxen le guee rixuunie rinnabie iyáxeaba nu tee.

Filipenses 4:13

Bixaba ratea nna gua ridába ruchíaya loni cumu Cristuhaba rudú tsitsie neti.

Colosenses 1:11

Rinnabaguatu loe cuequi tsitsie lele leni elha ra xxeni lee guee, qui anáchu nna dhale uchíale lo elha disa daa uyúle, qui bittu saxxaquinle.

Colosenses 1:16

Leni Cristuha beni Tata Do Iyyabaaha iyába ca nu seꞌe iyyabaaha lhe yies lo yu-ni lhe nu rilenri lhe nu bittu rilenri lhe. De Bennihaba nna seꞌe ca nu rinnabia-na, ca nu ra xxeni lequinna lhe ca nu anca nu lo-na lhe ca nu anca uxtisi-na lhe. Iyá bunna beni Tata Do Iyyabaaha len Cristuha, guebe ca unná lhe.

1 Tesalonicenses 4:14

Cumu attiguaba ria leri gualíba utti Jesús nianna beacanie attu libe, aníaguaba ria leri uni Tata Do Iyyabaaha, eyacani ca benni chi utti ria lecabi Jesús qui esíacabi len Ben-na.

1 Pedro 3:18

Cumu Cristuha nna anáguaba guate Benniha, lo niꞌa gue ca tulha gueri, ttu libeba uttie qui utixe gue iyábacana. Benniha anque ttu Benni bittu tulha guee te, ttiaca chi uttie lo niꞌa gueri nu te tulha gueni, anía liba nna eche Ben-na ri len Tata Do Iyyabaaha. Cuerpu gueeba Benniha utti, ttiaca atti beacanie nna anca banba espíritu gue Benniha do lheꞌe cuerpu cubi guee.

Apocalipsis 2:23

Uttiguaba ca xiꞌini Jezabel-na lhe delába ca nu bideti runi atti runi unná. Anía liba nna qui ttedaani iyáxea ca benni ria lecani neti, neti nna anca nu yu iyáxeaba bixa rulaba lecani lhe bixa racaquinna lhe. Larcala nna cua ttuttubale utea nu ralhale dhíle gue nu benle.